Bomb Threat To Several Courts: ଦେଶର ବିଭିନ୍ନ କୋର୍ଟକୁ ବୋମାରେ ଉଡାଇ ଦେବାକୁ ଧମକ; ସୁରକ୍ଷା କର୍ମୀଙ୍କ ତନ୍ନତନ୍ନ ଯାଞ୍ଚ

ଖାଲି ଓଡ଼ିଶା ନୁହେଁ, ଅନ୍ୟ ରାଜ୍ୟର ବିଭିନ୍ନ କୋର୍ଟକୁ ମଧ୍ୟ ମିଳିଛି ଧମକପୂର୍ଣ୍ଣ ଇ-ମେଲ୍ । ବିହାର, କେରଳ ଓ ପଞ୍ଜାବର କୋର୍ଟକୁ ମିଳିଛି ଧମକପୂର୍ଣ୍ଣ ଇ-ମେଲ। ବିହାରର ଚାରୋଟି ପ୍ରମୁଖ କୋର୍ଟକୁ ସମାନ ଧମକ ମିଳିଛି। ଯେପରିକି ପାଟନା ସିଭିଲ୍ କୋର୍ଟ, କିଶନଗଞ୍ଜ ସିଭିଲ୍ କୋର୍ଟ, ଗୟା ସିଭିଲ୍ କୋର୍ଟ ଏବଂ ଦାନାପୁର ସବ-ଡିଭିଜନାଲ୍ କୋର୍ଟକୁ ବୋମାରେ ଉଡ଼ାଇ ଦେବାକୁ ଧମକ ମିଳିଛି । 

ଇ-ମେଲରେ ଧମକପୂର୍ଣ୍ଣ ପରେ କୋର୍ଟ ପରିସରକୁ ଖାଲି କରାଯିବା ସହ ସୁରକ୍ଷା କର୍ମୀ ତନ୍ନତନ୍ନ କରି ଯାଞ୍ଚ କରିଛନ୍ତି। ସେହିପରି କେରଳର କଶରଗୋଡ ଓ ମଞ୍ଜେରୀ ଜିଲ୍ଲା କୋର୍ଟକୁ ମଧ୍ୟ ଇ-ମେଲରେ ଧମକ ମିଳିଛି। ଏସମସ୍ତ କୋର୍ଟରେ ଯାଞ୍ଚ ସହ ସୁରକ୍ଷା ବ୍ୟବସ୍ଥାକୁ ବଢାଇ ଦିଆଯାଇଛି । 

ପଞ୍ଜାବରେ, ଫିରୋଜପୁର, ମୋଗା ଏବଂ ରୂପନଗର ଜିଲ୍ଲା କୋର୍ଟଗୁଡ଼ିକୁ ଧମକପୂର୍ଣ୍ଣ ମେସେଜ୍ ମିଳିଥିଲା। ସୁରକ୍ଷା ବ୍ୟବସ୍ଥା ସ୍ୱରୂପ ସମସ୍ତ କୋର୍ଟ ପରିସରକୁ ତୁରନ୍ତ ଖାଲି କରାଯାଇଥିଲା।