Exclusive Updates

<p>ଭଦ୍ରକ: ଭଦ୍ରକ ଜିଲ୍ଲା ଧୁଷୁରୀ ଥାନା ଅନ୍ତର୍ଗତ ମାଡ଼ିସାହି ଗାଁରେ ଏକ ଦୁଃଖଦ ଘଟଣା ଘଟିଛି। ପାରିବାରିକ କହଳକୁ କେନ୍ଦ୍ର କରି ଅଭୟ ମାଝୀ (୨୫) ନାମକ ଜଣେ ଯୁବକ ତାଙ୍କ ପତ୍ନୀ ଓ ୯ମାସର ପୁଅକୁ ତଣ୍ଟିଚିପି ହତ୍ୟା କରିଛି ।</p> <p>ଏହାପରେ&nbsp; ଶବକୁ&nbsp; ନିଜ ବାଡ଼ିରେ ପୋତି ଦେଇଥିଲା। &nbsp;ତେବେ ପୋତାଯାଇଥିବା ଶବ&nbsp; ନିକଟରୁ ଦୁର୍ଗନ୍ଧ ବାହାରିବାରୁ ଗତକାଲି&nbsp; ଏହି ଘଟଣା ଜଣାପଡ଼ିଥିଲା। ଗତ&nbsp; ୨୪ ତାରିଖରେ ଏହି ଘଟଣା ଘଟିଥିଲା।<br /> &lt;p&gt;&lt;/p&gt;</p> <p>ଖବର ପାଇ ଧୁଷୁରୀ ପୋଲିସ ଘଟଣାସ୍ଥଳକୁ ଯାଇ ଗଳିତ ମୃତଦେହ ଉଦ୍ଧାର କରିଛି। ଏହି ଘଟଣାରେ&nbsp; ଅଭିଯୁକ୍ତ ଅଭୟଙ୍କୁ ପୋଲିସ ଗିରଫ କରିଛି।</p> <p>ଗତ ୬ ବର୍ଷ ତଳେ ଅଭୟ ନାନ୍ଦପୁର ଗାଁର&nbsp; ପଦ୍ମାବତୀଙ୍କୁ&nbsp; ବିବାହ କରିଥିଲେ।</p>

<p>ଭୁବନେଶ୍ୱର: ଉଦ୍ୟୋଗ କର୍ମଚାରୀଙ୍କ ଦରମା ବୃଦ୍ଧି।&nbsp; ରାଜ୍ୟ ସରକାରୀ ଉଦ୍ୟୋଗ କର୍ମଚାରୀଙ୍କ ପାଇଁ ୭ମ ବେତନ କମିଶନ ଲାଗୁ ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିର୍ଦ୍ଦେଶ ଦେଇଛନ୍ତି।<br /> &lt;p&gt;&lt;/p&gt;</p> <p>ଗତ ୨୦୧୬ ଜାନୁୟାରୀ ୧ ତାରିଖରୁ ପିଛିଲା ଭାବେ ବେତନ ସଂଶୋଧନ କରିବା ପାଇଁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି।</p>

<p>କଟକ: କଟକ ଜଗତପୁର ଅଞ୍ଚଳରେ ପୋଲିସ୍ ଏନକାଉଣ୍ଟରରେ ଦୁର୍ଦ୍ଦାନ୍ତ ଅପରାଧୀ ଗୁରୁଚରଣ ଓରଫ ଗୁରିଆ ଆହତ। ଗୁରିଆର ଗୋଡ଼ରେ ଗୁଳି ବାଜିଛି।&nbsp; ଗୁରିଆ ନାଁରେ ବହୁ ଥାନାରେ ଏକାଧିକ ମାମଲା ରହିଥିବା ପୋଲିସ ସୂଚନା ଦେଇଛି।<br /> &lt;p&gt;&lt;/p&gt;</p> <p>ଜଗତପୁରରେ ଏକ ବୋମା ମାଡ଼ ଘଟଣାରେ ତାକୁ ଧରିବାକୁ ଗତକାଲି ସ୍ପେଶାଲ ସ୍କ୍ୱାର୍ଡ ଓ ସ୍ଥାନୀୟ ପୋଲିସ ଉଦ୍ୟମ କରିବା ବେଳେ ଗୁରିଆ ହଠାତ୍ ପୋଲିସ ଉପରକୁ ବୋମା ଫିଙ୍ଗିବା ସହ ଗୁଳି ଚଳାଇ ଖସିଯିବାକୁ ଉଦ୍ୟମ କରିଥିଲା। ହେଲେ ଏହି ସମୟରେ ପୋଲିସ ତାକୁ ଏନକାଉଣ୍ଟର କରି କାବୁ କରିଥିଲା।</p>

ଭୁବନେଶ୍ୱର: ବିଜେପୁର ନିର୍ବାଚନରେ କଂଗ୍ରେସର ଶୋଚନୀୟ ପରାଜୟ ପରେ ପିସିସି ସଭାପତି ପଦରୁ ପ୍ରସାଦ ହରିଚନ୍ଦନ ଇସ୍ତଫା ପ୍ରଦାନ କରିଛନ୍ତି। ପ୍ରସାଦଙ୍କ ଇସ୍ତଫା ନେଇ ଦଳୀୟ ସୂତ୍ରରୁ ସୂଚନା ମିଳିଛି। ଏ ନେଇ ଗତକାଲି ଅପରାହ୍ନରୁ ସୋସିଆଲ୍ ମିଡିଆରେ ଖବର ପ୍ରଚାରିତ ହେଉଛି। ପ୍ରସାଦ ତାଙ୍କ ଇସ୍ତଫା ପତ୍ର କଂଗ୍ରେସ ସଭାପତି ରାହୁଲ ଗାନ୍ଧିଙ୍କ ପାଖକୁ ପଠାଇ ଦେଇଥିବା କୁହାଯାଉଛି। ତେବେ ଏ ନେଇ ପ୍ରସାଦ ହରିଚନ୍ଦନଙ୍କ କୌଣସି ପ୍ରତିକ୍ରିୟା ମିଳି ପାରିନାହିଁ।

ଭୁବନେଶ୍ୱର: ପ୍ରସିଦ୍ଧ ଭଜନ ଗାୟକ ଅରବିନ୍ଦ ମୁଦୁଲିଙ୍କ ପରଲୋକ। ହୃଦଘାତରେ ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ତାଙ୍କର ମୃତ୍ୟୁ ଘଟିଛି। ମୃତ୍ୟୁ ବେଳକୁ ତାଙ୍କୁ ୫୬ ବର୍ଷ ବୟସ ହୋଇଥିଲା। ଗତକାଲି ରାତି ୨ଟା ସମୟରେ ଅସୁସ୍ଥ ଅନୁଭବ କରିବାରୁ ତାଙ୍କୁ ଘରୋଇ ମେଡ଼ିକାଲରେ ଭର୍ତ୍ତି କରାଯାଇଥିଲ। ହେଲେ ଚିକିତ୍ସାଧିନ ଅବସ୍ଥାରେ ପ୍ରାୟ ସାଢ଼େ ୩ଟା ସମୟରେ ତାଙ୍କର ମୃତ୍ୟୁ ହୋଇଥିବା ଜଣାପଡିଛି। ଖୋର୍ଦ୍ଧା ଜିଲ୍ଲା ଖଣତି ଗାଁରେ ଜନ୍ମ ହୋଇଥିବା ଅରବିନ୍ଦ ଭୁବନେଶ୍ୱରର ଭୀମଟାଙ୍ଗି ଅଞ୍ଚଳରେ […]

<p>ବାଲେଶ୍ୱର : ବାଲେଶ୍ୱର ଜିଲ୍ଲାରେ ଅଭାବନୀୟ ଘଟଣା। ଭୁଜାଲିରେ ହାଣି ଯୁବକଙ୍କୁ ଲୁଟିଲେ ଦୁର୍ବୃତ୍ତ। ଗୁରୁତର ଅବସ୍ଥାରେ ୩ ଜଣ ଯୁବକଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ବାଲେଶ୍ୱର ଜିଲ୍ଲା ଖନ୍ତପଡ଼ା ଥାନା ରଡୁଆ ଗାଁର ୩ ଜଣ ଯୁବକ ବାହାନଗାରୁ ଘରକୁ ଫେରୁଥିବା ବେଳେ ରାତି ପ୍ରାୟ ୧୨ଟା ବେଳେ ୬ ଜଣ ଦୁର୍ବୃତ୍ତ କଳା ପଲସରରେ ଆସି ସେମାନଙ୍କୁ ଆକ୍ରମଣ କରିଥିଲେ।</p> <p>(image) ବନ୍ଧୁକ ଦେଖାଇ ଭୟଭୀତ କରିବା ସହ ଭୁଜାଲିରେ ହାଣିଥିଲେ। ଏହାପରେ ସେମାନଙ୍କ ନିକଟରୁ ୧୦ ହଜାର ଟଙ୍କା, ମୋବାଇଲ୍, ଲାପଟପ୍&zwnj; ଓ ମୋଟର ସାଇକେଲ୍ ଲୁଟି ନେଇଥିଲେ। ଗୁରୁତର ଅବସ୍ଥାରେ ରାସ୍ତାରେ ପଡ଼ି ଛଟପଟ ହେଉଥିବା ବେଳେ ଯାତ୍ରା ଦେଖି ଫେରୁଥିବା ସ୍ଥାନୀୟ ଲୋକମାନେ ସେମାନଙ୍କୁ ଉଦ୍ଧାର କରି ଗୋପାଳପୁର ଡାକ୍ତରଖାନାରେ ଭର୍ତ୍ତି କରିଥିଲେ। ଗୋପାଳପୁର ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି।</p>

<p>ପୁରୀ: ଦୋଳପୂର୍ଣ୍ଣିମା ଲାଗି ଶ୍ରୀମନ୍ଦିର ନୀତି ନିର୍ଘଣ୍ଟ ଚୂଡ଼ାନ୍ତ ହୋଇଛି। ଆଜିର ମେଣ୍ଢା ପୋଡି ନୀତି ଏବଂ ଆସନ୍ତାକାଲିର ଦୋଳ ପୂର୍ଣ୍ଣିମା ନୀତି କିଭଳି ଶୃଙ୍ଖଳିତ ଭାବେ ହୋଇପାରିବ, ସେନେଇ ଗତ ସନ୍ଧ୍ୟାରେ ବସିଥିବା ଶ୍ରୀମନ୍ଦିର ଛତିଶା ନିଯୋଗ ବୈଠକରେ ଚୂଡ଼ାନ୍ତ ନିଷ୍ପତ୍ତି ଗ୍ରହଣ କରାଯାଇଛି।</p> <p>ମେଣ୍ଢା ପୋଡ଼ି ପାଇଁ ଆଜି ଭୋର ୫ ଟାରେ ଦ୍ୱାର ଖୋଲିଛି। ବିଳମ୍ବିତ ରାତି ଗୋଟାଏରେ ପହଡ଼ ନୀତି ଅନୁଷ୍ଠିତ ହେବ ବୋଲି ଛତିଶା ନିଯୋଗ ନାୟକ ଜନାର୍ଦ୍ଧନ ପାଟ୍ଟଯୋଶୀ ମହାପାତ୍ର ସୂଚନା ଦେଇଛନ୍ତି।<br /> &lt;p&gt;&lt;/p&gt;</p> <p>ଦୋଳପୂର୍ଣ୍ଣିମାରେ ରାତି ୩ ଟାରୁ ଦ୍ୱାର ଫିଟିବ। ଦିନ ୧୦ଟାରୁ ୧୧ଟା ମଧ୍ୟରେ ଦୋଳବେଦୀକୁ ବିଜେ ହେବେ ଦିଅଁ। ସେହିଦିନ ରାତି ୯ଟାରେ ବାହୁଡ଼ା ଏବଂ ୯ଟା ୩୦ରେ ଶ୍ରୀଜିଉଙ୍କ ରାଜାଧିରାଜ ବେଶ ଅନୁଷ୍ଠିତ ହେବ।</p> <p>ଠାକୁରଙ୍କ ଏହି ବେଶକୁ ଶ୍ରଦ୍ଧାଳୁମାନେ ରାତି ୧୧ଟା ପର୍ଯ୍ୟନ୍ତ ଦର୍ଶନ କରି ପାରିବେ। ସବୁ ନୀତିକାନ୍ତ ଯେଭଳି ଠିକ୍ ଭାବେ ସମ୍ପନ୍ନ ହେବ ସେ ନେଇ ବୈଠକରେ ଗୁରୁତ୍ୱାରୋପ କରାଯାଇଥିଲା।</p>

<p>କୋରାପୁଟ: କୋରାପୁଟରେ ଏକ ମର୍ମନ୍ତୁଦ ସଡକ ଦୁର୍ଘଟଣାରେ ଚାରି ଛାତ୍ରଛାତ୍ରୀଙ୍କ ମୃତ୍ୟୁ ଘଟିଛ। ଦୁର୍ଘଟଣାରେ ମୃତ୍ୟୁ ଘଟିଥିବା ଚାରି ଛାତ୍ରଛାତ୍ରୀଙ୍କର ଆଜି ଶବ ବ୍ୟବଚ୍ଛେଦ କରାଯିବ।</p> <p>ମୃତକଙ୍କ ମଧ୍ୟରେ କୋରାପୁଟ କେନ୍ଦ୍ରୀୟ ବିଦ୍ୟାଳୟର ୩ଜଣ ଥିବା ବେଳେ ଅନ୍ୟଜଣେ ଏକ ଘରୋଇ କଲେଜର ଯୁକ୍ତ ଦୁଇ ଛାତ୍ର। ମୃତକମାନେ ହେଲେ ରାଜିବ ପାତ୍ର, ତାଙ୍କ ଭାଇ ରୁବେନ୍ ପାତ୍ର, ନିହାରିକା ଭଞ୍ଜ ଓ ଜୟଶ୍ରୀ ରାଓ।</p> <p>୧୦ମ ଶ୍ରେଣୀରେ ପଢୁଥିବା ରୁବେନ୍, ଜୟଶ୍ରୀ ଓ ନିହାରିକା ଆଡମିଟ କାର୍ଡ ଆଣିବାକୁ ସ୍କୁଲକୁ ଯାଇଥିଲେ। ଏହାପରେ ସ୍କୁଲରେ ଆୟୋଜିତ ଭୋଜିରେ ସାମିଲ୍ ପରେ ସ୍କୁଲକୁ ଏକ କାର୍ ନେଇ ପହଞ୍ଚିଥିଲେ ରୁବେନଙ୍କ ଭାଇ ରାଜୀବ। ୪ଜଣ ମିଶି ସ୍କୁଲକୁ ଘରକୁ ଫେରିବା ବଦଳରେ ଜୟପୁର ଅଭିମୁଖେ ବାହାରିଥିଲେ।<br /> &lt;p&gt;&lt;/p&gt;</p> <p>ପରୀକ୍ଷା ପୂର୍ବରୁ ସ୍କୁଲରେ ଶେଷ ଦିନ ଥିବାରୁ ସ୍କୁଲକୁ ଫେରିବା ପରେ ଫଟୋ ଉଠାଇବାକୁ ସେମାନେ ଜୟପୁର ରାସ୍ତା ଧରିଥିଲେ ତେବେ କୋରାପୁଟ ଠାରୁ ମାତ୍ର ଗୋଟିଏ କିଲୋମିଟର ପରେ ତାଙ୍କ ଗାଡିକୁ ଧକ୍କା ଦେଇଥିଲା ଏକ ବାଲି ବୋଝେଇ ଟିପ୍ପର।</p> <p>ଘଟଣାସ୍ଥଳରେ ରାଜୀବଙ୍କ ମୃତ୍ୟୁ ଘଟିଥିବାବେଳେ କୋରାପୁଟ ମେଡିକାଲରେ ନିହାରିକା ଓ ଜୟଶ୍ରୀଙ୍କ ମୃତ୍ୟୁ ହୋଇଥିବା ବେଳେ ବିଶାଖାପାଟଣା ନେବା ବାଟରେ ରୁବେନଙ୍କ ମୃତ୍ୟୁ ଘଟିଥିଲ। ତେବେ ଏହି ଘଟଣା ପରେ କୋରାପୁଟ ଜିଲ୍ଲାରେ ଶୋକର ଛାୟା ଖେଳି ଯାଇଛି।</p>

<p>ଭୁବନେଶ୍ୱର : ଭୁବନେଶ୍ୱର ଏମ୍ସର କାଶ୍ମୀର ଛାତ୍ର ସୋହେଲ ଅଜାଜ ନିଖୋଜ ମାମଲାରେ ପୋଲିସ ଡିଜି ରାଜେନ୍ଦ୍ର ପ୍ରସାଦ ଶର୍ମାଙ୍କ ସୂଚନା। ଏହି ପ୍ରସଙ୍ଗରେ ସେ ଟେଲିଫୋନ ଯୋଗେ ଜାମ୍ମୁ-କାଶ୍ମୀର ଡିଜିପିଙ୍କ ସହ କଥା ହୋଇଛନ୍ତି। ଏଥିସହ ସୋହେଲଙ୍କ ସୋସିଆଲ ମିଡିଆ ଆକାଉଣ୍ଟ ଯାଞ୍ଚ ଚାଲିଛି । କୌଣସି ଆତଙ୍କବାଦୀ ସଂଗଠନ ସହ ସଂପର୍କ ଦିଗରେ ବି ତଦନ୍ତ ଚାଲିଛି।</p> <p>ଓଡ଼ିଶା, ଜାମ୍ମୁ କାଶ୍ମୀର ଓ ପଶ୍ଚିମବଙ୍ଗ ପୋଲିସ ସୋହେଲ ସଂପର୍କରେ ଅନୁସନ୍ଧାନ କରୁଛନ୍ତି ବୋଲି ଡିଜି ରାଜେନ୍ଦ୍ର ପ୍ରସାଦ ଶର୍ମା କହିଛନ୍ତି। ଅନ୍ୟପକ୍ଷରେ ଜାମ୍ମୁ କାଶ୍ମୀର ଡିଜିପି ଏସ୍.ପି ବୈଦ OTVକୁ କହିଛନ୍ତି ଯେ, ସୋହେଲଙ୍କୁ ଶେଷ ଥର ପାଇଁ କୋଲକତାରେ ଦେଖିବାକୁ ମିଳିଥିଲା। ତା&rsquo;ପରେ ସୋହେଲଙ୍କ ସଂପର୍କରେ କୌଣସି ସୁରାକ୍&zwnj; ମିଳୁନି। ତାଙ୍କ ଘରକୁ ଯାଇ ପରିବାର ଲୋକଙ୍କୁ ପଚରାଉଚରା କରିଛୁ।&nbsp; ଆତଙ୍କବାଦୀ ସଂଗଠନ ସହ ସଂପର୍କ ନେଇ ମଧ୍ୟ କିଛି ସୁରାକ୍&zwnj; ମିଳିନି।</p> <p>ଜାମ୍ମୁ ଓ କାଶ୍ମୀର କୁପଓ୍ୱାଡା ଜିଲ୍ଲାର ସୋହେଲ ରହସ୍ୟମୟ ଭାବେ ଭୁବନେଶ୍ୱର ହଷ୍ଟେଲରୁ ନିଖୋଜ ହୋଇଯାଇଥିବା ଅଭିଯୋଗ ହୋଇଛି।&nbsp; ଗତ ୧୬ ଦିନ ହେଲା ସୋହେଲଙ୍କ ମୋବାଇଲ ମଧ୍ୟ ବନ୍ଦ ରହିଛି&nbsp; ପରିବାର କିମ୍ବା କଲେଜ କର୍ତ୍ତୃପକ୍ଷଙ୍କ ସହ କୌଣସି ଯୋଗଯୋଗ ରଖିନଥିବାରୁ ଘଟଣା ନେଇ ସନ୍ଦେହ ଘନୀଭୁତ ହେବାରେ ଲାଗିଛି।</p>

<p>&lt;strong&gt;ସୁନ୍ଦରଗଡ଼ &lt;/strong&gt;&lt;strong&gt;: &lt;/strong&gt;&lt;strong&gt;ହାତୀ ନେଲା ଜୀବନ। ସୁନ୍ଦରଗଡ଼ ଜିଲ୍ଲା କୁଆଁରମୁଣ୍ଡା ଫରେଷ୍ଟ ରେଞ୍ଜ ହରପାଲି ଗାଁରେ ଜଣେ ବ୍ୟକ୍ତିଙ୍କୁ ଆକ୍ରମଣ କରି ହାତୀ ମାରିଦେଇଛି। ମୃତକ ଜଣକ ହେଲେ କଚାରୁର ପୂର୍ବତନ ସରପଞ୍ଚ। ତାଙ୍କ ନାଁ ରାସକା ଓରାମ। ବନ ବିଭାଗ କର୍ମଚାରୀଙ୍କ ସହ ହାତୀ ଘଉଡ଼ାଇବାବେଳେ ଏହି ଅଘଟଣ ଘଟିଥିବା ସୂଚନା ମିଳିଛି।&lt;/strong&gt;</p> <p>&lt;strong&gt;&nbsp;&lt;/strong&gt;</p> <p>&lt;strong&gt;&nbsp;&lt;/strong&gt;</p>

<p>&lt;strong&gt;କଟକ &lt;/strong&gt;&lt;strong&gt;: &lt;/strong&gt;&lt;strong&gt;ମାଟ୍ରିକ ପରୀକ୍ଷା ପ୍ରଶ୍ନପତ୍ର ଭାଇରାଲ୍ ଘଟଣାରେ କଟକ ବୋର୍ଡ ଅଫିସ୍&zwnj;ରେ ଉତ୍ତେଜନା। ଗେଟ୍ ଭାଙ୍ଗି ଭିତରକୁ ଧସେଇ ପଶିବାକୁ ଉଦ୍ୟମ କଲେ ଏବିଭିପି କର୍ମୀ। ପ୍ରଶ୍ନପତ୍ର ଭାଇରାଲ ଘଟଣାରେ କାର୍ଯ୍ୟାନୁଷ୍ଠାନ ଦାବିରେ ଆଜି ମାଧ୍ୟମିକ ଶିକ୍ଷା ବୋର୍ଡ କାର୍ଯ୍ୟାଳୟ ଆଗରେ ଏବିଭିପି ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଇଛି। ଏହି ସମୟରେ ଗେଟ୍ ଭାଙ୍ଗି ଭିତରକୁ ପଶିବାକୁ ଉଦ୍ୟମ କରିବା ବେଳେ ବୋର୍ଡ କର୍ମଚାରୀଙ୍କ ସହ ମୁହାଁମୁହଁ ହୋଇଥିଲେ ଏବିଭିପି କର୍ମୀ।&lt;/strong&gt;</p>

ଭୁବନେଶ୍ୱର: ଭୁବନେଶ୍ୱର କଳିଙ୍ଗ ଷ୍ଟାଡିୟମରେ ଆରମ୍ଭ ହୋଇଛି ଆଇଟିଏଫ୍ ଟୁର୍ଣ୍ଣାମେଣ୍ଟ। ଏଥିରେ ବିଭିନ୍ନ ଦେଶର ୩୨ଜଣ ଖେଳାଳି ଭାଗ ନେଇଛନ୍ତି। ଉଦଘାଟନୀ ଉତ୍ସବରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯୋଗ ଦେଇ ଋଷିଆ, ଚାଇନା, ଆମେରିକା, ଜାପାନ ପ୍ରଭୃତି ଦେଶର ଖେଳାଳିଙ୍କୁ ସମ୍ବର୍ଦ୍ଧିତ କରିଥିଲେ। ଏହାସହ ଓଡ଼ିଶାର ୪ଜଣ ଉଦୀୟମାନ ଟେନିସ୍ ତାରକାଙ୍କୁ ୫୦ ହଜାର ଟଙ୍କା ଲେଖାଏଁ ପୁରସ୍କାର ରାଶି ପ୍ରଦାନ କରିଥିଲେ। ଏହା ଓଡ଼ିଶାକୁ ଅନ୍ତର୍ଜାତୀୟ ସ୍ତରରେ ନୂଆ ପରିଚୟ ଦେବ ବୋଲି ମୁଖ୍ୟମନ୍ତ୍ରୀ ଏହି ଅବସରରେ କହିଥିଲେ ।

<p>ଭୁବନେଶ୍ୱର: ପ୍ରତ୍ୟାହୃତ ହେଲା OSRTC କର୍ମଚାରୀଙ୍କ ଆନ୍ଦୋଳନ। ଦରମା ଏବଂ ଭତ୍ତା ୨୦ ପ୍ରତିଶତ ବୃଦ୍ଧି ନେଇ ରାଜ୍ୟ ସରକାର ପ୍ରତିଶ୍ରୁତି ଦେବା ପରେ ଆନ୍ଦୋଳନ ପ୍ରତ୍ୟାହୃତ ହୋଇଥିବା ସୂଚନା ମିଳିଛି। ପରିବହନ ମନ୍ତ୍ରୀ ନୃସିଂହ ସାହୁ ଏହି ସୂଚନା ଦେଇଛନ୍ତି।</p> <p>ଅନ୍ୟ ଦାବି ଗୁଡ଼ିକ ସମ୍ପର୍କରେ ବିଚାର କରାଯାଉଛି ବୋଲି ମନ୍ତ୍ରୀ କହିଛନ୍ତି। ଠିକା କର୍ମଚାରୀଙ୍କୁ ସ୍ଥାୟୀ ନିଯୁକ୍ତି, ସମାନ କାମକୁ ସମାନ ଦରମା, ସରକାରୀ କର୍ମଚାରୀଙ୍କ ଭଳି ମହଙ୍ଗା ଭତ୍ତା ଏବଂ ପଦୋନ୍ନତି ଆଦି ପ୍ରମୁଖ ୫ ଦଫା ଦାବି ନେଇ OSRTC କର୍ମଚାରୀ ଆଜିଠୁ ଆନ୍ଦୋଳନ ଡାକରା ଦେଇଥିଲେ। ଫଳରେ ରାଜ୍ୟବ୍ୟାପି ସରକାରୀ ବସ୍ ଚଳାଚଳ ବନ୍ଦ ରହିଥିଲା ।</p>

<p>ସୁନ୍ଦରଗଡ଼: ସୁନ୍ଦରଗଡ଼ ହାତୀବାରି ଅଞ୍ଚଳରେ ଜଙ୍ଗଲି ହାତୀ ଆତଙ୍କ।&nbsp; କୋକେରେମା ବେସମା ଗାଁରେ ପଶି ଗତକାଲି ରାତିରେ ଝାଡ଼ଖଣ୍ଡୀ ହାତୀପଲ ୯ଟି ଘର ଭାଙ୍ଗି ଦେଇଥିବା ଜଣାପଡିଛି।&nbsp; ଏହି ହାତିପଲରେ ୧୭ଟି ହାତୀ ରହିଛନ୍ତି।<br /> &lt;p&gt;&lt;/p&gt;</p> <p>ଗତକାଲିଠାରୁ ଏହି ହାତୀ ପଲ୍ଲ ଗାଁ ନିକଟରେ ବୁଲୁଥିବାରୁ ଗାଁ ଲୋକେ ଆତଙ୍କିତ ଅବସ୍ଥାରେ ଅଛନ୍ତି। ହାତୀ ଘଉଡ଼ାଇବାକୁ ବନ ବିଭାଗ ପକ୍ଷରୁ ଉଦ୍ୟମ ଜାରି ରହିଛି।</p>

<p>ନୟାଗଡ଼: ରାଜସୁନାଖଳା ଗାଁରେ ବୋମାମାଡ଼ରେ ଜଣେ ଅଟୋଚାଳକଙ୍କ ମୃତ୍ୟୁ ଘଟିଛି। ୨&nbsp;ଜଣ ଦୁର୍ବୃତ୍ତ ବାଇକରେ ଆସି ବୋମାମାଡ କରି ଫେରାର ହୋଇଯାଇଥିଲେ।</p> <p>ମୃତକଙ୍କ ନାଁ ଟୁଲୁ ବାରିକ। ଟୁଲୁ ବାଣପୁରରେ ଭଡ଼ାନେଇ ରହୁଥିଲେ।</p> <p>ମିଳିଥିବା ସୁଚନାନୁସାରେ, ରାଜସୁନାଖଳା ହସ୍ପିଟାଲ ଛକ ଠାରେ ଟୁଲୁ ଠିଆ ହୋଇଥିବା ସମୟରେ ୨ ଜଣ ଯୁବକ ବାଇକରେ&nbsp;ଆସି ତାଙ୍କ ଉପରକୁ ଅତର୍କିତ ଭାବେ ଗୁଳି ଚଳାଇଥିଲେ, ମାତ୍ର ର୍ଦୁଭାଗ୍ୟବଶତଃ ଗୁଳି ଟୁଲୁଙ୍କ ଉପରେ ବାଜିନଥିଲା। ଫଳରେ ଦୁର୍ବୃତ୍ତମାନ ଟୁଲୁଙ୍କ ଉପରକୁ ବୋମାମାଡ଼ କରି ଘଟଣାସ୍ଥଳରୁ ଖସି ପଳାଇଥିଲେ।<br /> &lt;p&gt;&lt;/p&gt;</p> <p>ଜମି ବିବାଦକୁ କେନ୍ଦ୍ର କରି ବୋମାମାଡ଼ କରାଯାଇଥିବାର ସନ୍ଦେହ କରାଯାଉଛି।</p> <p>ସୂଚନାଥାଉ କି, ରାଜସୁନାଖଳା ପୋଲିସ ଘଟଣାସ୍ଥଳରେ ପହଞ୍ଚି ଘଟଣାର ଛାନଭିନ ଆରମ୍ଭ କରି ଦଇଛି।</p>

<p>କେନ୍ଦୁଝର: କେନ୍ଦୁଝର ଦୁର୍ଗା ମନ୍ଦିରରୁ ଚୋରି। ଗତକାଲି ରାତିରେ ବସଷ୍ଟାଣ୍ଡ ନିକଟରେ ଥିବା ଦୁର୍ଗା ମନ୍ଦିରର କବାଟ ଭାଙ୍ଗି ଲକ୍ଷାଧିକ ଟଙ୍କାର ଅଳଙ୍କାର ଚୋରି ହୋଇଥିବା&nbsp;ନେଇ ଥାନାରେ ଅଭିଯୋଗ ହୋଇଛି।<br /> &lt;p&gt;&lt;/p&gt;</p> <p>ଦୁର୍ବୃତ୍ତମାନେ ମନ୍ଦିରରୁ ବହୁ ସୁନା ଅଳଙ୍କାର ସମେତ&nbsp; ୫ଟି ରୂପା ମୁକୁଟ ମଧ୍ୟ ଚୋରି କରି ନେଇଛନ୍ତି। &nbsp;ଏହାସହ ମନ୍ଦିର ହୁଣ୍ଡି ଭାଙ୍ଗି ନଗଦ ଟଙ୍କା ମଧ୍ୟ ଚୋରି କରି ନେଇଥିବା ଅଭିଯୋଗ ହୋଇଛି। ଏନେଇ କେନ୍ଦୁଝର ଟାଉନ ଥାନା ପୋଲିସ ଘଟଣାର ତଦନ୍ତ ଆରମ୍ଭ କରିଛି।</p>

<p>ଭୁବନେଶ୍ୱର: ଗୁଣାତ୍ମକ ଶିକ୍ଷା ନାଁରେ ଶିକ୍ଷକମାନଙ୍କ ଯୋଗ୍ୟତା କମାଇବା ପାଇଁ ଚକ୍ରାନ୍ତ କରାଯାଉଛି।&nbsp; ଏହାସହିତ ସମସ୍ତ ଉଚ୍ଚପ୍ରାଥମିକ ବିଦ୍ୟାଳୟରେ ଟିଜିଟି ଶିକ୍ଷକ ବଦଳରେ ସିଟି ଶିକ୍ଷକଙ୍କୁ ନିଯୁକ୍ତି ଦେବା ପାଇଁ ସରକାର ଯୋଜନା କରୁଛନ୍ତି ବୋଲି ଅଭିଯୋଗ କରିଛି ମିଳିତ ବି.ଏଡ. ଶିକ୍ଷକ ମହାସଂଘ।</p> <p>ଆଦର୍ଶ ବିଦ୍ୟାଳୟ ଓ ସମସ୍ତ ହାଇସ୍କୁଲରେ ଟିଜିଟି ସ୍କେଲରେ ସରକାର ଦରମା ଦେଉଥିବା ବେଳେ ଉଚ୍ଚପ୍ରାଥମିକ ବିଦ୍ୟାଳୟର ଟିଜିଟି ଶିକ୍ଷକଙ୍କୁ ଟିଜିଟି ସ୍କେଲ ଦିଆଯାଉନି ବୋଲି ଅଭିଯୋଗ କରିଛି ମହାସଂଘ।<br /> &lt;p&gt;&lt;/p&gt;</p> <p>ତେଣୁ ସମାନ କାମକୁ ସମାନ ଦରମା ପ୍ରଦାନ ଦାବି ଉଠାଇଛି ସଂଘ।&nbsp; ନହେଲେ ଆସନ୍ତା ବିଧାନସଭା ଅଧିବେଶନ ସମୟରେ ଆନ୍ଦୋଳନକୁ ଓହ୍ଲାଇବ ବୋଲି ଚେତାବନୀ ଦେଇଛି ମହାସଂଘ। ଅନ୍ୟପକ୍ଷରେ ସଂଘର ଏଭଳି ଅଭିଯୋଗ ନେଇ ବିଭାଗୀୟ ମନ୍ତ୍ରୀଙ୍କ କୌଣସି ପ୍ରତିକ୍ରିୟା ମିଳିପାରିନି।</p>

<p>ନୂଆପଡ଼ା: ନୂଆପଡ଼ା ଜିଲ୍ଲା ସୁନାବେଡା ଅଭୟାରଣ୍ୟର ବଡଝୋଲା ଜଙ୍ଗଲରେ ଏସଓଜି ଓ ମାଓବାଦୀଙ୍କ ମଧ୍ୟରେ ଗତକାଲି ଗୁଳି ବିନିମୟ ହୋଇଛି ଏଥିସହ କମ୍ବିଂ ବେଳେ ବୋମା ବିସ୍ଫୋରଣ ହେବା ଯୋଗୁ ଦୁଇ ଏସଓଜି ଯବାନ ଆହତ ହୋଇଛନ୍ତି।</p> <p>ସେମାନଙ୍କୁ ଚିକିତ୍ସା ନିମନ୍ତେ ନୂଆପଡା ଜିଲ୍ଲା ଡାକ୍ତରଖାନାରେ ଭର୍ତ୍ତି କରାଯାଇଛି।&nbsp; ଏସଓଜିର ୧୬ ନମ୍ବର ଟିମ୍ ପକ୍ଷରୁ କମ୍ବିଂ ଅପରେସନ ଜାରି ରହିଥିଲା। ଏହି ସମୟରେ ବଡଝୋଲା ଜଙ୍ଗଲରେ ମାଓବାଦୀ ଓ ଯବାନ ମୁହାଁମୁହିଁ ହୋଇଥିଲେ।&nbsp; ମାଓବାଦୀଙ୍କ ଗୁଳିର ପାଲଟା ଜବାବ ଦେଇଥିଲେ ଯବାନ।<br /> &lt;p&gt;&lt;/p&gt;</p> <p>ମାଓବାଦୀ ଛତ୍ରଭଙ୍ଗ ଦେଇଥିବା ବେଳେ ସେଠାରୁ ମାଓ ପୋଷାକ, ବହୁ ପରିମାଣର ଗୁଳି, ଔଷଧ ଆଦି ଜବତ କରାଯିବା ସହ କମ୍ବିଂ ଅପରେସନକୁ ଜୋରଦାର କରାଯାଇଛି।</p>

<p>ଭୁବନେଶ୍ୱର: ଭୁବନେଶ୍ୱର ଏମ୍ସରେ ପଢ଼ୁଥିବା କାଶ୍ମୀର ଛାତ୍ର ସୋହେଲଙ୍କର ଏଯାଏଁ କୌଣସି ପତ୍ତା ମିଳିପାରିନାହିଁ। ଶେଷରେ ପୁଅକୁ ଖୋଜିବାକୁ ପରିବାର ଲୋକ ପୋଲିସର ସହାୟତା ଲୋଡିଛନ୍ତି ।</p> <p>ସୋହେଲ ଏକ ବାହାଘର ଉତ୍ସବରେ ଯୋଗ ଦେବାକୁ ଯାଉଥିବା କଥା ନିଜ ସହପାଠୀଙ୍କୁ କହିଥିଲେ ଓ ୧୭ରେ ଫେରିବେ ବୋଲି ମଧ୍ୟ ସୂଚନା ବି ଦେଇଥିଲେ।&nbsp; ତେବେ ୧୭ରେ ନଫେରିବାରୁ ୧୮ ତାରିଖରେ ଖଣ୍ଡଗିରି ଥାନାରେ ଏମ୍ସ କର୍ତ୍ତୃପକ୍ଷ&nbsp; ଏତଲା ଦାୟର କରିଥିଲେ।</p> <p>ଅନ୍ୟପକ୍ଷରେ, ପୋଲିସ ସୋହେଲଙ୍କ ରୁମରୁ ଏକ ହାତଲେଖା ଚିଠି ଜବତ କରିଛି। ଏଥିରେ &lsquo;&lt;strong&gt;ଆଇ କୁଇଟ୍, ଥ୍ୟାଙ୍କସ ଟୁ ଅଲ୍&lt;/strong&gt;&rsquo; ଲେଖାଯାଇଥିବା ପୋଲିସ ସୂଚନା ଦେଇଛି। ସେହିପରି ସୋହେଲଙ୍କ ଫୋନ ଶେଷଥର ପାଇଁ ଗତ ୧୦ ତାରିଖରେ ପଶ୍ଚିମବଙ୍ଗ ହାଓ୍ୱଡ଼ାରେ ଟ୍ରାକ୍ ହୋଇଥିବା ପୋଲିସ କହିଛି।<br /> &lt;p&gt;&lt;/p&gt;</p> <p>କୁହାଯାଉଛି ଯେ, ସୋହେଲ ଗତ ପରୀକ୍ଷାରେ ଖରାପ କରିଥିଲେ। ସେପଟେ ସୋହେଲଙ୍କ ଘର କୁପଓ୍ୱାରା ଜିଲ୍ଲା ବି ଅତି ଆତଙ୍କବାଦ ପ୍ରବଣ&nbsp; ତେଣୁ ତାଙ୍କ ରହସ୍ୟମୟ ନିଖୋଜ ପଛରେ ଏସବୁର କିଛି ଲିଙ୍କ ରହିଛି କି? ତାକୁ ନେଇ ବି ପ୍ରଶ୍ନ ଉଠିଛି।</p> <p>ଜାମ୍ମୁ ଓ କାଶ୍ମୀରର କୁପଓ୍ୱାଡ଼ା ଜିଲ୍ଲାର ସୋହେଲ ୨୦୧୬ରୁ ଭୁବନେଶ୍ୱର ଏମ୍ସରେ ପଢୁଥିଲେ।&nbsp; ତେବେ ଗତ ୯ ତାରିଖରୁ ତାଙ୍କର ପତ୍ତା ମିଳୁନାହିଁ&nbsp; ଯାହାକୁ ନେଇ କଳ୍ପନାଜଳ୍ପନା ପ୍ରକାଶ ପାଇଛି।</p>

<p>କଟକ: ବଲାଙ୍ଗିର ଜିଲ୍ଲା ପାଟଣାଗଡ଼ ପାର୍ସଲ ବୋମା ବିସ୍ଫୋରଣ ଘଟଣାରେ ଆହତ ବୋହୂ ରୀନାରାଣୀ ସାହୁଙ୍କ ଅବସ୍ଥା ସଙ୍କଟାପନ୍ନ ହେବାଫଳରେ ତାଙ୍କୁ ଆଜି ବୁର୍ଲାରୁ&nbsp; କଟକ ଏସ୍&zwnj;ସିବିକୁ ସ୍ଥାନାନ୍ତର କରାଯାଇଛି।<br /> &lt;p&gt;&lt;/p&gt;</p> <p>ତାଙ୍କ ଶରୀରର ୩୫ ପ୍ରତିଶତ ପୋଡ଼ି ଯାଇଛି। ତାଙ୍କ ସହିତ ତାଙ୍କ ଭାଇ ରାକେଶ ସାହୁ ବି ଆସିଛନ୍ତି। ରାକେଶ କହିଛନ୍ତି ଯେ ତାଙ୍କର କିମ୍ବା ରୀନାଙ୍କ ଶାଶୂ ଘର ଲୋକଙ୍କ ସହିତ କାହାରି ଶତ୍ରୁତା ନାହିଁ।</p>

<p>ପାରାଦୀପ: ପାରାଦୀପରେ ଏବେ ବାର୍ଡ ଫ୍ଲ୍ୟୁ ଆତଙ୍କ। ଗତ&nbsp; କିଛି ଦିନ ହେବ ଏହି ଅଞ୍ଚଳରେ କାଉ ମଡକ ଦେଖାଯାଇଥିବା ବେଳେ ନମୁନା ସଂଗ୍ରହ କରାଯାଇ ପରୀକ୍ଷା ପାଇଁ ପଠାଯାଇଥିଲା।</p> <p>ତେବେ ଗତକାଲି ପରୀକ୍ଷା ରିପୋର୍ଟରେ ବାର୍ଡ ଫ୍ଲ୍ୟୁ ହୋଇଥିବା ନେଇ ଜଣାପଡିବା ପରେ ବ୍ୟବସାୟୀଙ୍କ ମଧ୍ୟରେ ଛନକା ପଶିଛି। ଜିଲ୍ଲା ପ୍ରଶାସନ ପକ୍ଷରୁ ଏକ ବୈଠକରେ ଆଲୋଚନା ପରେ ପ୍ରତିଷେଧକ ମୂଳକ ବ୍ୟବସ୍ଥା ଗ୍ରହଣ କରାଯାଉଛି।</p> <p>ଅନ୍ୟପକ୍ଷରେ, ପାରାଦୀପ ବାସିଙ୍କୁ ଚିକେନ, ଅଣ୍ଡା ଆଦି ଖାଇବାକୁ ବାରଣ କରାଯାଇଛି।&nbsp; ବର୍ତ୍ତମାନ ବିବାହ ଋତୁ ଚାଲିଥିବାରୁ କୁକୁଡା ବ୍ୟବସାୟୀମାନେ ଅଧିକ ମାତ୍ରାରେ କୁକୁଡା ସଂଗ୍ରହ କରି ରଖିଛନ୍ତି&nbsp; ତେଣୁ ବ୍ୟବସାୟରେ କ୍ଷତିଗ୍ରସ୍ତ ହେବା ନେଇ ଆଶଙ୍କା କରିଛନ୍ତି ବ୍ୟବସାୟୀ।</p> <p>ଏପଟେ ପାରାଦୀପ ପୌର ପରିଷଦରେ ଲୋକଙ୍କୁ ସଚେତନ କରାଯିବା ସହ ଆବଶ୍ୟକ ପଡିଲେ ଚିକେନ ଦୋକାନଗୁଡିକ ସିଲ କରିଦିଆଯିବ ବୋଲି କହିଛନ୍ତି ପୌରାଧ୍ୟକ୍ଷ।</p>

<p>କଟକ: କଟକର ଏକ ଆବାସିକ ବିଦ୍ୟାଳୟର ପରିତ୍ୟକ୍ତ ଘରୁ ୪ କୋମଳମତି ଶିଶୁଙ୍କୁ ଉଦ୍ଧାର କରାଯାଇଛି। ବିଡାନାସୀସ୍ଥିତ ଗୋଦାବରୀଶ ସନ୍ଥ ସଂସ୍କୃତ ବିଦ୍ୟାଳୟ ଓ ଶିଶୁ ସନ୍ଥ ଯୋଗଭିତ୍ତିତ୍ତିକ ଆବାସିକ ଉଚ୍ଚ ପ୍ରାଥମିକ ବିଦ୍ୟାଳୟ ପରିସରରୁ ଏହି ଶିଶୁମାନଙ୍କୁ ଉଦ୍ଧାର କରାଯାଇଛି।</p> <p>&amp;nbsp;<br /> &lt;p&gt;&lt;/p&gt;<br /> ପିଲାମାନଙ୍କୁ ଯେଉଁ ଘରେ ରଖାଯାଇଥିଲା ତାହା ଏକ ପରିତ୍ୟକ୍ତ ସ୍କୁଲ ଘର। କେଉଁ ମୂହୁର୍ତ୍ତରେ ଯେ ଭୁଷୁଡି ପଡିବ ତାହା କହିହେବ ନାହିଁ&nbsp; ଘରେ ବିଦ୍ୟୁତ ସଂଯୋଗ ମଧ୍ୟ ନଥିଲା।&nbsp; ତୁରନ୍ତ ଏହି ପିଲାମାନଙ୍କୁ ଉଦ୍ଧାର କରିବାକୁ ସ୍ଥାନୀୟ ଲୋକେ ଦାବି କରିଥିଲେ। &nbsp;ଏହାପରେ ଶିକ୍ଷା ବିଭାଗ ଡିଇଓ, ଶିଶୁ କଲ୍ୟାଣ ସମିତିର ଅଧ୍ୟକ୍ଷ ଏବଂ ଚାଇଲ୍ଡ ଲାଇନ କର୍ମକର୍ତ୍ତା ପହଞ୍ଚି ଏହି ଶିଶୁମାନଙ୍କୁ ଉଦ୍ଧାର କରିଥିଲେ। ଉଦ୍ଧାର ପିଲାମାନଙ୍କ ମଧ୍ୟରୁ ୩ଜଣ ପୁଅ ଓ ଜଣେ ଝିଅ।&nbsp; ତେବେ ଏହି ପିଲାମାନେ କିଏ, କେଉଁଠୁ ଅସିଛନ୍ତି ଓ ତାଙ୍କୁ ଏଠାରେ କିଏ ରଖିଥିଲା, ସେ ସଂପର୍କରେ ସ୍ପଷ୍ଟ ହୋଇ ନଥିବାବେଳେ ସ୍କୁଲର ପ୍ରଧାନଶିକ୍ଷକ ମଧ୍ୟ ଅନୁପସ୍ଥିତ ଅଛନ୍ତି&nbsp; ତେଣୁ ସ୍କୁଲ କର୍ତ୍ତୃପକ୍ଷଙ୍କ ପ୍ରତିକ୍ରିୟା ମିଳିପାରିନି।</p> <p>&amp;nbsp;</p>

<p>କେନ୍ଦୁଝର: କେନ୍ଦୁଝର କାଞ୍ଜିପାଣି ଘାଟିରେ ଶନିବାର ବିଳମ୍ବିତ ରାତିରେ ଏକ ମର୍ମନ୍ତୁଦ ବସ୍ ଦୁର୍ଘଟଣାରେ ୨୫ରୁ ଅଧିକ ଆହତ ହୋଇଛନ୍ତି। ଆହତମାନଙ୍କ ମଧ୍ୟରେ ଶିଶୁ ଅଛନ୍ତି।</p> <p>ସାଇ ବାବା ନାମକ ବସଟି &nbsp;ଟାଟାରୁ ଅନୁଗୁଳ ଯାଉଥିଲା ବେଳେ କୌଣସି କାରଣରୁ ଭାରସାମ୍ୟ ହରାଇ ତଳକୁ ଖସିପଡିଥିଲା।&nbsp; ଆହତମାନଙ୍କୁ କେନ୍ଦୁଝର ଜିଲ୍ଲା ମୁଖ୍ୟ ଚିକିତ୍ସାଳୟ ଓ ତେଲକୋଇ କମ୍ୟୁନିଟି ହେଲଥ୍ ସେଣ୍ଟର (ସିଏଚସି)ରେ ଭର୍ତ୍ତି କରାଯବା ସହ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।</p>

<p>ନୟାଗଡ: ନୟାଗଡ଼ ଗାୟତ୍ରୀ କଲୋନୀରେ ଏକ କୂଅରୁ&nbsp; ଜଣେ ବାଳକର ମୃତଦେହ ଉଦ୍ଧାର କରାଯାଇଛି। &nbsp;ବାଳକର ନାଁ ଆଶୁତୋଷ ସ୍ୱାଇଁ। ଗତ ତିନି ଦିନ ହେବ ଆଶୁତୋଷ ନିଖୋଜ ଥିଲେ।<br /> &lt;p&gt;&lt;/p&gt;</p> <p>ଆଶୁତୋଷଙ୍କ ମାଆଙ୍କ ପୂର୍ବରୁ ମୃତ୍ୟୁ ଘଟିଥିବା ବେଳେ ତାଙ୍କ ବାପା&nbsp; ବାହାରେ ଚାକିରି କରୁଛନ୍ତି। ସେ ତାଙ୍କ ଜେଜେ ମାଆ ଓ ଜେଜେ ବାପାଙ୍କ ପାଖରେ ରଖୁଥିଲେ। କେହି ଦୁର୍ବୃତ୍ତ ଆଶୁତୋଷଙ୍କୁ ହତ୍ୟା କରି କୂଅରେ ଫିଙ୍ଗି ଦେଇଥିବା ନେଇ ତାଙ୍କ ପରିବାର ଲୋକେ ଅଭିଯୋଗ କରିଛନ୍ତି।</p>

<p>ବରଗଡ: ବିଜେପୁର ନିର୍ବାଚନର ଠିକ୍ ପୂର୍ବରୁ ରାଜନୈତିକ ହିଂସା ଦେଖାଦେଇଛି। ଗତକାଲି ବିଳମ୍ବିତ ରାତିରେ ଶ୍ରମ ମନ୍ତ୍ରୀ ସୁଶାନ୍ତ ସିଂଙ୍କ ଭାଇ ସୁବ୍ରତ ସିଂଙ୍କୁ କିଛି ଦୁର୍ବୃତ୍ତ ବରଗଡ଼ ଜିଲ୍ଲା ସୋହେଲା ବ୍ଲକ୍ ବନାବିରା ଠାରେ ଅତର୍କିତ ଆକ୍ରମଣ କରିଥିଲେ। ଏହି ଆକ୍ରମଣରେ ସୁବ୍ରତଙ୍କ ସମେତ ୪ଜଣ ଆହତ ହୋଇଛନ୍ତି।</p> <p>ସୁବ୍ରତ ଓ ଅନ୍ୟ ତିନି ଜଣ ଏକ ଚାରିଚକିଆ ଗାଡ଼ିରେ ଯାଉଥିବାବେଳେ ହଠାତ୍ ଦୁର୍ବୃତ୍ତ ମାନେ ସେମାନଙ୍କ ଉପରକୁ ଆକ୍ରମଣ କରିବା ସହ ଗାଡ଼ି ଭଙ୍ଗାରୁଜା କରିଥିଲେ। ଆହତ ୪ଜଣଙ୍କୁ ପ୍ରଥମେ ସୋହେଲା ଡାକ୍ତରଖାନାରେ ଭର୍ତ୍ତି କରାଯାଇଥିଲା। ପରେ ବୁର୍ଲା ମେଡିକାଲ୍&zwnj;କୁ ସ୍ଥାନାନ୍ତର କରାଯାଇଛି।&nbsp; ବୁର୍ଲାରେ ସେମାନଙ୍କ ଚିକିତ୍ସା ଜାରି ରହିଛି। ଆହତ ୪ଜଣଙ୍କ ମଧ୍ୟରୁ ୨ଜଣଙ୍କ ଅବସ୍ଥା ଗୁରୁତର ରହିଛି।&nbsp; ଅନ୍ୟ ୩ ଆହତ ହେଲେ କାର୍ତ୍ତିକ ନାଗ, ମାଜି ସାହୁ ଓ ଖଗେଶ୍ୱର ମହାମଲ୍ଲିକ।&nbsp; ଆକ୍ରମଣ ସମୟରେ ଦୁର୍ବୃତ୍ତମାନେ ସେମାନଙ୍କ ଉପରକୁ ଗୁଳି ଚଳାଇଥିବା କୁହାଯାଉଛି।</p> <p>ତେବେ କାହିଁକି, କେଉଁ କାରଣରୁ ଏବଂ କେଉଁମାନେ ଆକ୍ରମଣ କରିଛନ୍ତି ସେନେଇ ବର୍ତ୍ତମାନ ସୁଦ୍ଧା ସ୍ପଷ୍ଟ ହୋଇନାହିଁ। &nbsp;ପୋଲିସ ଏହି ଘଟଣାରେ ୩ଜଣଙ୍କୁ ଅଟକ ରଖି ତଦନ୍ତ ଜାରି କରିବା ସହ ଘଟଣାସ୍ଥଳରୁ ଗୋଟିଏ ଅଫୁଟା ଗୁଳି ସହ ୨ଟି ଖୋକା ଜବତ କରିଛି।</p> <p>ଅନ୍ୟପକ୍ଷରେ, ଏହି ଆକ୍ରମଣ ପଛରେ ବିଜେପି କର୍ମୀଙ୍କ ହାତ ରହିଥିବା ବିଜେଡି ମୁଖପାତ୍ର&nbsp; ପ୍ରତାପ ଦେବ ଅଙ୍ଗୁଳି ନିର୍ଦ୍ଦେଶ କରିଛନ୍ତି। କାଲି ସାମ୍ୱାଦିକ ସମ୍ମିଳନୀରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ସୁଶାନ୍ତ ସିଂହଙ୍କୁ ଟାର୍ଗେଟ କରିଥିଲେ। ବିଜେପି ଔଷଧ ବିକଳରେ ତାଟିଆ କାମୁଡୁଛି। ବିଜେପୁରରେ ପରାଜୟ ଭୟରେ ବିଜେପି ଏପରି କରିଛି ବୋଲି ପ୍ରତାପ ଅଭିଯୋଗ କରିଛନ୍ତି।</p>