Pakistan Blast: ବଲୁଚି ବିଦ୍ରୋହୀଙ୍କ ବିସ୍ଫୋରକ ଆକ୍ରମଣ, ପାକିସ୍ତାନୀ ସୈନ୍ୟଙ୍କ ଟ୍ରେନ ଲାଇନଚ୍ୟୁତ

ବଲୁଚି ବିଦ୍ରୋହୀଙ୍କ ବିସ୍ଫୋରକ ଆକ୍ରମଣ

ପାକିସ୍ତାନୀ ସୈନ୍ୟଙ୍କ ଟ୍ରେନ ଲାଇନଚ୍ୟୁତ । ସୁଲତାନପୁରରେ ଭୟଙ୍କର ବିସ୍ଫୋରଣ । ପାକିସ୍ତାନର ବଲୁଚିସ୍ତାନରେ ଏକ ଆତଙ୍କପୂର୍ଣ୍ଣ ଘଟଣାରେ ପାକିସ୍ତାନୀ ସୈନ୍ୟ ବହନକାରୀ ଜାଫର ଏକ୍ସପ୍ରେସ ଟ୍ରେନକୁ ବଲୁଚି ବିଦ୍ରୋହୀମାନେ ଟାର୍ଗେଟ କରିଛନ୍ତି। ସୁଲତାନପୁର ନିକଟରେ ଟ୍ରେନ୍ ଟ୍ରାକରେ ଏକ ଶକ୍ତିଶାଳୀ ଇମ୍ପ୍ରୋଭାଇଜ୍ଡ ଏକ୍ସପ୍ଲୋସିଭ୍ ଡିଭାଇସ୍ (ଆଇଇଡି) ବିସ୍ଫୋରଣ ହେବା ଫଳରେ ଟ୍ରେନର ୬ଟି କୋଚ୍ ଲାଇନଚ୍ୟୁତ ହୋଇଛି। ଏହି ଘଟଣାରେ କୌଣସି ମୃତ୍ୟୁ ହୋଇନଥିବା ସୂଚନା ମିଳିଥିଲେ ମଧ୍ୟ ଅନେକ ଯାତ୍ରୀ, ମୁଖ୍ୟତଃ ସୈନ୍ୟମାନେ, ଆହତ ହୋଇଛନ୍ତି।

ଫିଲ୍ମ ଷ୍ଟାଇଲରେ ଆକ୍ରମଣ

ବିସ୍ଫୋରଣର ତୀବ୍ରତା ଏତେ ଥିଲା ଯେ ଟ୍ରେନର ଅନେକ ଅଂଶ ଧ୍ୱଂସ ହୋଇଯାଇଛି। ସାମାଜିକ ଗଣମାଧ୍ୟମରେ ଲାଇନଚ୍ୟୁତ କୋଚ୍ ଓ ବିଛାଇ ହୋଇଥିବା ଭଙ୍ଗାରୁଜାର ଦୃଶ୍ୟ ଭାଇରାଲ ହୋଇଛି। ଘଟଣା ପରେ ଉଦ୍ଧାରକାରୀ ଦଳ ଓ ସୁରକ୍ଷାବାହିନୀ ତୁରନ୍ତ ଘଟଣାସ୍ଥଳରେ ପହଞ୍ଚି ଆହତମାନଙ୍କୁ ସାହାଯ୍ୟ କରିଥିଲେ। ବଲୁଚିସ୍ତାନ ରିପବ୍ଲିକ ଗାର୍ଡସ୍ (ବି.ଆର.ଜି) ଏହି ଆକ୍ରମଣର ଦାୟିତ୍ୱ ନେଇ କହିଛି, ପାକିସ୍ତାନୀ ସୈନ୍ୟଙ୍କୁ ଟାର୍ଗେଟ କରାଯାଇଛି। ଏହା ପୂର୍ବରୁ ମଧ୍ୟ ଜାଫର ଏକ୍ସପ୍ରେସ ଉପରେ ସମାନ ଆକ୍ରମଣ ହୋଇଥିଲା, ଯେଉଁଥିରେ ଅନେକ ସୈନ୍ୟ ହତାହତ ହୋଇଥିଲେ।

ସ୍ୱାଧୀନତା ପାଇଁ ସଂଘର୍ଷ

ବଲୁଚିସ୍ତାନରେ ପାକିସ୍ତାନୀ ସେନାର ଦମନମୂଳକ କାର୍ଯ୍ୟକୁ ବିରୋଧ କରି ବି.ଆର.ଜି ଏହି ଆକ୍ରମଣ ଜାରି ରଖିଛି। ସେମାନେ ଏକ ବିବୃତିରେ ଘୋଷଣା କରିଛନ୍ତି ଯେ ବଲୁଚିସ୍ତାନକୁ ସ୍ୱାଧୀନତା ମିଳିବା ପର୍ଯ୍ୟନ୍ତ ଏପରି ଆକ୍ରମଣ ଚାଲୁ ରହିବ। ଏହି ଘଟଣା ବଲୁଚିସ୍ତାନର ଅସ୍ଥିର ସୁରକ୍ଷା ପରିସ୍ଥିତିକୁ ଆହୁରି ଜଟିଳ କରିଛି ଏବଂ ପାକିସ୍ତାନରେ ଗୁରୁତ୍ୱପୂର୍ଣ୍ଣ ପରିବହନ ବ୍ୟବସ୍ଥାର ସୁରକ୍ଷା ଉପରେ ପ୍ରଶ୍ନ ଉଠାଇଛି।