LIVE TV
ଗୁଜୁରାଟର ଅହମ୍ମଦାବାଦ ସ୍ଥିତ ଇସକନ୍ ବ୍ରିଜ୍ ଉପରେ ଏକ ଭୟଙ୍କର ସଡକ ଦୁର୍ଘଟଣା ଘଟିଛି । ଏହି ଦୁର୍ଘଟଣାରେ୯ ଜଣଙ୍କର ମୃତ୍ୟୁ ହୋଇଥିବା ବେଳେ ୧୫ ରୁ ୨୦ ଜଣ ଆହତ ହୋଇଛନ୍ତି । ରାତି ଅଧରେ ଇସ୍କନ ବ୍ରିଜ ଉପରେ ଥାର ଗାଡି ଓ ଡମ୍ପର ମଧ୍ୟରେ ମୁହାଁମୁହିଁ ଧକ୍କା ହୋଇଥିଲା । ଦୁର୍ଘଟଣା ଦେଖିବା ପାଇଁ ବ୍ରିଜ ଉପରେ ଲୋକଙ୍କ ଭିଡ଼ ଜମିଥିଲା । ଏହି ସମୟରେ ଏକ ଜାଗୁଆର ଚାଳକ ତୀବ୍ର ବେଗରେ ଆସି ଲୋକଙ୍କୁ ଦଳି ଦେଇ ଚାଲିଯାଇଥିଲା । ଏହା ଏକ ହିଟ୍ ଆଣ୍ଡ ରନ୍ ମାମଲା ବୋଲି ପ୍ରାଥମିକ ତଦନ୍ତରୁ ସୂଚନା ମିଳିଛି ।
ସର୍ଖେଜ-ଗାନ୍ଧିନଗର ହାଇୱେର ଇସକନ୍ ମନ୍ଦିର ପାଖରେ ଦୁର୍ଘଟଣା ହୋଇଥିବା ବେଳେ ଜାଗୁଆର କାର୍ ଡ୍ରାଇଭରଙ୍କ ବେପରୁଆ ଡ୍ରାଇଭରଙ୍କ ପାଇଁ ଏବେ ଲୋକଙ୍କ ଜୀବନ ଚାଲିଯାଇଛି । ଗାଡ଼ିଟି ଲୋକଙ୍କୁ ଏତେ ଜୋରରେ ଧକ୍କା ଦେଇଥିଲା ଯେ କିଛି ଲୋକ ୨୫ରୁ ୩୦ ଫୁଟ୍ ଦୂରକୁ ଛିଟିକି ପଡ଼ିଥିଲେ । ରାତି ପ୍ରାୟ ୧୨.୩୦ରେ ଏହି ଦୁର୍ଘଟଣା ଘଟିଥିବା ଜଣାପଡ଼ିଛି । ମୃତ ବ୍ୟକ୍ତି ମାନଙ୍କ ମଧ୍ୟରେ ଦୁର୍ଘଟଣାସ୍ଥଳରେ ପହଞ୍ଚିଥିବା ଜଣେ କନେଷ୍ଟବଳ ଓ ଜଣେ ହୋମ୍ଗାର୍ଡ ଥିବା ସୂଚନା ମିଳିଛି
Also Read
ଅଧିକ ପଢ଼ନ୍ତୁ: ଦେବଭୂମିରେ ଅଘଟଣ; ବିଦ୍ୟୁତ ଟ୍ରାନ୍ସଫର୍ମର ଫାଟି ୧୫ ମୃତ, ଅନେକ ଗୁରୁତର
ଚିକିତ୍ସା ପାଇଁ ଆହତମାନଙ୍କୁ ତୁରନ୍ତ ଆସର୍ୱା ସିଭିଲ୍ ହସ୍ପିଟାଲ୍କୁ ନିଆଯାଇଛି । ତେବେ ଏହି ଦୁର୍ଘଟଣାରେ ଜାଗୁଆର ଚାଳକ ମଧ୍ୟ ଆହତ ହୋଇଛନ୍ତି । ତାଙ୍କୁ ବର୍ତ୍ତମାନ ହସ୍ପିଟାଲରେ ଭର୍ତ୍ତି କରାଯାଇଛି । ଦୁଇ ଦୁଇଟି ଦୁର୍ଘଟଣା ପରେ ବହୁ ସଂଖ୍ୟକ ପୋଲିସ ଫୋର୍ସ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲା । ପୋଲିସ୍ ଘଟଣାରେ ଏବେ ତଦନ୍ତ ଜାରି ରଖିଥିବା ବେଳେ ବ୍ରିଜର ଗୋଟିଏ ପଟେ ଗାଡ଼ି ଚଳାଚଳକୁ ବନ୍ଦ କରିଛିା...
अहमदाबाद में रफ़्तार ने ली 9 लोगों की जान SG HIGHWAY पर देर रात बहुत बड़ा हादसा
— Nirnay Kapoor (@nirnaykapoor) July 20, 2023
अहमदाबाद के SG HIGHWAY पर बने इस्कॉन ब्रिज पर ये दुर्घटना हुई है जिसमे एक जैगुआर गाडी ने ब्रिज पर खड़े लोगों को रोंध डाला ... जिसमे 9 लोगों की मौके पर ही मौत हो गयी (जिनमे एक पुलिस कॉन्स्टेबल और और… pic.twitter.com/rBZVehmycW
ଅନ୍ୟପଟେ ଦୁର୍ଘଟଣାର ପ୍ରକୃତ କାରଣ ଜାଣିବା ପାଇଁ ପୋଲିସ୍ ସେଠାରେ ଲାଗିଥିବା ସିସିଟିଭି ଫୁଟେଜ୍ ଯାଞ୍ଚ କରିବା ସହିତ ଲୋକଙ୍କୁ ପଚରାଉଚରା କରୁଛି ।
