LIVE TV
ରାମ ଓ ହନୁମାନ .. ଭକ୍ତ ଓ ଭଗବାନ । ରାମଙ୍କ ପାଇଁ ହନୁମାନ, ରାମଙ୍କୁ ନେଇ ହନୁମାନ । ପୁରା ବିଶ୍ୱରେ ରାମ ମନ୍ଦିରକୁ ନେଇ ଚର୍ଚ୍ଚା ଚାଲିଛି । କୋଣ ଅନୁକୋଣରୁ ଭକ୍ତ ନିଜ ପ୍ରାଣପ୍ରିୟ ଭଗବାନଙ୍କୁ ଦେଖିବାକୁ ଧାଇଁ ଆସୁଛନ୍ତି । ଏପରି ସ୍ଥଳେ ହନୁମାନ କେମିତି ବାଦ ପଡ଼ିବେ ।
ଆଜି ସକାଳେ ଅଯୋଧ୍ୟାକୁ ହନୁମାନ ଆସିଥିଲେ । ଏପରି ଘଟଣା ଘଟିଛି ଯାହା ବିଶ୍ୱାସକୁ ବଢ଼ାଇ ଦେଇଛି । ଅଯୋଧ୍ୟା ରାମ ମନ୍ଦିରକୁ ସକାଳୁ ସକାଳୁ ହନୁମାନ ଆସିଥିବାର ଚର୍ଚ୍ଚା ଚାଲିଛି । ଆଜି ଭୋର୍ ୫ଟା ୫୦ ମିନିଟର ଘଟଣା । ଘଟିଥିଲା ଏକ ଅଲୌକିକ ଘଟଣା । ମନ୍ଦିରର ଦକ୍ଷିଣ ଦ୍ୱାର ଦେଇ ଗର୍ଭଗୃହ ଭିତରେ ପ୍ରବେଶ କରିଥିଲା ଏକ ମାଙ୍କଡ଼ ।
ଅଧିକ ପଢ଼ନ୍ତୁ: ରାମଲାଲାଙ୍କ ପ୍ରାଣପ୍ରତିଷ୍ଠା ପରେ ପୂଜିତ ବିଗ୍ରହଙ୍କ ନାଁ ହେଲା ‘ବାଲକ୍ ରାମ’
Also Read
आज श्री रामजन्मभूमि मंदिर में हुई एक सुंदर घटना का वर्णन:
— Shri Ram Janmbhoomi Teerth Kshetra (@ShriRamTeerth) January 23, 2024
आज सायंकाल लगभग 5:50 बजे एक बंदर दक्षिणी द्वार से गूढ़ मंडप से होते हुए गर्भगृह में प्रवेश करके उत्सव मूर्ति के
पास तक पहुंचा। बाहर तैनात सुरक्षाकर्मियों ने देखा, वे बन्दर की ओर यह सोच कर भागे कि कहीं यह बन्दर उत्सव…
ଏପରି ଘଟଣାକୁ ଦେଖି ହନୁମାନ ପ୍ରଭୁଙ୍କୁ ଦେଖିବାକୁ ଆସିଥିଲେ ବୋଲି ସାଧାରଣରେ ଚର୍ଚ୍ଚା ଜୋର ଧରିଛି । ମାଙ୍କଡ଼କୁ ଦେଖିବା ପରେ ସେଠାରେ ମୁତୟନ ଥିବା ସୁରକ୍ଷାକର୍ମୀ ତୁରନ୍ତ ପହଞ୍ଚିଥିଲେ । ଡର ଥିଲା କାଳେ ଶ୍ରୀବିଗହକୁ ତଳେ ପକାଇଦେବ । ମାଙ୍କଡ଼କୁ ଘଉଡ଼ାଇବାକୁ ଗଲା ବେଳେ ସେ ସେଠାରୁ ଦୌଡ଼ି ଉତ୍ତର ଦ୍ୱାର ପଟକୁ ଚାଲିଯାଇଥିଲା ।
କିନ୍ତୁ ଉତ୍ତର ଦ୍ୱାର ବନ୍ଦ ଥିବାରୁ ପୂର୍ବ ଦିଗରୁ ବାହାରକୁ ବାହାରିଥିଲା । ଯେଉଁଠି ଲୋକେ ଲମ୍ବା ଧାଡ଼ିରେ ଛିଡ଼ା ହୋଇଥିଲେ ସେ ପାଖ ଦେଇ ସେ ବାହାରି ଯାଇଥିଲା । ଶହ ଶହ ଭକ୍ତ ଧାଡ଼ିରେ ଛିଡ଼ା ହୋଇଥିବା ସତ୍ତ୍ୱେ କାହାରିକୁ କୌଣସି ପ୍ରକାର କ୍ଷତି ପହଞ୍ଚାଇ ନଥିଲା ମାଙ୍କଡ଼ଟି ।
ସୁରକ୍ଷାକର୍ମୀଙ୍କ କହିବା ଅନୁସାରେ ଏମିତି ଘଟଣା ବାରବାର ଘଟିଛି । କିନ୍ତୁ ଆଜିର ଘଟଣା ପରେ ସତେ ଯେମିତି ସ୍ୱଂୟ ହନୁମାନ ମନ୍ଦିରକୁ ଆସି ଶ୍ରୀରାମଙ୍କ ଦର୍ଶନ କରିଛନ୍ତି । ଏହି ପୁରା ଘଟଣାକୁ ସୋସିଆଲ୍ ମିଡିଆରେ ସେୟାର କରିଛି ଶ୍ରୀରାମ ଜନ୍ମଭୂମି ତୀର୍ଥକ୍ଷେତ୍ର ।
