ଘରକୁ ଆସିଲେ ରାଧିକା...ହେଲା ଧନବର୍ଷା, ୧୦ ଦିନରେ ବଢ଼ିଲା ଆଖି ତରାଟିବା ଭଳି ସଂପତ୍ତି

ଭାରତର ସବୁଠାରୁ ଧନୀ ବ୍ୟକ୍ତି ମୁକେଶ ଅମ୍ବାନୀ ଜୁଲାଇ ୧୨ରେ ନିଜ ସାନପୁଅ ଅନନ୍ତ ଅମ୍ବାନୀଙ୍କର ବିବାହ କରାଇଛନ୍ତି । ଅନନ୍ତଙ୍କର ରାଧିକା ମର୍ଚ୍ଚାଣ୍ଟଙ୍କ ସହ ବିବାହ ହୋଇଛି । ଘରକୁ ବୋହୂ ଆସିଥିବା ବେଳେ ସତେ ଯେପରି ଧନଲକ୍ଷ୍ମୀଙ୍କର ବର୍ଷା ହୋଇଛି ମୁକେଶଙ୍କ ଉପରେ । ବିବାହ ପରେ ମୁକେଶଙ୍କ ସମ୍ପତ୍ତିରେ ଅସ୍ୱାଭାବିକ ବୃଦ୍ଧି ଦେଖିବାକୁ ମିଳିଛି ।

ତେବେ ବିବାହରେ ବିପୁଳ ଖର୍ଚ୍ଚ ସତ୍ତ୍ୱେ ମୁକେଶ ଅମ୍ବାନୀଙ୍କ ସମ୍ପତ୍ତିରେ ହ୍ରାସ ହୋଇନାହିଁ । ଅନ୍ୟପଟେ ଏହା ଖୁବ ଅଧିକ ବୃଦ୍ଧି ପାଇଛି । ବିବାହର ମାତ୍ର ୧୦ ଦିନ ମଧ୍ୟରେ ଅମ୍ବାନୀଙ୍କ ନେଟ୍ ମୂଲ୍ୟ ୨୫,୦୦୦ କୋଟି (ପ୍ରାୟ ୩ ବିଲିୟନ ଡଲାର) ବୃଦ୍ଧି ପାଇଥିବା ଜଣାପଡ଼ିଛି ।

ଅଧିକ ପଢ଼ନ୍ତୁ: ମୁକେଶଙ୍କ ଆଖିରେ ଲୁହ; କନ୍ଦାଇ ଦେଲେ ନୀତା ଅମ୍ବାନୀ, ଭାଇରାଲ ହେଲା ଭିଡିଓ

ବ୍ଲୁମବର୍ଗ ବିଲିୟନେୟାର ଇଣ୍ଡେକ୍ସ ରିପୋର୍ଟ କରିଛି ଯେ ଜୁଲାଇ ୫ ରେ ଅମ୍ବାନୀଙ୍କ ସମ୍ପତ୍ତି ମୂଲ୍ୟ ୧୧୮ ବିଲିୟନ ଡଲାର ଥିଲା । ଜୁଲାଇ ୧୨ ସୁଦ୍ଧା ଏହି ସଂଖ୍ୟା ୧୨୧ ବିଲିୟନ ଡଲାରକୁ ବୃଦ୍ଧି ପାଇଛି । ଏହି ଉଲ୍ଲେଖନୀୟ ବୃଦ୍ଧି ଫଳରେ ମୁକେଶ ଅମ୍ବାନୀଙ୍କ ବିଶ୍ୱ ଧନୀ ମାନ୍ୟତାରେ ନିଜର ସ୍ଥିତିକୁ ମଧ୍ୟ ସୁଦୃଢ଼ କରିଛନ୍ତି । ସେ ଦ୍ୱାଦଶରୁ ଏକାଦଶକୁ ଉନ୍ନୀତ ହୋଇଛନ୍ତି । ବର୍ତ୍ତମାନ ସେ ଏସିଆର ସବୁଠାରୁ ଧନୀ ବ୍ୟକ୍ତି ଅଟନ୍ତି ।

ତେବେ ଅମ୍ବାନୀଙ୍କ ନେଟ୍ ସମ୍ପତ୍ତି ମୂଲ୍ୟ ବୃଦ୍ଧିରେ ରିଲାଏନ୍ସ ଇଣ୍ଡଷ୍ଟ୍ରିଜ୍ ସେୟାରର ଦୃଢ଼ କାର୍ଯ୍ୟଦକ୍ଷତାକୁ ଦାୟୀ କରାଯାଇପାରେ । ବିବାହ ଦିନ ରିଲାଏନ୍ସ ସେୟାରରେ ଏକ ପ୍ରତିଶତ ବୃଦ୍ଧି ଘଟିଥିଲା । ତେବେ ଗତ ଏକ ମାସ ମଧ୍ୟରେ, ସେୟାରଗୁଡିକରେ ପ୍ରାୟ ୬.୬୫% ବୃଦ୍ଧି ପାଇଛି । ଏହା ସହ ଗତ ଛଅ ମାସ ମଧ୍ୟରେ୧୪.୯୦% ରିଟର୍ଣ୍ଣ ପ୍ରଦାନ କରିଛି । ତେବେ, ବିବାହ ପରେ ଅର୍ଥାତ୍ ମଙ୍ଗଳବାର ଦିନ ସେୟାରଗୁଡିକ ୧.୧୧% ର ସାମାନ୍ୟ ହ୍ରାସ ପାଇ ₹ ୩,୧୫୯ ରେ କାରବାର ବନ୍ଦ କରିଥିଲା ।

ବ୍ୟକ୍ତିଗତ ଭାବେ ଏତେ ଖର୍ଚ୍ଚ ସତ୍ତ୍ୱେ ତାଙ୍କର ସେୟାର ମୂଲ୍ୟ ବଢ଼ିବାରୁ ସମ୍ପତ୍ତି ମଧ୍ୟ ବୃଦ୍ଧି ପାଇଛି । ଘରକୁ ରାଧିକା ଆସିବା ପରେ ସତେ ଯେପରି ମୁକେଶଙ୍କ ଉପରେ ଧନଲକ୍ଷ୍ମୀଙ୍କର ଅହେତୁକ କୃପା ହୋଇଛି ।

ଅଧିକ ପଢ଼ନ୍ତୁ: Video: ବିବାହ ପରେ ଏହି ସ୍ଥାନକୁ ଗଲେ ଅନନ୍ତ-ରାଧିକା; ମିଳିଲା ଭବ୍ୟ ସ୍ବାଗତ...