LIVE TV
କୋରାପୁଟ କୋଲାବ ଡ୍ୟାମ ନିକଟସ୍ଥ ମାଟିଖାଲ ମୋରମ୍ ପାହାଡ଼ରୁ ଅତଡା ଧସି ଦୁଇ ଜଣ ମହିଳାଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ଏହି ଘଟଣାରେ ଜଣେ ଗୁରୁତର ଆହତ ହୋଇ କୋରାପୁଟ ମେଡ଼ିକାଲରେ ଭର୍ତ୍ତି ହୋଇଛନ୍ତି । ମୃତକ ମାନେ ହେଲେ ସ୍ଥାନୀୟ ସଲମନଗୁଡା ଗାଁର ପୂର୍ଣ୍ଣି ଜାନୀ ଓ ସାନମତି ଜାନୀ। ଆହତ ଜଣକ ହେଲେ ଚମ୍ପା ବଡ଼ ନାଏକ।
ସୂଚନା ଅନୁସାରେ ଗାଁର ୧୦ ଜଣ ମୋରମ ପାହାଡ଼ରୁ ମୋରମ ନେବା ପାଇଁ ଆସିଥିଲେ। ସେମାନେ ମୋରମ ଖୋଳୁଥିବା ବେଳେ ହଠାତ୍ ପାହାଡ଼ ଉପରୁ ଏକ ବଡ଼ ଅତଡା ଧସିଥିଲା । ଏଥିରେ ଚାପି ହୋଇ ଦୁଇ ଜଣଙ୍କ ମୃତ୍ୟୁ ଘଟିଛି । ଘଟଣା ସ୍ଥଳରେ ଟାଉନ୍ ଥାନା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି।
Also Read
ସେପଟେ ପୋଖରୀରେ ବୁଡ଼ି ୨ ନାବାଳକ ଭାଇ ମୃତ ହୋଇଛି । ରେଢ଼ାଖୋଲ ଥାନା କଳିନ୍ଦର ଗାଁରେ ଏଭଳି ଅଭାବନୀୟ ଘଟଣା ଘଟିଛି । ମୃତ ନାବାଳକ ବୟସ ସାଢେ ୩ ବର୍ଷ ଓ ଅଢ଼େଇ ବର୍ଷ ସୂଚନା ରହିଛି । ଖେଳୁଥିବା ବେଳେ ପୋଖରୀରେ ପଡ଼ିଯାଇ ବୁଡ଼ି ମୃତ ହୋଥିବା ସୂଚନା ରହିଛି ।
