PM-Kisan Installment: ଆକାଉଣ୍ଟକୁ ଗଲା ୨୦୦୦ , ଟଙ୍କା ପଠାଇଲେ ପ୍ରଧାନମନ୍ତ୍ରୀ

ଆଜି ପିଏମ୍ କିଷାନ ଯୋଜନାରେ ମିଳିଛି ୨୧ତମ କିସ୍ତି । ତାମିଲନାଡୁରୁ ଡିବିଟି ମାଧ୍ୟମରେ ଟଙ୍କା ପଠାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଉପକୃତ ହେଲେ ଦେଶର ୯ କୋଟିରୁ ଅଧିକ କୃଷକ । ପ୍ରତି କୃଷକଙ୍କ ବ୍ୟାଙ୍କ ଆକାଉଣ୍ଟରେ ଜମା ହେଲା ୨୦୦୦ ଲେଖାଏଁ ଟଙ୍କା । ୧୮ ହଜାର କୋଟିରୁ ଅଧିକ ଟଙ୍କା ଚାଷୀଙ୍କ ବ୍ୟାଙ୍କ ଖାତାକୁ ଟ୍ରାନ୍ସଫର କରିଛନ୍ତି ପ୍ରଧାନମନ୍ତ୍ରୀ । ଯଦି ଆପଣ ବି ପିଏମ୍ କିଷାନ ଯୋଜନାରେ ଯୋଗ୍ୟ ହିତାଧିକାରୀ, ତାହେଲେ ଏବେ ହିଁ ଚେକ୍ କରନ୍ତୁ ନିଜ ଆକାଉଣ୍ଟ । 

ପିଏମ କିଷାନ ଟଙ୍କା ଆସିବା ମାତ୍ରେ ମୋବାଇଲକୁ ମେସେଜ୍ ଯାଏ । ଯଦି ଆପଣଙ୍କ ମୋବାଇଲକୁ ମେସେଜ୍ ନ ଆସୁଛି, ତାହେଲେ ଏବେ ହିଁ ପିଏମ୍ କିଷାନ ପୋର୍ଟାଲରେ ନିଜ ରେଜିଷ୍ଟର୍ଡ ନମ୍ବର ଅପଡେଟ୍ କରାନ୍ତୁ ।

କୃଷି ଓ କୃଷକର କଲ୍ୟାଣ ପାଇଁ ୨୦୧୯ ଫେବୃଆରୀ ୨୪ରେ ଆରମ୍ଭ ହୋଇଥିଲା ପ୍ରଧାନମନ୍ତ୍ରୀ କିଷାନ ସମ୍ମାନ ନିଧି ଯୋଜନା । ପିଏମ୍-କିଷାନ ଯୋଜନାରେ ପ୍ରତି କୃଷକଙ୍କୁ ବାର୍ଷିକ ୬୦୦୦ ଟଙ୍କା ଲେଖାଏଁ ପ୍ରଦାନ କରାଯାଉଛି । ପ୍ରତି ୪ ମାସରେ ତିନୋଟି କିସ୍ତିରେ ମିଳୁଛି ଏହି ଟଙ୍କା । ବର୍ତ୍ତମାନ ସୁଦ୍ଧା ଚାଷୀଙ୍କୁ ୩ ଲକ୍ଷ ୭୦ ହଜାର କୋଟି ଟଙ୍କା ଦିଆଯାଇସାରିଲାଣି । 

ପିଏମ କିଷାନର ୨୧ ତମ କିସ୍ତି ସହ କୋଏମ୍ବାଟୁରରେ 'ଦକ୍ଷିଣ ଭାରତ ପ୍ରାକୃତିକ କୃଷି ସମ୍ମିଳନୀ'କୁ ଉଦ୍ଘା ଟନ କରିଛନ୍ତି ପ୍ରଧାନମନ୍ତ୍ରୀ । ୩ ଦିନିଆ ସମ୍ମିଳନୀରେ ପ୍ରାକୃତିକ କୃଷି ପ୍ରତି ଅଧିକରୁ ଅଧିକ ଆଗ୍ରହ ବଢାଇବା ନେଇ ଆଲୋଚନା ହେବ ।