ପୁଣି ସାମ୍ନାକୁ ଆସିଲା କରୋନାର ଆଉ ଏକ ଭ୍ୟାରିଆଣ୍ଟ, ଡେଲ୍‌ଟାଠୁ ବି ଅଧିକ ଭୟଙ୍କର

ଜେନେଭା: ସାରା ବିଶ୍ୱ କରୋନା ମହାମାରୀକୁ ନେଇ ଆତଙ୍କିତ । ଗତ ଦେଢ଼ ବର୍ଷ ହେବ ଲୋକେ ମରି ମରି ବଞ୍ଚୁଛନ୍ତି । ଘରୁ ବାହାରିଲେ ମୃତ୍ୟୁର ଭୟ । ତେବେ ଏହାରି ଭିତରେ ଏହି ମହାମାରୀ ପଞ୍ଝାରୁ ବର୍ତ୍ତିବା ପାଇଁ ଏକ ମାତ୍ର ରାସ୍ତା ଖୋଜି ବାହାର କରିଛନ୍ତି ବିଶେଷଜ୍ଞମାନେ । ଆଉ ତାହା ହେଉଛି ଟିକାକରଣ । ତେଣୁ ସାରା ବିଶ୍ୱ ଏବେ ଟିକାକରଣ ଉପରେ ଗୁରୁତ୍ୱ ଦେଉଛି । ଚାରିଆଡ଼େ ଜୋରସୋରରେ ଚାଲିଛି ଟିକାକରଣ ।

Also Read

ବିଦ୍ୟାଭାରତୀଙ୍କ ଠାରୁ ୬ ପ୍ରଶ୍ନର ଉତ୍ତର ଖୋଜିବ କ୍ରାଇମବ୍ରାଞ୍ଚ

୬ ଏବଂ ୭ ତାରିଖରେ ଓଡ଼ିଶାରେ ପ୍ରବଳ ବର୍ଷିବ

ଦୀର୍ଘ ସମୟ ଯାଏଁ ଲଢ଼ିବ ପଞ୍ଜଶିର, ଗୋଳା ବାରୁଦରେ ପୁରା ଷ୍ଟାଡିୟମ ପ୍ୟାକ୍‌

ହେଲେ ତଥାପି ସ୍ଥିତି ସୁଧୁରିନି । ଏବେ ଏକ ନୂଆ ସମସ୍ୟା ସାମ୍ନକୁ ଆସିଛି । କାରଣ ଭାଇରସ୍‌ର ବାରମ୍ବାର ରୂପ ବଦଳାଇବାରେ ଲାଗିଛି । ଆଉ ବେଳକୁ ବେଳ ଏହି ଭାଇରସ୍‌ ଅଧିକ ଶକ୍ତିଶାଳି ମଧ୍ୟ ହେଉଛି । ତେବେ ଏହି କ୍ରମରେ ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ଏବେ ଏକ ନୂଆ କୋଭିଡ୍ ଭ୍ୟାରିଆଣ୍ଟକୁ ଟ୍ରାକିଂ କରିବା ଆରମ୍ଭ କରିଛି । କଲୋମ୍ବିଆରେ ଏମ୍‌ୟୁ ଭ୍ୟାରିଆଣ୍ଟର ମାମଲା ଦେଖିବାକୁ ମିଳିଛି । B.1.621 ହେଉଛି ଏହି ଭ୍ୟାରିଆଣ୍ଟର ଅନ୍ୟ ନାମ । ଚଳିତ ମାସ ଜାନୁଆରୀରେ ଏହାର ଏହି ଭ୍ୟାରିଆଣ୍ଟ ସାମ୍ନାକୁ ଆସିଥିଲା । ଏହି ଭ୍ୟାରିଆଣ୍ଟ ସହ ଜଡିତ ଚାରି ହଜାରରୁ ଅଧିକ ମାମଲା, ୪୦ରୁ ଅଧିକ ଦେଶରେ ଦେଖାଯାଇଛି ।

ଏମ୍‌ୟୁ ଭ୍ୟାରିଆଣ୍ଟକୁ ନେଇ ଚିନ୍ତାର ବିଷୟ ହେଉଛି, WHO ଅନୁଯାୟୀ ଏହା ଉପରେ ଟିକାର କୌଣସି ପ୍ରଭାବ ପଡ଼ିନପାରେ । ଖାଲି ସେତିକି ନୁହେଁ ଏହା ଅଧିକରୁ ଅଧିକ ସଂକ୍ରାମଣ ମଧ୍ୟ ହୋଇପାରେ । WHO କହିଛି ଯେ, ଏହି ଭ୍ୟାରିଆଣ୍ଟକୁ ଗମ୍ଭୀରତାର ସହ ବୁଝିବାକୁ ପଡ଼ିବ ଏଥିପାଇଁ ଅଧିକ ଅଧ୍ୟୟନ ଆବଶ୍ୟକ । WHO ଏହାକୁ 'ଭ୍ୟାରିଆଣ୍ଟ ଅଫ୍ ଇଣ୍ଟରେଷ୍ଟ' ବୋଲି କହିଛି ।

Also Read

ସିଦ୍ଧାର୍ଥ ଶୁକ୍ଲାଙ୍କ ଦେହାନ୍ତ ପରେ ବଲିଉଡରେ ଶୋକ,ଦୁଃଖ ପ୍ରକାଶ କଲେ ଅକ୍ଷୟ

ମାନବବାଦ ସଂଗଠନର ମୁଖିଆ ମାନସ ଦାସ ଗିରଫ

ଗୁଣି ଗାରେଡ଼ି ସନ୍ଦେହରେ ଗୋଟିଏ ପରିବାରକୁ ମାଡ଼ ମାରିବା ସହ ଗାଁରୁ ବାସନ୍ଦ

ବିଶ୍ୱ ସ୍ୱାସ୍ଥ୍ୟ ସଂଗଠନ ରିପୋର୍ଟରେ କୁହାଯାଇଛି, ଜାନୁଆରୀ ୨୦୨୧ରେ କଲୋମ୍ବିଆରେ ଏମ୍‌ୟୁ ଭ୍ୟାରିଆଣ୍ଟ ସାମ୍ନାକୁ ଆସିଥିଲା । ଏହି ସମୟରେ, ଏମ୍‌ୟୁ ଭ୍ୟାରିଆଣ୍ଟର କିଛି ମାମଲା ମଧ୍ୟ ସାମ୍ନାକୁ ଆସିଥିଲା । ଦେଖୁ ଦେଖୁ ଏହି ଭ୍ୟାରିଆଣ୍ଟ ଦକ୍ଷିଣ ଆମେରିକା ଓ ୟୁରୋପରେ ମଧ୍ୟ ଦେଖାଯାଇଥିଲା । ବିଶ୍ୱ ସ୍ତରରେ ଏହି ଭ୍ୟାରିଆଣ୍ଟର ମାମଲା ହ୍ରାସ ପାଇଛି ଏବଂ ଏହା ୦.୧ ପ୍ରତିଶତରୁ କମ୍ ।

ଏମ୍‌ୟୁ ଭ୍ୟାରିଆଣ୍ଟ କେତେ ବିପଜ୍ଜନକ?

ଡେଲ୍‌ଟା ଭ୍ୟାରିଆଣ୍ଟ ସହ ଏମ୍‌ୟୁ ଭ୍ୟାରିଆଣ୍ଟର ଉପସ୍ଥିତି ଉପରେ ମଧ୍ୟ ନଜର ରଖାଯିବ । WHO ଏବେ ସୁଦ୍ଧା ଡେଲ୍‌ଟା ଭ୍ୟାରିଆଣ୍ଟ ବ୍ୟତୀତ ଆଲଫା, ବିଟା ଏବଂ ଗାମାକୁ 'ଭ୍ୟାରିଆଣ୍ଟ ଅଫ୍ କନ୍‌ସର୍ଣ୍ଣ' ଭାବରେ ବିବେଚନା କରିଛି । ଏମ୍‌ୟୁ ବ୍ୟତୀତ ଇଓଟା, କପା ଏବଂ ଲାମ୍ବଡାକୁ 'ଭ୍ୟାରିଆଣ୍ଟ ଅଫ୍‌ ଇଣ୍ଟରେଷ୍ଟ' ଭାବେ ରେକର୍ଡ କରାଯାଇଛି ।

ଭ୍ୟାରିଆଣ୍ଟ କ’ଣ?

ଯେକୌଣସି ଭାଇରସ୍‌ର ଏକ ଜେନେଟିକ୍ କୋଡ୍ ରହିଛି । ଏହା ଏକ ପ୍ରକାର ମାନୁଆଲ, ଯାହା ଭାଇରସକୁ କହିଥାଏ ଯେ, କେତେବେଳେ, କ’ଣ ଏବଂ କିପରି କରିବାକୁ ହୁଏ । ଅଧିକାଂଶ ପରିବର୍ତ୍ତନ ପ୍ରଭାବହୀନ, କିନ୍ତୁ କିଛି ପରିବର୍ତ୍ତନ ହେତୁ ଜୀବାଣୁ ଶୀଘ୍ର ବ୍ୟାପିବା ଆରମ୍ଭ କରିଦିଏ ବେଳେବେଳେ ଏହା ସାଂଘାତିକ ମଧ୍ୟ ହୋଇଥାଏ । ଏହି ପରିବର୍ତ୍ତିତ ଭାଇରସ୍‌କୁ ଏକ ଭ୍ୟାରିଆଣ୍ଟ କୁହାଯାଏ । ବ୍ରିଟେନ ଏବଂ ଦକ୍ଷିଣ ଆଫ୍ରିକାରେ ଦେଖାଯାଇଥିବା କରୋନା ଭ୍ୟାରିଆଣ୍ଟଗୁଡ଼ିକ ଅଧିକ ସଂକ୍ରାମକ ଏବଂ ମାରାତ୍ମକ ବୋଲି ବିଶ୍ୱାସ କରାଯାଏ ।

OTV is now on Whatsapp

Join and get latest news update delivered to you via whatsapp

Join Now