Relationship Official: ପୂର୍ବତନ ପ୍ରଧାନମନ୍ତ୍ରୀଙ୍କ ହଲିଉଡ ପ୍ରେମିକା, ପ୍ୟାର ଇସ୍କ ଔର ମହୋବତ୍....କେବେ ପ୍ୟାରିସ ତ କେବେ ସମୁଦ୍ର ମଝିରେ ଚୁମ୍ବନ

ହଲିଉଡ ଜଗତରୁ ଏକ ବଡ଼ ଖବର ସାମନାକୁ ଆସିଛି । ଏହି ଖବର ପପ୍ ସେନ୍ସେସନ୍ କାଟି ପେରୀ (Katy Perry) ଓ କାନାଡ଼ାର ପୂର୍ବ ପ୍ରଧାନମନ୍ତ୍ରୀ ଜଷ୍ଟିନ୍ ଟ୍ରୁଡୋ (Justin Trudeau) ସହ ଜଡ଼ିତ। ବିଗତ କିଛି ଦିନ ଧରି ଏହି ଖବର ଆସୁଛି ଯେ କ୍ୟାଟି ପେରୀ କାନାଡ଼ାର ପୂର୍ବ ପ୍ରଧାନମନ୍ତ୍ରୀଙ୍କୁ ଡେଟ୍ କରୁଛନ୍ତି। 

ନିକଟରେ କାଟି ପେରୀ ନିଜର ଜନ୍ମଦିନକୁ ସେଲିବ୍ରେଟ କରିଛନ୍ତି । ଏହି ଅବସରରେ କାଟି ପେରୀଙ୍କ ଜନ୍ମଦିନର ବିଶେଷ ମୁହୂର୍ତ୍ତରେ ବିଶ୍ୱବ୍ୟାପୀ ପ୍ରଶଂସକମାନେ ତାଙ୍କୁ ବହୁତ ଶୁଭେଚ୍ଛା ଜଣାଇଛନ୍ତି। ଅନ୍ୟପକ୍ଷରେ ଜଷ୍ଟିନ୍ ଟ୍ରୁଡୋଙ୍କ ପାଇଁ ମଧ୍ୟ କାଟିଙ୍କ ଏହି ଦିନ ଅତ୍ୟନ୍ତ ଖାସ ଥିଲା । ଉଭୟ ସାର୍ବଜନୀନ ଭାବେ ପ୍ରଥମ ଥର ଏକାଠି ଦେଖାଯାଇଛନ୍ତି। ଏବେ ଉଭୟଙ୍କୁ ଏକାଠି ଆସିବା ପରେ କୁହାଯାଉଛି ଯେ ଉଭୟ ନିଜର ସମ୍ପର୍କ ଉପରେ ମୋହର ମାରିଛନ୍ତି। 

ଶନିବାର ଦିନ କାଟି ପେରୀ ଓ ଟ୍ରୁଡୋ ପ୍ୟାରିସର ଲୋକପ୍ରିୟ କ୍ରେଜି ହର୍ସ କ୍ୟାବରେଟ ଶୋ’ରୁ ବାହାରକୁ ଏକାଠି ଆସିଥିଲେ। ଯେତେବେଳେ ଉଭୟ ବାହାରକୁ ଆସିଥିଲେ, ଲୋକମାନେ ସେମାନଙ୍କୁ ଘେରି ନେଇଥିଲେ। ଏହା ବ୍ୟତୀତ ପାପାରାଜିଙ୍କ କ୍ୟାମେରା ମଧ୍ୟ ଉଭୟଙ୍କୁ ଘେରି କ୍ଲିକ୍ କରିବା ଆରମ୍ଭ କରିଦେଇଥିଲେ। ଏହି ସମୟରେ ଜଷ୍ଟିନ୍ ଟ୍ରୁଡୋ ନିଜର ଲେଡି ଲଭ୍ କାଟି ପେରୀଙ୍କ ହାତ ଧରିଥିଲେ । ଏହା ବ୍ୟତୀତ ଜଣେ ଫ୍ୟାନ୍ କାଟିଙ୍କୁ ତାଙ୍କର ଜନ୍ମଦିନରେ ଶୁଭେଚ୍ଛା ଜଣାଇ ଗୋଲାପ ଫୁଲ ଦେଇଥିଲେ।

କିଛି ଦିନ ପୂର୍ବରୁ କାଟି ପେରି ଏବଂ ଜଷ୍ଟିନ୍ ଟ୍ରୁଡୋ କାଲିଫର୍ଣ୍ଣିଆର ସାଣ୍ଟା ବାର୍ବରାଠାରେ ତାଙ୍କ ୟାଟରେ ଚୁମ୍ବନ କରିବାର ଦେଖାଯାଇଥିଲେ । ସୋସିଆଲ ମିଡିଆରେ ଏହି ଫଟୋ ଗୁଡିକ ଭାଇରାଲ ହେଉଛି । ଦୁଇଜଣ ସୂର୍ଯ୍ୟକିରଣରେ ଭିଜା ଅପରାହ୍ନର ରୋମାନ୍ସ କରୁଥିବା ଦେଖିବାକୁ ମିଳିଥିଲା ।

ଏହି ରୋମାଣ୍ଟିକ ଫଟୋ ଏହି ଯୋଡିଙ୍କ ମଧ୍ୟରେ ଫାଟ ସୃଷ୍ଟି ହେବାର ରିପୋର୍ଟ ଆସିବାର କିଛି ସପ୍ତାହ ପରେ ଆସିଥିଲା । ପେରି ଏକ ଚିକ୍ କଳା ସୁଇମିଂ ସୁଟ୍ ପିନ୍ଧି, କାଲିଫର୍ଣ୍ଣିଆରେ ସୂର୍ଯ୍ୟ ତଳେ ହସି ହସି ସାର୍ଟଲେସ୍ ଟ୍ରୁଡୋଙ୍କୁ ଆଲିଙ୍ଗନ କରୁଥିବା ସମୟରେ କିସ୍ କରୁଥିବାର ଦେଖାଯାଇଥିଲେ । 

ଜଣେ ଦେଖଣାହାରୀ କହିଛନ୍ତି ମୁଁ ମୋ ବୋଟକୁ ନେଇ ସେହି ୟାଟ ପାଖରେ ରଖିଥିଲି । ହଠାତ ୨ଜଣ ବାହାରକୁ ଆସି ରୋମାନ୍ସ କରିବାକୁ ଲାଗିଲେ । ଟାଟୁ ଦେଖିବା ପରେ ମୁଁ ଜାଣିଲି ଯେ ସେମାନେ ପପ୍ ଆଇକନ୍ କେଟି ପେରି ଏବଂ ପୂର୍ବତନ କାନାଡା ପ୍ରଧାନମନ୍ତ୍ରୀ ଜଷ୍ଟିନ୍ ଟ୍ରୁଡୋ । ସେହି ସମୟରେ ହିଁ ଫଟୋ କ୍ଲିକ ହୋଇଛି ।

Former Canadian PM Justin Trudeau is officially dating pop star Katy Perry, with the couple spotted kissing on her yacht off Santa Barbara. ✨ #LisLovepic.twitter.com/9YLOeGuXVo

— Lis Lopes (@lislopees1) October 12, 2025

ଜୁଲାଇ ମାସରେ ମଣ୍ଟ୍ରିଆଲରେ ଏକାଠି ଭୋଜନ କରୁଥିବାର ଦେଖାଯିବା ପରେ ପ୍ରଥମେ ଗୁଜବ ସୃଷ୍ଟି କରିଥିଲେ। ପରେ ଟ୍ରୁଡୋ ପେରିଙ୍କ କାନାଡାରେ 'ଲାଇଫଟାଇମ୍ସ' ଟୁରରେ ଯୋଗ ଦେଇଥିଲେ, ଯାହା ଚର୍ଚ୍ଚାକୁ ଆହୁରି ଖୋରାକ ଯୋଗାଇଥିଲେ । 

ଉଭୟଙ୍କ ପାଇଁ ନୂତନ ଆରମ୍ଭ

ପେରି, ଯିଏ ଜୁନ୍ 2025 ରେ ଅଭିନେତା ଅର୍ଲାଣ୍ଡୋ ବ୍ଲୁମ୍ ସହିତ ତାଙ୍କର ଦୀର୍ଘ ନିର୍ବନ୍ଧ ସମାପ୍ତ କରିଥିଲେ । ସେ 2020 ରେ ଜନ୍ମିତ ତାଙ୍କ ଝିଅ ଡେଜି ଡୋଭଙ୍କୁ ସହ ସମୟ ବିତାଉଛନ୍ତି । ଟ୍ରୁଡୋ 18 ବର୍ଷର ବିବାହ ପରେ ଅଗଷ୍ଟ 2023 ରେ ପତ୍ନୀ ସୋଫି ଗ୍ରେଗୋଇର୍ ଟ୍ରୁଡୋଙ୍କଠାରୁ ଅଲଗା ହୋଇଯାଇଥିଲେ। ପୂର୍ବତନ ଦମ୍ପତିଙ୍କର ତିନୋଟି ସନ୍ତାନ ଅଛନ୍ତି ଜାଭିୟର (17), ଏଲା-ଗ୍ରେସ୍ (16) ଏବଂ ହାଡ୍ରିଏନ୍ (11)।