A Deadly Looting Duo: ଶ୍ବଶୁର ଜ୍ବାଇଁ ଲୁଟ୍ କରୁଥିଲେ ଘାଇଁଘାଇଁ ... ଛତିଶଗଡ଼ରୁ ଆରେଷ୍ଟ କଲା ବଲାଙ୍ଗିର ପୋଲିସ

ଶ୍ୱଶୁର-ଜ୍ୱାଇଁଙ୍କ କାଣ୍ଡ କାରନାମା । ବେଧଡକ୍ ଚଳାଇଥିଲେ ଲୁଟ୍ । ରେକି କରନ୍ତି , ଟାର୍ଗେଟ ଫିକ୍ସଡବି କରନ୍ତି । ସୁଯୋଗ ଦେଖି ଲୁଟି ନିଅନ୍ତି । ହେଲେ ଟେର୍ ପାଉନଥିଲା ପୋଲିସ । ତେବେ କେମିତି ପୋଲିସ ପଞ୍ଝାରେ ପଡିଲେ ଲୁଟେରା ଶ୍ୱଶୁର-ଜ୍ୱାଇଁ ? ଲୁଟେରା ଗ୍ୟାଙ୍ଗକୁ ଧରିବା ପାଇଁ ବଲାଙ୍ଗିର ପୋଲିସ କେମିତି କରିଥିଲା କସରତ?

ପ୍ରମୋଦ ସିଂ ନାଥ ଓ ପ୍ରିନ୍ସ ସିଂ ଉଭୟ ସମ୍ପର୍କରେ ଶ୍ବଶୁର-ଜ୍ବାଇଁ ।  ପ୍ରିନ୍ସ ବିହାରର ମୂଳ ବାସିନ୍ଦ ହୋଇଥିଲେ ବି, ପ୍ରମୋଦ ସିଂଙ୍କ ଘରେ ରହୁଥିଲା । ଭଭୟ ଗୋଟିଏ ଘରେ ରହି ପ୍ଲାନିଂ କରି ଲୁଟ୍ କରୁଥିଲେ । ବ୍ୟାଙ୍କ ଆଗରେ ଏମାନେ ରେକି କରନ୍ତି । ଗାଡ଼ି ଡିକିରେ ଟଙ୍କା ନେଉଥିବା ଲୋକଙ୍କୁ ପିଛାକରନ୍ତି । ବାସ୍, ତାପରେ ଟାର୍ଗେଟ ଫିକ୍ସଡ । ଲୋକଙ୍କ ନିକଟରୁ ଟଙ୍କା ଲୁଟି ଶ୍ବଶୁର ଜ୍ବାଇଁ ଫେରାର ମାରନ୍ତି । କିନ୍ତୁ ଏମାନଙ୍କୁ ସି.ସି.ଟିଭି ଫୁଟେଜ ଧରାପକାଇ ଦେଇଛି ।

ବ୍ୟାଙ୍କ ଆଗରେ ରେକି କରନ୍ତି । ଟଙ୍କା କାଢି ଡିକିରେ ରଖି ଯିବା ଲୋକଙ୍କୁ ପିଛା କରନ୍ତି ।  ବାସ୍, ତାପରେ ଟାର୍ଗେଟ ଫିକ୍ସଡ । ଅନ୍ୟଏକ ସି.ସି.ଟିଭି ଫୁଟେଜରେ ସ୍ପଷ୍ଟ ଜଣାପଡୁଛି, କେମିତି ସ୍କୁଟିର ଡିକିରୁ ଟଙ୍କା କାଢି ସମାନ ଢଙ୍ଗରେ ଶ୍ୱଶୁର ସହିତ ଫେରାର ଜ୍ୱାଇଁ । ଜ୍ୱାଇଁ ପ୍ରିନ୍ସ ସିଂ ଯାଇ ଡିକିକାଟି ଟଙ୍କା କାଢେ । ଆଉ ଟିକେ ପରେ ଶ୍ୱଶୁର ବାଇକରେ ଆସି ଜ୍ୱାଇଁକୁ ଧରି ଫେରାର ମାରେ । ଦୀର୍ଘ ଦିନ ଧରି ଓଡିଶାରେ ଏଭଳି  ଲୁଟ୍ କରୁଥିଲେ ଶ୍ୱଶୁର ଜ୍ୱାଇଁ ।                                       

କେବଳ ଡିକି କାଟି ଲୁଟ କରିବାରେ ଏମାନେ ସୀମିତ ନଥିଲେ । ଏମାନଙ୍କ ଲୁଟର ଫଣ୍ଡା ବି ଥିଲା ପୂରା ଅଲଗା । ଲୁଟ କଲା ପରେ, ତୁରନ୍ତ ଲୁଟ ଟଙ୍କାକୁ ନିକଟରେ ଥିବା ଏସ.ବି.ଆଇ ଏ.ଟି.ଏମରେ ନିଜ ସଂର୍ପକୀୟଙ୍କ ଆକାଉଣ୍ଟରେ  ଡିପୋଜିଟ କରୁଥିଲେ । କାରଣ ପୋଲିସ ନାକାବନ୍ଦୀ କରି ଧରିଲେ ବି ଟଙ୍କା ପାଇବ ନାହିଁ । 
ଏପରିକି ଧରା ପଡିଯିବା ଭୟରେ ଏମାନେ ମୋବାଇଲ ବି ବ୍ୟବହାର କରନ୍ତି ନାହିଁ । କାରଣ ଏମାନଙ୍କ ଲୁଟ୍ର ତରିକା ଥିଲା ନିଆରା ! ତେବେ ମୋବାଇଲ ଧରୁନଥିବାରୁ, ଧରାପଡୁନଥିଲେ ଏହି ଲୁଟେରା ଗ୍ୟାଙ୍ଗ । କିନ୍ତୁ ସି.ସି.ଟିଭି ଫୁଟେଜରୁ ଜଣାପଡିଲା ଚେହେରା ।  

ଦୀର୍ଘ ଚାରିମାସ ଧରି କସରତ କରିଥିଲା ବଲାଙ୍ଗିର ପୋଲିସ । ଶେଷରେ କଣ୍ଟାବାଂଜିର ପର୍ଶୁରାମ ଛକ ନିକଟରେ ଡେରା ପକାଇ, ବଲାଙ୍ଗିର, କଳାହାଣ୍ଡି ନୂଆପଡରେ ଲୁଟ କରୁଥିବା ଜାଣିପାରିଥିଲା ପୋଲିସ । ଆଉ ଏବେ ଛତିଶଗଡ ରାଜ୍ୟ ରାୟଗଡ ଜିଲ୍ଳା କୋପୁ ଥାନା ଅଂଚଳରୁ ଶ୍ୱଶୁର ଜ୍ୱାଇଁଙ୍କୁ ଗିରଫ କରିଥିଲେ ବି ଫେରାର ମାରିଛି ଅନ୍ୟ ଏକ ସହଯୋଗୀ । କିନ୍ତୁ ପୋଲିସର ସୂଚନା ଅନୁଯାୟୀ, ଏମାନେ ଛତିଶଗଡର ହୋଇଥିଲେ ବି, ନିଜ ରାଜ୍ୟରେ କୌଣସି ଅପରାଧ କରୁନଥିଲେ । ଓଡିଶା ଥିଲା ଏମାନଙ୍କ ଅପରାଧ ହବ ।  ତେଣୁ ସାଧାରଣ ଲୋକଙ୍କୁ ବଲାଙ୍ଗିର ଏସ୍.ପିଙ୍କ ଅନୂରୋଧ, ବ୍ୟାଙ୍କରୁ ଟଙ୍କା କାଢି ଆସିବା ସମୟରେ ସତର୍କ ରୁହନ୍ତୁ ।