ଟ୍ରକ୍‌ ସହ ଟ୍ରକ୍‌ ମୁହାଁମୁହିଁ ଧକ୍କା, ଚାଲିଗଲା ୬ ଜୀବନ

ଦୁର୍ଘଟଣା ନେଇଗଲା ଜୀବନ । ଘରକୁ ଫେରିବା ସମୟରେ ଛକି ବସିଥିଲା ମୃତ୍ୟୁ । ମଧ୍ୟପ୍ରଦେଶର ବୁରହାନପୁର(Burhanpur Road Accident )ରେ ବଡ ଧରଣର ଦୁର୍ଘଟଣା ଘଟିଛି। ଜିଲ୍ଲା ମୁଖ୍ୟାଳୟ ଠାରୁ ପ୍ରାୟ ୭୦ କିଲୋମିଟର ଦୂରରେ ଥିବା ଶେଖପୁର ମଧ୍ୟରେ ବଡ଼ ଦୁର୍ଘଟଣା ଘଟିଛି । ଏକ ମିନି ଟ୍ରକ୍‌ ସହ ଆଉ ଏକ ଟ୍ରକ୍ ମୁହାଁମୁହିଁ ଧକ୍କା ହୋଇଛି । ଏହି ଦୁର୍ଘଟଣାରେ ପାଞ୍ଚ ଜଣ ଶ୍ରମିକଙ୍କ ମୃତ୍ୟୁ ହୋଇଥିବା ବେଳେ ଆଠ ଜଣ ଶ୍ରମିକ ଗୁରୁତର ଆହତ ହୋଇଛନ୍ତି ।

ଅଧିକ ପଢ଼ନ୍ତୁ: ଅଟୋ ଓ ବୋଲେରୋ ପିକଅପ୍ ମୁହାଁମୁହିଁ ଧକ୍କା : ୪ ମୃତ, ୪ ଗୁରୁତର

ପୋଲିସ୍ ସୂଚନା ଅନୁସାରେ, ରାସ୍ତାର ଉଭୟ ପଟୁ ଆସୁଥିବା ଏକ ଆଖୁ ବୋଝେଇ ଟ୍ରକ୍‌ ସହ ଏକ ଶ୍ରମିକ ବୋଝେଇ ମିନି ଟ୍ରକ୍‌ ମୁହାଁମୁହିଁ ଧକ୍କା ହୋଇଥିଲା । ଦୁର୍ଘଟଣା ଏତେ ଭୟଙ୍କର ଥିଲା ଯେ ଘଟଣାସ୍ଥଳରେ ପାଞ୍ଚ ଜଣ ଶ୍ରମିକଙ୍କ ମୃତ୍ୟୁ ହୋଇଥିଲା । ସେମାନଙ୍କ ମଧ୍ୟରେ ୨ ନାବାଳିକା ଓ ଜଣେ ମହିଳା ଥିବେ ଜଣାଯାଇଛି । ସେହିପରି ଦୁର୍ଘଟଣାରେ ଗୁରୁତର ୮ ଜଣଙ୍କୁ ତୁରନ୍ତ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଛି । ଆଗାମୀ ସମୟରେ ମୃତକଙ୍କ ସଂଖ୍ୟା ଆହୁରି ବଢ଼ିପାରେ ବୋଲି ଆଶଙ୍କା କରାଯାଉଛି ।

ଦୁର୍ଘଟଣା ପରେ ଟ୍ରକ ଡ୍ରାଇଭର ଘଟଣାସ୍ଥଳରୁ ଫେରାର ମାରିଛି । ସ୍ଥାନୀୟ ଲୋକଙ୍କ ଖବର ପାଇବା ପରେ ଖକନାର ପୋଲିସ ତଦନ୍ତ ଆରମ୍ଭ କରିଛି । ତେବେ ଦୁର୍ଘଟଣାରେ ଆହତ ଓ ମୃତ ବ୍ୟକ୍ତିଙ୍କ ପରିଚୟ ମିଳିପାରି ନାହିଁ । ଚଳିତ ବର୍ଷ ବୁରହାନପୁର ଜିଲ୍ଲାରେ ଏହା ସବୁଠାରୁ ବଡ ଦୁର୍ଘଟଣା ବୋଲି କୁହାଯାଉଛି । ଏଥି ସହିତ ସରକାରୀ ନିୟମ ଅନୁଯାୟୀ ମୃତ ଲୋକଙ୍କୁ କ୍ଷତିପୂରଣ ମଧ୍ୟ ଦିଆଯିବ। ଏହି ଘଟଣାରେ ସ୍ଥାନୀୟ ନେତାମାନେ ଦୁଃଖ ପ୍ରକାଶ କରିଛନ୍ତି ।