ରାଜଧାନୀ ଭୁବନେଶ୍ୱରରେ ଡ୍ରଗ୍ସ ଖାଇ ସିରିଜ୍ ଦୁର୍ଘଟଣା; ୩ ଗୁରୁତର

ରାଜଧାନୀ ଭୁବନେଶ୍ୱରରେ ସିରିଜ୍‌ ଦୁର୍ଘଟଣା ହୋଇଛି । ଡ୍ରଗ୍ସ ନିଶାରେ ସିରିଜ୍ ଦୁର୍ଘଟଣା ଘଟାଇଛନ୍ତି କାର୍ ଚାଳକ । ଦୁର୍ଘଟଣାରେ ୩ ଜଣ ଗୁରୁତର ଆହତ ହୋଇଥିବାବେଳେ ସମସ୍ତଙ୍କୁ ଉଦ୍ଧାର କରାଯାଇ ଡାକ୍ତରଖାନାରେ ଭର୍ତ୍ତି କରାଯାଇଛି ।

ଦୁର୍ଘଟଣା ଘଟାଇବା ପରେ ଘଟଣାସ୍ଥଳରୁ ଫେରାର ହୋଇଯାଇଥିଲା ଡ୍ରାଇଭର । ପରେ ସୂର୍ଯ୍ୟନଗର ଅଂଚଳରେ ସ୍ଥାନୀୟ ଲୋକେ କାରକୁ ଅଟକାଇବା ସହ ଚାଳକଙ୍କୁ କାବୁ କରିଛନ୍ତି । କାରରେ ଥିବା ୩ ଜଣଙ୍କୁ ଧରି ପୋଲିସ ଜିମା ଦେଇଛନ୍ତି ଗ୍ରାମ‍ବାସୀ ।

ଘଟଣାରେ କ୍ୟାପିଟାଲ ଥାନା ପୋଲିସ ୩ ଜଣଙ୍କୁ ଅଟକ ରଖି ପଚରାଉଚରା କରୁଛି । ସେପଟେ କାର ଭିତରେ ବ୍ରାଉନସୁଗାର ଟାଣିବା ସାମଗ୍ରୀ ପଡିଛି ।

ଦୁର୍ଘଟଣାରେ ୩ ଗୁରୁତର, ନିଶାସକ୍ତ ଅବସ୍ଥାରେ ଧରାପଡ଼ିଲେ ଚାଳକ...#Accident#Bhubaneswar#Odisha#OTVpic.twitter.com/IDpiVjoMvN

— ଓଟିଭି (@otvkhabar) March 12, 2023