No Entry for Pakistani: ପାକିସ୍ତାନକୁ ବଡ ଝଟକା; ବ୍ୟାନ୍ ହେଲା ଭିସା

ଆତଙ୍କବାଦକୁ ପାଳୁଥିବା ପାକିସ୍ତାନକୁ ଲାଗିଛି ବଡ ଝଟକା। ସଂଯୁକ୍ତ ଆରବ ଏମିରେଟ୍ସ ବା UAE ଆଉ ପାକିସ୍ତାନୀମାନଙ୍କୁ ଭିସା ଦେଉ ନାହିଁ। ପାକିସ୍ତାନର ଗୃହ ମନ୍ତ୍ରଣାଳୟର ଜଣେ ବରିଷ୍ଠ ଅଧିକାରୀ ପାକିସ୍ତାନୀ ସଂସଦୀୟ ପ୍ୟାନେଲକୁ ଏମିତି କହିଛନ୍ତି। United Arab Emirates ସରକାରୀ ଅଧିକାରୀଙ୍କ ପାଇଁ ଥିବା ନୀଳ ଏବଂ କୂଟନୈତିକ ପାସପୋର୍ଟକୁ ଛାଡି, ପାକିସ୍ତାନୀ ପାସପୋର୍ଟ ହୋଲ୍ଡରଙ୍କ ପାଇଁ ଥିବା ସବୁଜ ପାସପୋର୍ଟକୁ ଅନୌପଚାରିକ ଭାବରେ ଦେବା ବନ୍ଦ କରିଛି।

ଏକ ରିପୋର୍ଟ ଅନୁଯାୟୀ, ଅତିରିକ୍ତ ଗୃହ ସଚିବ ସଲମାନ ଚୌଧୁରୀ ମାନବାଧିକାର ଉପରେ ସିନେଟ୍ କାର୍ଯ୍ୟକାରିତା କମିଟିର ଏକ ବୈଠକ ସମୟରେ ଏମିତି କହିଛନ୍ତି। ସେ କହିଛନ୍ତି ଯେ, ସାଉଦି ଆରବ ଏବଂ ସଂଯୁକ୍ତ ଆରବ ଏମିରେଟ୍ସ "ପାକିସ୍ତାନୀ ପାସପୋର୍ଟ ଉପରେ ବ୍ୟାନ ଲଗାଇବାରେ କୌଣସି ବାଟ ଛାଡି ନାହାଁନ୍ତି।" ଏମିତି କହି ସେ ଚେତାବନୀ ଦେଇଛନ୍ତି ଯେ ଥରେ ବ୍ୟାନ୍ ଲାଗୁ ହୋଇଗଲେ, ଏହାକୁ ଉଠାଇବା କଷ୍ଟକର ହୋଇଯିବ।

ଭିଡିଓ ଦେଖନ୍ତୁ:

ସଲମାନ ଚୌଧୁରୀ କହିଛନ୍ତି ଯେ. UAE ଯାତ୍ରା କରୁଥିବା ପାକିସ୍ତାନୀମାନଙ୍କୁ "ଅପରାଧମୂଳକ କାର୍ଯ୍ୟକଳାପରେ ସାମିଲ ହେବା" ଚିନ୍ତାରେ ଭିସା ଦିଆଯାଉ ନାହିଁ। ସେ କହିଛନ୍ତି, କମିଟିକୁ କୁହାଯାଇଛି ଯେ UAE ପାକିସ୍ତାନୀମାନଙ୍କୁ ଭିସା ଦେଉ ନାହିଁ ଏବଂ ସାମ୍ପ୍ରତିକ ସମୟରେ "ବହୁତ କଷ୍ଟ ପରେ" ବହୁତ କମ୍ ଭିସା ଜାରି କରାଯାଇଛି।

ରିପୋର୍ଟ ଅନୁଯାୟୀ, କମିଟିର ଅଧ୍ୟକ୍ଷ ସିନେଟର ସମୀନା ମୁମତାଜ ଜହରୀ ମଧ୍ୟ ଏହି ମତକୁ ନିଶ୍ଚିତ କରିଛନ୍ତି ଏବଂ କହିଛନ୍ତି ଯେ UAE ଭିତରେ ପାକିସ୍ତାନୀମାନେ ଲଗାତର ବେଆଇନ କାର୍ଯ୍ୟକଳାପରେ ଜଡିତ କାରଣରୁ ଏହି ପ୍ରତିବନ୍ଧକ ଲଗାଯାଇଛି।

ତେବେ ଏହି ଦେଶଗୁଡ଼ିକରେ ପାକିସ୍ତାନୀ ନାଗରିକମାନେ ଭିକ୍ଷା ମାଗିବା, ଷ୍ଟ୍ରୀଟ୍ କ୍ରାଇମ୍ ଏବଂ ଭିସା ଶେଷ ହେବା ପରେ ବି ରହିବା ଭଳି ଅପରାଧରେ ଜଡିତ ଥିଲେ। ରିପୋର୍ଟରୁ ଜଣାପଡିଛି, ଏହି ବର୍ଷ ଆରମ୍ଭରେ, ସାଉଦି ଆରବ, ବିଶେଷକରି ମକ୍କା ଏବଂ ମଦିନାରେ, ୪,୭୦୦ରୁ ଅଧିକ ପାକିସ୍ତାନୀ ଭିକାରୀଙ୍କୁ ଗିରଫ କରି ଦେଶାନ୍ତର କରିଛି।