ଘାଟିରେ ଓଲଟିଲା ଟ୍ରାକ୍ଟର: ୨ ମୃତ, ୬ ଗୁରୁତର

ଟ୍ରାକ୍ଟର ଓଲଟି ୨ ମୃତ । ବ୍ରହ୍ମପୁରରେ ଘଟିଛି ଅଭାବନୀୟ ଘଟଣା । ଭାରସାମ୍ୟ ହରାଇ ଓଲଟି ପଡ଼ିଲା ଟ୍ରାକ୍ଟର । ଫଳରେ ୨ ଜଣଙ୍କର ମୃତ୍ୟୁ ହୋଇ ଯାଇଛି । ଆନ୍ଧ୍ର ଓଡ଼ିଶା ସୀମାନ୍ତ ପାତ୍ରପୁର ବ୍ଲକ ତାଳଗୁରାଣ୍ଡି ରାସ୍ତାରେ ଓଲଟିଲା ଟ୍ରାକ୍ଟର । ତେବେ ଟ୍ରାକ୍ଟରଟିରେ ଦଶରୁ ବାର ଜଣ ଲଦାଲଦି ହୋଇ ଏକ ରାଜନୈତିକ କାର୍ଯ୍ୟକ୍ରମକୁ ଯାଉଥିଲେ ।

ଚିକିଟି ବ୍ଲକରେ ହେଉଥିବା ରାଜନୈତିକ କାର୍ଯ୍ୟକ୍ରମକୁ ଯୋଗ ଦେବାକୁ ଯାଉଥିଲେ । ପାହାଡ଼ିଆ ଅଞ୍ଚଳ ହୋଇଥିବାରୁ ଟ୍ରାକ୍ଟରଟି ଓଲଟି ପଡ଼ିଥିବା ସୂଚନା । ଘାଟି ରାସ୍ତାରେ ଭାରସାମ୍ୟ ହରାଇ ଓଲଟି ପଡ଼ିଥିଲା । ଘଟଣା ସ୍ଥଳରେ ହିଁ ୨ ଜଣଙ୍କ ମୃତ୍ୟୁ ହୋଇ ଯାଇଥିବା ବେଳେ ୬ ଜଣ ଗୁରୁତର ଅଛନ୍ତି । ମୃତକ ଦ୍ୱୟ ହେଲେ ଜଗନ୍ନାଥ ଦେ ଓ ଡେରା ଶବର ।

ପ୍ରାଥମିକ ଚିକିତ୍ସା ପାଇଁ ଗୁରୁତରଙ୍କୁ ଶାନ୍ତିଲି ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି । ତେବେ ଶାନ୍ତିଲି, ଆନ୍ଧ୍ର ପ୍ରଦେଶରେ ଥିବାରୁ ଏନେଇ ଆନ୍ଧ୍ରା ପୋଲିସ ତଦନ୍ତ ଆରମ୍ଭ କରି ଦେଇଛି । ଏତେ ପରିମାଣରେ ଲୋକେ କିପରି ଟ୍ରାକ୍ଟରରେ ଆସୁଥିଲେ, କେଉଁ ରାଜନୈତିକ ସଭାରେ ଯୋଗ ଦେବାକୁ ଯାଉଥିଲେ, ତାହା ସାଧାରଣରେ ପ୍ରଶ୍ନବାଚୀ ସୃଷ୍ଟି କରିଛି ।

ଟ୍ରାକ୍ଟରେ ଲୋକଙ୍କୁ ନେବା ଆଣିବା ମନା ଥିବା ପରେ ମଧ୍ୟ କିପରି ଏତେ ସଂଖ୍ୟକ ଲୋକ ଆସିଲେ, ସେନେଇ ପୋଲିସ ତଦନ୍ତ ଆରମ୍ଭ କରି ଦେଇଛି . କେଉଁ ରାଜନୈତିକ ଦଳର କାର୍ଯ୍ୟକ୍ରମକୁ ଯିବା ବେଳେ ଏପରି ଦୁର୍ଘଟଣା ଘଟିଛି ସେନେଇ ମଧ୍ୟ ପୋଲିସ ତଦନ୍ତ କରୁଛି ।