Viral Wedding: ଯୌତୁକରେ ଦେଢ କୋଟି, ମାମୁଁ ଖୋଲିଦେଲେ ଟଙ୍କା ଭଣ୍ଡାର

ଚର୍ଚ୍ଚାରେ ଯୌତୁକ। ଦେଲେ ୧ କୋଟି ୧୧ ଲକ୍ଷ  ନଗଦ ଟଙ୍କା। ତା’ ସାଙ୍ଗକୁ କିଲେ ଅଢେଇଶ ଗ୍ରାମ ରୂପା। ଆଉ ୩୧ ଭରି ସୁନା। ଦୁଇ ମାମୁଁ ମିଶି ସେମାନଙ୍କ ଭାଣିଜୀଙ୍କ ବିବାହରେ ଏମିତି ଉପହାର ଦେଇ ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛନ୍ତି। ରାଜସ୍ଥାନରେ, ଭଉଣୀର ପିଲାମାନଙ୍କ ବିବାହରେ ଦିଆଯାଉଥିବା ଯୌତୁକ କୁ ‘ମାୟରା’ ବୋଲି କୁହାଯାଏ।  ରାଜ୍ୟରେ ଏହା ଏକ ବହୁ ପୁରୁଣା ପରମ୍ପରା। ଏହି ପରମ୍ପରା ସାରା ରାଜ୍ୟରେ ପ୍ରଚଳିତ, କିନ୍ତୁ ବିକାନେରରେ ଦିଆଯାଇଥିବା ଏହି ଏକ ଯୌତୁକ ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛି।
ଶନିବାର ସନ୍ଧ୍ୟାରେ ନୋଖାରେ ଗିରଧାରୀ ଏବଂ ଜଗଦୀଶ ଗୋଦାରାଙ୍କ ପିଲାମାନଙ୍କ ବିବାହରେ 'ମାୟରା' ଉତ୍ସବ ଅନୁଷ୍ଠିତ ହୋଇଥିଲା। ନାଗୌର ସାଂସଦ ହନୁମାନ ବେନିୱାଲ ମଧ୍ୟ ଏହି ବିବାହରେ ଯୋଗ ଦେଇଥିଲେ। ଏଠାରେ ୧ କୋଟି ୫୬ ଲକ୍ଷ ଟଙ୍କାର ଯୌତୁକ ଦିଆଯାଇଥିଲା।

ସେନିଆଲା ଗାଁର ବାସିନ୍ଦା ଭଁୱର ଏବଂ ଜଗଦୀଶ ଲେଘା ତାଙ୍କ ଭଉଣୀ ମୀରାଙ୍କ ପିଲାମାନଙ୍କ ବିବାହ ପାଇଁ ଯୌତୁକ ଦେଇଥିଲେ। ଭଁୱର ଲେଘା କହିଛନ୍ତି ଯେ ସେ ଦୁଇ ଭଣଜାଙ୍କ ବିବାହ ପାଇଁ ମାୟରା ଭାବରେ ନଗଦ ୧୧ ଲକ୍ଷ ଟଙ୍କା ଦେଇଥିଲେ। ଏହା ସହିତ କିଲେ ଅଢେଇଶ ଗ୍ରାମର ରୂପା ଏବଂ ୩୧ ଭରି ସୁନା ଦେଇଛନ୍ତି, ଯାହାର ମୂଲ୍ୟ ପ୍ରାୟ ୪୫ ଲକ୍ଷ ଟଙ୍କା ହେବ। ଏହି ଦୁଇ ଭାଇ ସେମାନଙ୍କ ଭଉଣୀର ପିଲାମାନଙ୍କ ବିବାହରେ ଟଙ୍କାର ଭଣ୍ଡାର ଖୋଲିଦେଇଛନ୍ତି।
ଏହି ବିପୁଳ ପରିମାଣର ଯୌତୁକ ଦେଇଥିବା ଦୁଇ ଭାଇ ହେଲେ ଜେପି କନଷ୍ଟ୍ରକ୍ସନ ପ୍ରାଇଭେଟ୍ ଲିମିଟେଡର ନିର୍ଦ୍ଦେଶକ। ସେମାନେ କୁହନ୍ତି ଯେ ଏହା ସେମାନଙ୍କ ପରିବାରର ପ୍ରଥମ ମାୟରା। ତେବେ ମାୟାରାରେ ନୋଟର ବିଡା ଦେଖି ଅତିଥିମାନେ ଆଶ୍ଚର୍ଯ୍ୟ ହୋଇଯାଇଛନ୍ତି। ଏହି କଥା ସାଙ୍ଗେ ସାଙ୍ଗେ ଆଖପାଖ ଅଞ୍ଚଳକୁ ବ୍ୟାପିଗଲା। ଏହି ରାଜକୀୟ ଯୌତୁକ ପରେ, ସମସ୍ତେ କହୁଛନ୍ତି, ଭଗବାନ ସମସ୍ତଙ୍କୁ ଏପରି ମାମୁଁ ଦିଅନ୍ତୁ।