Electrocution death: ପାଇଖାନା ଟାଙ୍କିର ପ୍ଲାଷ୍ଟର କରୁଥିଲେ, ଏକସଙ୍ଗେ ଚାଲିଗଲା ୩ ଜୀବନ

ବିଦ୍ୟୁତ ଆଘାତରେ ଗଲା  ୩ ଜୀବନ ।  ବାଲେଶ୍ୱର ସିମୁଳିଆ ଥାନା ଝିଙ୍କିରିଆ ପଞ୍ଚାୟତ ଗଗନଧୂଳି ଗାଁରେ ଅଘଟଣ ଘଟିଛି। ବିଦ୍ୟୁତ ସଂସ୍ପର୍ଶରେ ଆସି ୩ ଜଣ ଶ୍ରମିକଙ୍କ ମୃତ୍ୟୁ ଘଟିଛି । ଘଟଣାସ୍ଥଳରେ ଜଣଙ୍କର ଜୀବନ ଯାଇଥିବାବେଳେ, ଭଦ୍ରକ ମେଡିକାଲରେ ଆଉ ୨ ଜଣଙ୍କ ମୃତ୍ୟୁ ହୋଇଛି । ମୃତକମାନେ ହେଲେ ବାବାଜୀ ମାଝୀ, ବାପି ମାଝୀ ଓ ନରହରି ବେହେରା । ଗାଁର ଜଣେ ବ୍ୟକ୍ତିଙ୍କ ପାଇଖାନା ଟାଙ୍କିର ପ୍ଲାଷ୍ଟର କାମ କଲା ବେଳେ ବିଦ୍ୟୁତ ତାର ଛିଣ୍ଡି ପଡ଼ିବାରୁ ଏହି ଅଘଟଣ ଘଟିଥିବା ସୂଚନା ମିଳିଛି ।

ସେପଟେ କଟକରେ ମଧ୍ୟ ଆଉ ଏକ ଅଘଟଣ ଘଟିଛି । ନିର୍ମାଣାଧୀନ କୋଠାର ୬ ମହଲାରୁ ପଡ଼ି ଜଣେ ଶ୍ରମିକଙ୍କ ଜୀବନ ଯାଇଛି। ଶୈଳବାଳା ମହିଳା ମହାବିଦ୍ୟାଳୟ କ୍ୟାମ୍ପସରେ ନିର୍ମାଣାଧିନ କୋଠାରୁ ସମ୍ପୃକ୍ତ ଶ୍ରମିକ ଖସିପଡ଼ି ପ୍ରାଣ ହରାଇଥିବା ସୂଚନା ମିଳିଛି । ମୃତଦେହକୁ ଉଦ୍ଧାର କରି SCB ମେଡିକାଲକୁ ବ୍ୟବଚ୍ଛେଦ ପାଇଁ ପଠାଯାଇଛି । ମୃତ ଶ୍ରମିକ ବିହାରର ବୋଲି କୁହାଯାଉଛି । ମୃତକଙ୍କ ନାଁ ସୁଜୟ କୁମାର, ବୟସ ୨୦ ବର୍ଷ । ଛଅ ତାଲା ଉପରେ ଲୁହାରଡ଼ ବାନ୍ଧୁଥିବାବେଳେ ଦୁଭାର୍ଗ୍ୟବଶତଃ ଖସି ପଡ଼ିଥିଲେ।  ସଙ୍ଗେ ସଙ୍ଗେ ଗୁରୁତର ଅବସ୍ଥାରେ କଟକ ସିଟି ହସ୍ପିଟାଲରେ ଭର୍ତ୍ତି କରାଯାଇଥିବାବେଳେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । 

ଅଧିକ ପଢନ୍ତୁ : ନିର୍ମାଣାଧୀନ କୋଠାରୁ ଖସି ପଡିଲେ ଶ୍ରମିକ; ଚାଲିଗଲା ଜୀବନ