LIVE TV
ବର୍ଷ ୨୦୨୪ ଶେଷ ହେବା ପାଇଁ ଆଉ ମାତ୍ର କେଇଟା ଦିନ ବାକି ଅଛି । ୨୦୨୫ ପାଇଁ ଆରମ୍ଭ ହୋଇଯାଇଛି ପ୍ରସ୍ତୁତି । ଚଳିତ ବର୍ଷ ଯାହା ପାଇଁ ନିରାଶାଜନକ ରହିଛି, ତା’ର ଆଶା ଅଛି ୨୦୨୫ ଉପରେ । ଅନ୍ୟପଟେ ଯେଉଁମାନେ ୨୦୨୪ ଭଲରେ ବିତାଇଛନ୍ତି, ସେମାନେ ବି ଅପେକ୍ଷା କରିଛନ୍ତି ଆଗାମୀ ବର୍ଷ ତାଙ୍କ ପାଇଁ ଆହୁରି ଶୁଭଫଳ ପ୍ରଦାନ କରିବ । ନୂଆ ବର୍ଷକୁ ସ୍ୱାଗତ କରିବା ପାଇଁ ଅନେକ ଆଶା ଓ ଉନ୍ମାଦନା ଭିତରେ ୨୦୨୫କୁ ନେଇ ଭୟଙ୍କର ଭବିଷ୍ୟବାଣୀ କରିଛନ୍ତି ଭବିଷ୍ୟତବକ୍ତା ନୋଷ୍ଟ୍ରାଦମସ୍ । ଜ୍ୟୋତିଷ ତଥା ଚିକିତ୍ସକ ମିସେଲ ଡି ନୋଷ୍ଟ୍ରାଦମସ୍ ଆଡଲଫ୍ ହିଟଲରର ଉଦୟ, ଜଳବାୟୁ ପରିବର୍ତ୍ତନ, କ୍ରାନ୍ତି, ଯୁଦ୍ଧ, ଆମେରିକାର ୯/୧୧ ଆକ୍ରମଣ ଏବଂ କରୋନା ମହାମାରୀ ପରି ଅନେକ ପ୍ରାକୃତିକ ବିପର୍ଯ୍ୟୟ ସମ୍ପର୍କରେ ଭବିଷ୍ୟତବାଣୀ କରିଥିଲେ, ଯାହା ସତ୍ୟ ପ୍ରମାଣିତ ହୋଇଛି । ୧୫୩୦ରେ ଫ୍ରାନ୍ସରେ ଜନ୍ମିତ ନୋଷ୍ଟ୍ରାଦମସ୍ ୧୫୫୫ରେ ଏକ ବହି ‘ ଦ ପ୍ରୋଫେସିଜ’ ଆସିଥିଲା, ଯେଉଁଠି ସେ ଭବିଷ୍ୟତରେ ହେବାକୁ ଥିବା ଘଟଣା ସବୁ ବର୍ଣ୍ଣନା କରିଥିଲେ । ତେବେ ୨୦୨୫ ପାଇଁ ପୁସ୍ତକରେ କ’ଣ ରହିଛି ଆସନ୍ତୁ ଜାଣିବା ?
ଋଷ-ୟୁକ୍ରେନ ଯୁଦ୍ଧକୁ ୨ ବର୍ଷରୁ ଅଧିକ ହେଲାଣି, ହେଲେ ନା ଯୁଦ୍ଧ ସରୁଛି, ନା ଫିଟୁଛି କୌଣସି ସମାଧାନର ବାଟ । ଆନ୍ତର୍ଜାତିକ ଚାପ ସତ୍ତ୍ୱେ ରୁଷିଆ-ୟୁକ୍ରେନ ଯୁଦ୍ଧ ଥମିବା ବଦଳରେ ଅଧିକ ଉଗ୍ର ହେବାରେ ଲାଗିଛି। ଫେବୃଆରୀ ୨୦୨୨ରେ ମସ୍କୋ ପକ୍ଷରୁ ପ୍ରଥମେ ଏଠାରୁ ଆକ୍ରମଣ କରାଯାଇଥିଲା। ୟୁକ୍ରେନର ବହୁ ଅଞ୍ଚଳ ରୁଷିଆର କ୍ଷେପଣାସ୍ତ୍ର ମାଡରେ ଧୂଳିସାତ ହୋଇଯାଇଥିଲେ ମଧ୍ୟ ୟୁକ୍ରେନର ଆକ୍ରମଣରେ ରୁଷିଆର ବହୁ କ୍ଷୟକ୍ଷତି ଘଟିଛି। ନୋଷ୍ଟ୍ରାଦମସ୍ଙ୍କ ଭବିଷ୍ୟବାଣୀ ଅନୁସାରେ ବିଶ୍ୱରେ ଲମ୍ବା ସମୟ ଧରି ଚାଲୁଥିବା ଯୁଦ୍ଧର ଅନ୍ତ ହେବାର ଅନେକ ସମ୍ଭାବନା ରହିଛି । ଅତ୍ୟଧିକ ସମୟ ନଷ୍ଟ ତଥା ଦୁଇ ଦେଶର ହିତ ଦୃଷ୍ଟିରୁ ଉଭୟ ପକ୍ଷ ଯୁଦ୍ଧ ବନ୍ଦ କରିବା ପାଇଁ ନିଷ୍ପତ୍ତି ନେଇପାରନ୍ତି । ଅନ୍ୟପଟେ ଆଉ ଦୁଇ ଦେଶ ତୁର୍କୀ ଓ ଫ୍ରାନ୍ସ ମୁହାଁମୁହିଁ ହୋଇପାରନ୍ତି ବୋଲି ସେ ଭବିଷ୍ୟବାଣୀ କରିଛନ୍ତି ।
ପ୍ଲେଗ ପରି ମହାମାରୀର ଭୟ
ନୋଷ୍ଟ୍ରାଦମସ୍ଙ୍କ ପୁସ୍ତକର ବିଷୟବସ୍ତୁ ଉପରେ ଅଧ୍ୟୟନ କରୁଥିବା ଅନୁସନ୍ଧାନକାରୀମାନେ ସୂଚାଇ ଦେଇଛନ୍ତି, ୨୦୨୫ ମସିହାରେ ପୃଥିବୀ ସହିତ ଏକ ବିରାଟକାୟ ଆଷ୍ଟ୍ରଏଡ ଧକ୍କା ଦେବ । ଆଉ ବ୍ରିଟେନରେ ପ୍ରାଚୀନ ତଥା ଗମ୍ଭୀର ପ୍ଲେଗ ପରି ମହାମାରୀ ସମସ୍ତଙ୍କୁ ସଂକ୍ରମିତ କରିବାର ଅନେକ ସମ୍ଭାବନା ରହିଛି, ଯାହା ଯୁଦ୍ଧ ଠାରୁ ବି ଆହୁରି ଭୟଙ୍କର ହେବ । କରୋନାକୁ ନେଇ କରିଥିବା ଭବିଷ୍ୟବାଣୀ ସତ ହୋଇଥିବାରୁ ଏହି ଭବିଷ୍ୟତବାଣୀ ଉପରେ ସ୍ୱାସ୍ଥ୍ୟ ବିଶେଷଜ୍ଞଙ୍କ ନଜର ରହିଛି ।
ପୃଥିବୀ ସହ ପିଟିହେବ ଏକ ବିଶାଳ ଆଷ୍ଟ୍ରଏଡ
୨୦୨୫ ମସିହାରେ ଏକ ବିଶାଳ ଗ୍ରହ ପୃଥିବୀ ସହିତ ଧକ୍କା ହୋଇପାରେ କିମ୍ବା ଗ୍ରହର ନିକଟବର୍ତ୍ତୀ ହୋଇପାରେ। ତେବେ ଆଷ୍ଟ୍ରଏଡ୍ ପୃଥିବୀର ନିକଟବର୍ତ୍ତୀ ହେବା କୌଣସି ନୂତନ ଘଟଣା ନୁହେଁ । ପ୍ରତିବର୍ଷ ଶହ ଗ୍ରହ ଗ୍ରହ ପୃଥିବୀ ନିକଟ ଦେଇ ଯାଆନ୍ତି ଏବଂ ସେମାନଙ୍କ ମଧ୍ୟରୁ ଅଧିକାଂଶ ଏକ ସୁରକ୍ଷିତ ଦୂରତା ବଜାୟ ରଖନ୍ତି ।
ବ୍ରାଜିଲରେ ପ୍ରାକୃତିକ ବିପର୍ଯ୍ୟୟ
ଭବିଷ୍ୟବାଣୀ ଅନୁସାରେ, ଦକ୍ଷିଣ ଆମେରିକୀୟ ଦେଶ ବ୍ରାଜିଲ ପାଇଁ ୨୦୨୫ ଶୁଭଙ୍କର ହୋଇନପାରେ । ବ୍ରାଜିଲକୁ ନୋଷ୍ଟ୍ରାଦମସ୍ ଗାର୍ଡେନ୍ ଅଫ୍ ୱାର୍ଲ୍ଡ ବୋଲି କହିଛନ୍ତି । ଆଉ ଏଠାରେ ଚଳିତ ବର୍ଷ ବନ୍ୟା ପରିସ୍ଥିତି ଏବଂ ଜଳବାୟୁ ପରିବର୍ତ୍ତନ ସହିତ ଆଗ୍ନେୟଗିରିର ସାମ୍ନା କରିବାକୁ ପଡ଼ିପାରେ । ସେ ଲେଖିଛନ୍ତି, ଗାର୍ଡେନ୍ ଅଫ୍ ୱାର୍ଲ୍ଡରେ ଆଗ୍ନେୟ ଉଦଗୀରଣ ଯୋଗୁଁ ଲୋକେ ଅନେକ ଅସୁବିଧା ଭୋଗିବେ । ସ୍ଥିତି ଭୟଙ୍କର ହୋଇପାରେ ।
ଅଧିକ ପଢ଼ନ୍ତୁ:ଏହି ମୁସଲିମ୍ ଦେଶରୁ ଆରମ୍ଭ ହେବ ତୃତୀୟ ବିଶ୍ୱଯୁଦ୍ଧ; ଡରାଇଲା ବାବା ଭେଙ୍ଗାଙ୍କ ଭବିଷ୍ୟବାଣୀ
କେଉଁ କେଉଁ ରାଶିଙ୍କ ପାଇଁ ୨୦୨୫ ଶୁଭଫଳ ଦେବ ?
ଅନ୍ୟପଟେ ରାଶିକୁ ନେଇ ମଧ୍ୟ ନୋଷ୍ଟ୍ରାଦମସ୍ ଭବିଷ୍ୟବାଣୀ କରିଛନ୍ତି । ଆସନ୍ତା ବର୍ଷ ଏକ ସମୃଦ୍ଧ ବର୍ଷ ହେବ ଏବଂ କିଛି ରାଶିର ଲୋକେ ଆସନ୍ତା ବର୍ଷ କୋଟିପତି ହୋଇପାରନ୍ତି ।
ମେଷ ରାଶି
ଆସନ୍ତା ବର୍ଷ ମେଷ ରାଶିର ବ୍ୟକ୍ତିଙ୍କ ପାଇଁ ଅତ୍ୟନ୍ତ ଲାଭଦାୟକ ହେବ। ସେମାନଙ୍କ ଆର୍ଥିକ ସମସ୍ୟାର ସମାଧାନ ହେବ ଏବଂ ଆର୍ଥିକ ଲାଭ ପାଇବେ । ଅନେକ ଦିନ ଧରି ଅଧୁରା ଥିବା ଇଚ୍ଛା ଚଳିତ ବର୍ଷ ପୂରଣ ହେବ । ସମୟ ଆପଣଙ୍କ ପକ୍ଷରେ ରହିବ । ଯେଉଁ କାମରେ ହାତ ଦେବେ, ତାହା ସଫଳ ହେବ । ଆପଣ ସଫଳ ହେବା ସହ କୋଟିପତି ହୋଇପାରନ୍ତି ।
ବୃଷ ରାଶି
ବୃଷ ରାଶିର ଲୋକମାନଙ୍କ ପ୍ରକୃତି ସ୍ଥିର ଓ ଏମାନେ ସୌନ୍ଦର୍ଯ୍ୟ ଦ୍ୱାରା ଆକର୍ଷିତ ହୁଅନ୍ତି । ୨୦୨୫ ବର୍ଷରେ ବୃଷରାଶିର ଲୋକେ ବୁଝିଶୁଝି ନିବେଶ କରିବେ, ଯାହା ତାଙ୍କୁ ବିପୁଳ ଲାଭ ଦେବ । ଦୃଢ଼ତା ଓ ବ୍ୟାବହାରିକ ଦୃଷ୍ଟିକୋଣ ଯୋଗୁଁ ଦୀର୍ଘକାଳୀନ ଆର୍ଥିକ ଲକ୍ଷ୍ୟ ହାସଲ କରିବାକୁ ସମର୍ଥ ହେବେ । ନୂତନ ବର୍ଷରେ ଏମାନେ ଧନୀ ହେବାର ସମସ୍ତ ସମ୍ଭାବନା ଅଛି ।
ମକର ରାଶି
ଏହି ରାଶିର ଲୋକମାନେ କଠିନ ପରିଶ୍ରମୀ ଏବଂ ବ୍ୟବସ୍ଥିତ ଢଙ୍ଗରେ କାର୍ଯ୍ୟ କରନ୍ତି । ଆସନ୍ତା ବର୍ଷ ଶନି ଆପଣଙ୍କ ରାଶିଫଳରେ ଏକ ମଜଭୁତ ସ୍ଥିତିରେ ରହିବେ, ଯେଉଁଥିପାଇଁ ଆପଣ ପ୍ରତ୍ୟେକ କ୍ଷେତ୍ରରେ ଉପକୃତ ହେବେ । ସବୁ କ୍ଷେତ୍ରରେ ସଫଳ ହେବା ସହ ଏମାନଙ୍କୁ ବଡ଼ ଦାୟିତ୍ୱ ମିଳିପାରେ ।
ସିଂହ ରାଶି
ସିଂହ ରାଶିର ବ୍ୟକ୍ତିଙ୍କ ପାଇଁ ମଧ୍ୟ ଏବର୍ଷ ଭଲ ରହିବ । ସୃଜନଶୀଳ ଚିନ୍ତାଧାରା ସହିତ ଜୀବନର ଲକ୍ଷ୍ୟ ହାସଲ କରିବା ସହଜ ହେବ । ଆପଣ ଏକ ନୂତନ ବ୍ୟବସାୟ ଆରମ୍ଭ କରିପାରିବେ ଯେଉଁଥିରେ ଆପଣ ସଫଳତା ପାଇବେ । ବିଦେଶ ଭ୍ରମଣ କରିବାର ସ୍ୱପ୍ନ ସାକାର ହୋଇପାରେ ।
କର୍କଟ ରାଶି
କର୍କଟ ରାଶିର ଲୋକଙ୍କୁ ରଣନୀତିଜ୍ଞ ଭାବେ ବିବେଚନା କରାଯାଏ । ଏମାନେ କଠିନ ପରିଶ୍ରମ ଏବଂ ସାମର୍ଥ୍ୟ ହେତୁ ସମସ୍ତ ବାଧାବିଘ୍ନକୁ ଅତିକ୍ରମ କରି ଧୀରେ ଧୀରେ ଆଗକୁ ବଢ଼ିବେ । କୋର୍ଟରେ ଚାଲିଥିବା ମାମଲା ଆପଣଙ୍କ ସପକ୍ଷରେ ରହିବ। ଆପଣ ଏକ ନୂତନ ଉଦ୍ୟମ ଆରମ୍ଭ କରିପାରିବେ, ଯେଉଁଥିରୁ ଆପଣ ବହୁତ ଲାଭ ପାଇବେ ଏବଂ ଅନେକଙ୍କୁ ରୋଜଗାର ଯୋଗାଇଦେବେ ।
କନ୍ୟା ରାଶି
ଚଳିତ ବର୍ଷ ଭିନ୍ନ ଭିନ୍ନ କ୍ଷେତ୍ରରେ ଟଙ୍କା ବିନିଯୋଗ କଲେ ଆପଣଙ୍କୁ ଭଲ ରିଟର୍ଣ୍ଣ ମିଳିପାରେ । ଖର୍ଚ୍ଚ ତୁଳନାରେ ଆୟ ଅନେକ ଗୁଣା ବଢ଼ିଯିବ, ଯେଉଁଥିପାଇଁ ଲାଭରେ ରହିବେ । ପରିବାରରେ ଖୁସିର ମାହୋଲ ରହିବ, ନୂଆ ଗାଡ଼ି କିଣିବାର ମଧ୍ୟ ଅନେକ ସମ୍ଭାବନା ରହିଛି । ଚାକିରିଆ ମାନଙ୍କ ପାଇଁ ମଧ୍ୟ ବର୍ଷଟି ଅନେକ ଉତ୍ତମ ଫଳ ଦେବ ।
ଅନେକ ସମୟରେ ନୋଷ୍ଟ୍ରାଦମସ୍ଙ୍କ ଭବିଷ୍ୟବାଣୀ ସତ ହୋଇଛି। ଯେଉଁଥିପାଇଁ ତାଙ୍କ ଲେଖା ଉପରେ ସମସ୍ତଙ୍କ ଅଗାଢ ବିଶ୍ୱାସ ରହିଛି। ସେ କରିଥିବା ପୂର୍ବାନୁମାନ ମଧ୍ୟରୁ ରୁଷ-ୟୁକ୍ରେନ ଯୁଦ୍ଧ ସତ ପ୍ରମାଣିତ ହୋଇଛି। ଏହା ସହ ହିଟଲରଙ୍କ ଉତଥାନ, ଜନ୍ କେନେଡିଙ୍କ ହତ୍ୟା ଓ ୯/୧୧ ଆକ୍ରମଣ ଭଳି ଘଟଣା ସତ ହୋଇ ସାରିଛି । ଆଗକୁ ନୋଷ୍ଟ୍ରାଦମସ୍ଙ୍କ ଭବିଷ୍ୟବାଣୀ ସତ ହେବ ନା’ ମିଛ ସେଥିପାଇଁ ଅପେକ୍ଷା ୨୦୨୫ ବର୍ଷକୁ ।
