Jatra Party Vehicle Overturns: ଘାଟିରେ ଓଲଟିଲା ଯାତ୍ରା ପାର୍ଟି ଗାଡ଼ି, ଛିଟିକି ହୋଇ ପଡ଼ିଲେ ୮ କଳାକାର

ନବରଙ୍ଗପୁର ଚନ୍ଦାହାଣ୍ଡି ଘାଟିରେ ଓଲଟିଲା ଯାତ୍ରା ପାର୍ଟି ଗାଡ଼ି। ଭ୍ୟାନଟି ସଂପୂର୍ଣ୍ଣ ଚୁରମାର ହୋଇ ୮ ଜଣ ଆହତ ହୋଇଛନ୍ତି । ଯାତ୍ରା କରି ସାରି ରାଇଘର ବ୍ଲକ ମୁଣ୍ଡିବେଡ଼ା ଗାଁରୁ ଫେରିବା ବେଳେ ଦୁର୍ଘଟଣା ଘଟିଛି।

ଆଜି ସକାଳେ ଝରିଗାଁ-ଚନ୍ଦାହାଣ୍ଡି ଘାଟିରେ କଳାକାରଙ୍କୁ ନେଇ ଯାଉଥିବା ଗାଡି ଭାରସାମ୍ୟ ହରାଇ ଓଲଟି ପଡ଼ିଥିଲା। ଗାଡି ଦୁର୍ଘଟଣା ପରେ ସମ୍ପୂର୍ଣ୍ଣ ଚେପା ହୋଇ ଯାଇଛି। ଘାଟିରେ ବ୍ରେକ ଫେଲ ହୋଇ ଗାଡି ଦୁର୍ଘଟଣା ହୋଇଥିବା କୁହାଯାଇଛି।

ଦୁର୍ଘଟଣା ପରେ ଗାଡ଼ିରେ ବସିଥିବା ୮ ଜଣ କଳାକାର ଛିଟିକି ହୋଇ ରାସ୍ତା ଉପରେ ପଡ଼ିଥିଲେ। ସେହି ରାସ୍ତା ଦେଇ ଯାଉଥିବା କିଛି ଲୋକ ଦୁର୍ଘଟଣା ଦେଖି ଆମ୍ବୁଲାନ୍ସ ଯୋଗେ ଆହତମାନଙ୍କୁ ଚନ୍ଦାହାଣ୍ଡି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ। 

ଘାଟିରେ ଓଲଟିଲା ଯାତ୍ରା ପାର୍ଟି ଗାଡ଼ି
ଭ୍ୟାନ୍ ସଂପୂର୍ଣ୍ଣ ଚୁର୍ ମାର୍ 
ଦୁର୍ଘଟଣାରେ ୮ ଆହତ 
ଯାତ୍ରା କରି ଫେରିବା ବେଳେ ଦୁର୍ଘଟଣା
ଗାଁରୁ ଫେରିବା ବେଳେ ଦୁର୍ଘଟଣା