LIVE TV
ଆନ୍ଧ୍ର ପ୍ରଦେଶ ପଶ୍ଚିମ ଗୋଦାବରୀ ଜିଲ୍ଲାର ଏକ ମନ୍ଦିରରେ ଅଘଟଣ ଘଟିଛି । ପଶ୍ଚିମ ଗୋଦାବରୀର ବେଣୁଗୋପାଳସ୍ୱାମୀ ମନ୍ଦିରରେ ବଡ଼ ଧରଣର ଅଗ୍ନିକାଣ୍ଡ ହୋଇଛି । ମନ୍ଦିର ପରିସରରେ ଥିବା ଅସ୍ଥାୟୀ ଛାଉଣୀରେ ନିଆଁ ଲାଗି ଯିବା ଫଳରେ ପୂରା ମନ୍ଦିରକୁ ନିଆଁ ବ୍ୟାପିଯାଇଛି ।
ଘଟଣାସ୍ଥଳରେ ଅଗ୍ନିଶମବାହିନୀ ପହଞ୍ଚି ନିଆଁକୁ ଆୟତ୍ତ କରିବାକୁ ଉଦ୍ୟମ କରୁଛି । ମିଳିଥିବା ସୂଚନା ମୁତାବକ, ମନ୍ଦିର ଭିତରେ ହୋମ ଚାଲିଥିଲା । ହୋମ ହେବା ସମୟରେ ହୋଇଥିବା ଅସ୍ଥାୟୀ ଛାଉଣୀରେ ନିଆଁ ଲାଗିଯାଇଥିଲା ।
ଅଧିକ ପଢ଼ନ୍ତୁ: ରାମ ନବମୀରେ ମନ୍ଦିରରେ ବଡ଼ ଅଘଟଣ: ଧାର୍ମିକ କାର୍ଯ୍ୟକ୍ରମ ବେଳେ ଭୁଶୁଡ଼ିଲା କୂଅର ଛାତ
Also Read
ନିଆଁର ଭୟାବହତା ଏତେ ଅଧିକ ଥିଲା ଯେ ସଙ୍ଗେ ସଙ୍ଗେ ସବୁ କିଛି ଜଳିଯାଇଥିଲା । ଏନେଇ ଖବର ପାଇବା ପରେ ଘଟଣା ସ୍ଥଳରେ ଅଗ୍ନିଶମ ଅଧିକାରୀ ପହଞ୍ଚି ନିଆଁ ଲିଭାଇବାକୁ ଉଦ୍ୟମ କରୁଛନ୍ତି । ଘଟଣାର ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେଉଛି । ଭିଡିଓରେ ମନ୍ଦିର ଭିତରେ ବଡ଼ ଧରଣର ନିଆଁ ଲାଗିଥିବା ଦେଖିବାକୁ ମିଳିଛି । ଛାଉଣିରେ ନିଆଁଲାଗି ଖଣ୍ଡ ଖଣ୍ଡ ହୋଇ ନିଆଁ ତଳକୁ ପଡ଼ୁଛି ।
ଅଗ୍ନିକାଣ୍ଡ ସ୍ଥଳରେ କିଛି ଲୋକ ନିଆଁ ଲିଭାଇବାକୁ ଚିତ୍କାର କରୁଛନ୍ତି । ତେବେ ଏହି ଅଘଟଣରେ କୌଣସି ବ୍ୟକ୍ତି ଆହତ ହୋଇଛନ୍ତି କି ନାହିଁ ତାହା ଜଣାପଡ଼ିନାହିଁ । ଘଟଣାକୁ ନେଇ ପ୍ରଶାସନ ପକ୍ଷରୁ ସୂଚନା ଦିଆଯାଇନାହିଁ । ଆଜି ରାମନବମୀ ଥିବାରୁ ଉତ୍ସବମୁଖର ଥିଲା ଗୋଦାବରୀର ବେଣୁଗୋପାଳସ୍ୱାମୀ ମନ୍ଦିର । ମନ୍ଦିରରେ ହୋମ ହେବାବେଳେ ଏପରି ଅଘଟଣ ଘଟିଛି ।
#WATCH | Andhra Pradesh: Fire breaks out at a temple in Duva village in West Godavari district during Rama Navami celebrations. No casualties reported. pic.twitter.com/IsHdVh2Tcd
— ANI (@ANI) March 30, 2023
