Munir’s Afghan Attack Sparks Price Shock: ମୁନିର ସେନାର ଆଫଗାନିସ୍ତାନ ଉପରେ ଆକ୍ରମଣ ପରେ…  ପାକିସ୍ତାନରେ ପନିପରିବା ଦର ଆକାଶଛୁଆଁ

ପାକିସ୍ତାନର ପ୍ରମୁଖ ସହରଗୁଡ଼ିକରେ ପନିପରିବା ଦର ଆକାଶଛୁଆଁ ହୋଇଛି। ବିଶେଷକରି ଟମାଟୋର ମୂଲ୍ୟ ଗତ କିଛି ସପ୍ତାହ ମଧ୍ୟରେ ଦ୍ରୁତ ଗତିରେ ବୃଦ୍ଧି ପାଇଛି। ଇସଲାମାବାଦ, ଲାହୋର, କରାଚୀ ଏବଂ ପେଶାୱାର ଭଳି ପ୍ରମୁଖ ସହରରେ ଟମାଟୋ କିଲୋ ପିଛା ପ୍ରାୟ ୭୦୦ ଟଙ୍କାରେ ବିକ୍ରି ହେଉଛି।

ମୂଲ୍ୟରେ ଏହି ବୃଦ୍ଧି ଟମାଟୋକୁ ପାକିସ୍ତାନ (Pakistan)ର ସାଧାରଣ ଲୋକଙ୍କ ହାତରୁ ଦୂରରେ ରଖିଛି। ସାମ୍ପ୍ରତିକ ଆଫଗାନିସ୍ତାନ-ପାକିସ୍ତାନ ଉତ୍ତେଜନା, ବନ୍ୟା ଯୋଗୁଁ ଫସଲ ନଷ୍ଟ ହେବା ମୂଲ୍ୟ ବୃଦ୍ଧିର ଏକ ପ୍ରମୁଖ କାରଣ। ଆଫଗାନିସ୍ତାନରୁ ଯୋଗାଣରେ ବାଧା ସୃଷ୍ଟି ହେବା ଯୋଗୁଁ ପାକିସ୍ତାନରେ ଟମାଟୋ ସମେତ ଅନେକ ପନିପରିବା(Vegetables)ର ମୂଲ୍ୟ ଆକାଶଛୁଆଁ ହୋଇଛି।

ଗଣମାଧ୍ୟମ ରିପୋର୍ଟରୁ ଜଣାପଡିଛି ଯେ ପାକିସ୍ତାନରେ ଟମାଟୋର ମୂଲ୍ୟରେ ତୀବ୍ର ବୃଦ୍ଧି ଆଫଗାନିସ୍ତାନ ସହିତ ସମ୍ପ୍ରତି ସଂଘର୍ଷର ଆର୍ଥିକ ପରିଣାମ ବୋଲି କୁହାଯାଉଛି । ଆଫଗାନିସ୍ତାନରେ ପାକିସ୍ତାନୀ ସେନା ଦ୍ୱାରା କରାଯାଇଥିବା ବିମାନ ଆକ୍ରମଣ ଯୋଗୁଁ ପରିସ୍ଥିତି ଜଟିଳ ହୋଇଥିଲା।

ପାକିସ୍ତାନ ସେନା ମୁଖ୍ୟ ଅସୀମ ମୁନିର ଏହି ପ୍ରସଙ୍ଗରେ ନିଜକୁ ସମର୍ଥନ କରିଛନ୍ତି, କିନ୍ତୁ ସାଧାରଣ ଲୋକମାନେ ଏହାର ପ୍ରଭାବ ଭୋଗୁଛନ୍ତି। ତେଣୁ ଲୋକଙ୍କ ମଧ୍ୟରେ ସରକାରଙ୍କ ବିରୋଧରେ ଅସନ୍ତୋଷ ସୃଷ୍ଟି ହୋଇଛି । ଏହା ପାକିସ୍ତାନୀ ସେନା ଏବଂ ସରକାରଙ୍କ ଉପରେ ମଧ୍ୟ ଚାପ ପକାଇପାରେ।

ବ୍ୟବସାୟ ପ୍ରଭାବିତ ହୋଇଥିଲା

ପାକିସ୍ତାନ ଏବଂ ଆଫଗାନିସ୍ତାନ ସୀମାରେ ବିବାଦ ପରେ ଅକ୍ଟୋବର ୧୧ ତାରିଖରେ ପ୍ରମୁଖ ସୀମା କ୍ରସିଂଗୁଡ଼ିକୁ ବନ୍ଦ କରିଦିଆଯାଇଥିଲା। ଏହି ବନ୍ଦ ଯୋଗୁଁ ବାଣିଜ୍ୟ ବନ୍ଦ ହୋଇଯାଇଥିଲା । ଆଫଗାନିସ୍ତାନରୁ ପାକିସ୍ତାନକୁ ପନିପରିବା ପାଇଁ ଦୈନିକ ଶହ ଶହ ଟ୍ରକ୍ ପରିବହନ ମଧ୍ୟ ବନ୍ଦ ହୋଇଯାଇଥିଲା। ଫଳସ୍ୱରୂପ କିଛି ଦିନ ମଧ୍ୟରେ ପାକିସ୍ତାନୀ ରୋଷେଇ ଘରଗୁଡ଼ିକ ଉପରେ ଏହାର ପ୍ରଭାବ ପଡିଥିଲା ।  ଏପରିକି ଚିକେନ୍ ଅପେକ୍ଷା ଟମାଟୋ ମହଙ୍ଗା ହୋଇଥିଲା। 

ପାକିସ୍ତାନରେ ଟମାଟୋ(Tomatao) ୫୦୦ ରୁ ୭୦୦ ଟଙ୍କା ମଧ୍ୟରେ ବିକ୍ରି ହେଉଛି, ଯାହା ସାଧାରଣ ମୂଲ୍ୟଠାରୁ ପାଞ୍ଚ ଗୁଣ ଅଧିକ। କିଛି ସପ୍ତାହ ପୂର୍ବରୁ, ଟମାଟୋ କିଲୋଗ୍ରାମ ପ୍ରତି ପ୍ରାୟ ୧୦୦ ଟଙ୍କାରେ ବିକ୍ରି ହେଉଥିଲା। ଟମାଟୋ ପାକିସ୍ତାନରେ ଏକ ଲୋକପ୍ରିୟ ପନିପରିବା ।  କାରଣ ଏହାକୁ ଚିକେନ୍ ଏବଂ ମଟନରେ ବ୍ୟବହାର କରାଯାଏ। ଫଳସ୍ୱରୂପ, ସାଧାରଣ ଲୋକମାନେ ଅସୁବିଧାର ସମ୍ମୁଖୀନ ହେଉଛନ୍ତି।

ବ୍ୟବସାୟୀ କ’ଣ କହୁଛନ୍ତି?

ପାକିସ୍ତାନରେ ଟମାଟୋର ମୂଲ୍ୟ ରେକର୍ଡ ସ୍ତରରେ ପହଞ୍ଚିଛି । କାରଣ ବନ୍ୟା ଦେଶର ବହୁ ସ୍ଥାନରେ ଫସଲ ନଷ୍ଟ କରିଛି, ବାଣିଜ୍ୟ ବାଧାପ୍ରାପ୍ତ କରିଛି ଏବଂ ଯୋଗାଣ ଅଭାବ ସୃଷ୍ଟି କରିଛି। ବ୍ୟବସାୟୀମାନେ କହିଛନ୍ତି ଯେ ଆଫଗାନିସ୍ତାନରୁ ପାକିସ୍ତାନକୁ ଟମାଟୋ ଯୋଗାଣ ପ୍ରଭାବିତ ହୋଇଛି। ସୀମା ଉତ୍ତେଜନା ପରେ ଆଫଗାନ ରପ୍ତାନି ବନ୍ଦ ହେବା ଫଳରେ ଟମାଟୋ ସମେତ ଅନେକ ପନିପରିବାର ମୂଲ୍ୟ ବୃଦ୍ଧି ପାଇଛି।