LIVE TV
'ରାମ ରାମେତି ରାମେତି ରମେ ରାମେ ମନୋରମେ, ସହସ୍ରନାମ ତତ୍ତୁଲ୍ୟଂ ରାମ ନାମ ବରାନନେ ..'
ଅର୍ଥାତ ଯିଏ ମଧ୍ୟ ରାମନାମ ଜପ କରେ, ସେ ରାମଙ୍କ ଆତ୍ମା ମଧ୍ୟରେ ରୁହେ । ହଜାର ନାମ ସହ ସମାନ ଏହି ରାମନାମ .. ମର୍ଯ୍ୟାଦାପୁରୁଷୋତ୍ତମଙ୍କ ସ୍ୱାଗତ ପାଇଁ ଯେତେ ସବୁ ପ୍ରସ୍ତୁତି । ନବବଧୂ ଭଳି ସଜେଇ ହୋଇଛି ଭବ୍ୟ ରାମମନ୍ଦିର । ସମୟ ଯେତିକି ପାଖଉଛି, ଅଧିକରୁ ଅଧିକ ସୁନ୍ଦର ହୋଇଉଠୁଛି ତାର ରୂପ । ସତେ ଯେମିତି ପ୍ରଭୁ ଶ୍ରୀରାମଚନ୍ଦ୍ରଙ୍କ ଅପେକ୍ଷାରେ ବ୍ୟଗ୍ର ହୋଇ ଉଠୁଛି ସୁସଜ୍ଜିତ ମନ୍ଦିର । ଫୁଲରେ ଫୁଲରେ କେଉଁଠି ରାମନାମ ଲେଖାଯାଇଛି, ତ ଆଉ କେଉଁଠି ଓମ୍ ଏବଂ ସ୍ୱସ୍ତିକ ଚିହ୍ନ ।
LIVE Updates: ଜାଣନ୍ତୁ ଅଯୋଧ୍ୟା ରାମଲାଲାଙ୍କ ପ୍ରାଣ ପ୍ରତିଷ୍ଠାର ଟିକିନିଖି ଖବର...
Also Read
ସୁଗନ୍ଧରେ ମହମହ ବାସୁଛି ପୂରା ପରିସର । ଆଲୋକ ସାଜସଜ୍ଜା ବି ଅତୁଳନୀୟ । ପ୍ରାଣପ୍ରତିଷ୍ଠା ସମାରୋହ ଲାଗି ଚଳଚଞ୍ଚଳ ସମଗ୍ର ଦେଶ । ରଙ୍ଗବେରଙ୍ଗ ଫୁଲରେ ଝଲସୁଛି ରାମଲାଲାଙ୍କ ଭବ୍ୟ ନିବାସ । ଚାରିଆଡ଼େ ସାତ୍ତ୍ୱିକ ପରିବେଶ .. ମନ୍ତ୍ର ଧ୍ୱନି ଓ ବେଦପାଠରେ କମ୍ପୁଛି ପୁରା ସହର । ଫୁଲର ସୁଗନ୍ଧ ସାଙ୍ଗକୁ ଅତୁଳନୀୟ ଆଲୋକ ସାଜସଜ୍ଜା ... ସ୍ୱର୍ଗପୁରୀ ପାଲଟିଛି ଅଯୋଧ୍ୟା ରାମ ମନ୍ଦିର ପରିସର ।
ଅନ୍ୟପଟେ ପ୍ରାଣ ପ୍ରତିଷ୍ଠା ମହୋତ୍ସବ ପୂର୍ବରୁ ଝଲସିଲା ସାରା ଭାରତ । ଆଲୋକମୟ ଜମ୍ମୁର ପୁଞ୍ଚ .. ଗୁଜରାଟରେ ଘରେ ଘରେ ଦୀପାବଳିର ଆସର । ସରଜୁ କୂଳରେ ଡମ୍ବରୁ ଓ ଗିନିର ତାଳେ ତାଳେ ମଗ୍ନ ଶ୍ରଦ୍ଧାଳୁ । ନେପାଳର ଜାନକୀ ମନ୍ଦିରରେ ଚିତାକର୍ଷକ ଆଲୋକ ସଜ୍ଜା । ସେପଟେ ରାମ ନାମରେ ଚମକିଛି ଅମ୍ବାନୀଙ୍କ ଆଣ୍ଟିଲିଆ ।
ଓଡ଼ିଶାରେ ମଧ୍ୟ ଦେଖିବାକୁ ମିଳିଛି ପ୍ରଭୁ ଶ୍ରୀରାମଙ୍କ ଦିବ୍ୟତା । ଅଯୋଧ୍ୟାରୁ ଓଡ଼ିଶା ପର୍ଯ୍ୟନ୍ତ ପ୍ରଭୁଙ୍କ ଆଗମନ ନେଇ ପ୍ରସ୍ତୁତି । ଚରମ ସୀମାରେ ଉତ୍କଣ୍ଠା । ପ୍ରଭୁ ଶ୍ରୀରାମଙ୍କ ପ୍ରାଣ ପ୍ରତିଷ୍ଠା ଲାଗି ରାଜ୍ୟରେ ମଧ୍ୟ ବ୍ୟାପକ ପ୍ରସ୍ତୁତି । ରଙ୍ଗୀନ ଆଲୋକରେ ଝଲସିଲା ଭୁବନେଶ୍ୱର ରାମ ମନ୍ଦିର । ରାଉରକେଲା ଓ ବୌଦ୍ଧରେ ବି ଭବ୍ୟ ଆୟୋଜନ । ସବୁଠି ଶ୍ରୀରାମଙ୍କ ଦିବ୍ୟତାର ଛାପ .. ସ୍ୱାଗତ ପାଇଁ ପ୍ରସ୍ତୁତ ଭକ୍ତ ।
ଅନ୍ୟପଟେ ରାମଲାଲାଙ୍କ ଆଗମନ ପାଇଁ ବିଦେଶରେ ବି ପ୍ରବଳ ଉତ୍ସାହ ଦେଖିବାକୁ ମିଳିଛି । ପ୍ରାଣ ପ୍ରତିଷ୍ଠା ପୂର୍ବରୁ ନ୍ୟୁ ଜର୍ସିର ବାଲାଜୀ ମନ୍ଦିରରେ ୨୫ ଫୁଟ ହନୁମାନଙ୍କ ପୂଜାର୍ଚ୍ଚନା କରାଯାଉଛି । ବ୍ରିଟେନରେ ବି ବ୍ୟାପକ ପ୍ରସ୍ତୁତି, ଭଜନ କୀର୍ତ୍ତନ ସହ ଭଗବାନ ରାମଙ୍କୁ ପ୍ରାର୍ଥନା କରାଯାଇଛି ।
