Back-To-Back: ବଙ୍ଗୋପସାଗରରେ ସୃଷ୍ଟି ହେଲା ବାତ୍ୟା ‘ଡିଟୱା’ ...ଦକ୍ଷିଣ ଓ ଉପୂକଳ ଓଡ଼ିଶାରେ ବର୍ଷା ଆଶଙ୍କା

୨୪ ଘଣ୍ଟାରେ ସେକେଣ୍ଡ ସାଇକ୍ଲୋନ୍ । ବଙ୍ଗୋପସାଗରରେ ପୁଣି ସୃଷ୍ଟି ହେଲା ବାତ୍ୟା । ମାଲାକ୍କା ପ୍ରଣାଳୀରେ ସୃଷ୍ଟ ବାତ୍ୟା ସେନୟାର ଦୁର୍ବଳ ହୋଇ ଅବପାତରେ ପରିଣତ ହୋଇସାରିଥିବା ବେଳେ ଦକ୍ଷିଣ ପଶ୍ଚିମ ବଙ୍ଗୋପସାଗର ସଂଲଗ୍ନ ଶ୍ରୀଲଙ୍କା ଉପକୂଳରେ କେନ୍ଦ୍ରୀଭୂତ ଗଭୀର ଅବପାତ ଆଜି ବାତ୍ୟାର ରୂପ ନେଇଛି । ଡିଟୱା ନାଁରେ ନାମିତ ଏହି ବାତ୍ୟା  ଦକ୍ଷିଣ ଦକ୍ଷିଣ ପୂର୍ବ ଦିଗରେ ଚେନ୍ନାଇଠାରୁ ୭୦୦ କିଲୋମିଟର ଏବଂ ପୁଡୁଚେରୀଠାରୁ ୬୧୦ କିଲୋମିଟର ଦୂରରେ ରହିଛି । କ୍ରମେ ଏହା ଉତ୍ତର ଉତ୍ତର ପଶ୍ଚିମ ଦିଗକୁ ଗତି କରି ଆସନ୍ତା ୩୦ ତାରିଖ  ସୁଦ୍ଧା ଏହା ଉତ୍ତର ତାମିଲନାଡୁ-ପୁଡୁଚେରୀ-ଦକ୍ଷିଣ ଆନ୍ଧ୍ର ଉପକୂଳରେ ପହଞ୍ଚିବ ।  ଭାରତ କିମ୍ବା ଓଡ଼ିଶା ଉପରେ କୌଣସି ପ୍ରଭାବ ପକାଇ ପାରି ନ ଥିଲା ବାତ୍ୟା ସେନୟାର । ତେବେ ବାତ୍ୟା ଡିଟୱାର ପ୍ରଭାବ  ଓଡ଼ିଶା ଉପରେ ପଡିବ ? ପାଣିପାଗ ବିଭାଗର ସୂଚନା ଅନୁସାରେ, ବାତ୍ୟା ପ୍ରଭାବରେ ଶ୍ରୀଲଙ୍କା ସହ ତାମିଲନାଡୁ, 
ପୁଡୁଚେରୀ ଏବଂ ଦକ୍ଷିଣ ଆନ୍ଧ୍ରପ୍ରଦେଶରେ ଭୀଷଣ ବର୍ଷା ହେବ । ଓଡିଶାରେ ଏହାର ପ୍ରଭାବ ରହିବା ସମ୍ଭାବନା କମ୍ ।  ତେବେ ଦକ୍ଷିଣ ଓ ଉପୂକଳବର୍ତ୍ତୀ ଓଡ଼ିଶାରେ ପାଗ ମେଘୁଆ ରହିପାରେ ।

ପାଖାପାଖି ମାସେ ତଳେ ବାତ୍ୟା ମୋନ୍ଥା ପ୍ରଭାବରେ ଓଡ଼ିଶାର ବିଭିନ୍ନ ସ୍ଥାନରେ ଭୀଷଣ ବର୍ଷା ହୋଇଥିଲା । ଏଥିଯୋଗୁଁ ଚାଷ କାର୍ଯ୍ୟ ପ୍ରଭାବିତ ହୋଇଥିଲା । ଯଦିଓ ବାତ୍ୟା ଡିଟୱା ଓଡ଼ିଶାର ପାଗକୁ  ପ୍ରଭାବିତ କରିବା ଆଶା କମ୍ ତଥାପି ଚାଷୀ ଭୟଭୀତ ହୋଇପଡ଼ିଛି । ଏ ଦୃଶ୍ୟ ପୁରୀ ଜିଲ୍ଲା ପିପିଲି ଓ କୋଣାର୍କ ଅଞ୍ଚଳର (ଡବଲ ୱିଣ୍ଡୋ ହେବ) ।  ସମ୍ଭାବ୍ୟ ବର୍ଷା ଆଶଙ୍କାରେ ତରତର କରି ଧାନ ଅମଳ କରୁଛନ୍ତି ଚାଷୀମାନେ । କିଏ ମେସିନ ଲଗାଇ ବିଲରୁ ଧାନ କାଟି ନେଉଛନ୍ତି ତ କିଏ ଧାନ ବୋହି ଆଣି ଘରକୁ ଆଣୁଛନ୍ତି । କୋରାପୁଟ ଜିଲ୍ଲା ଲକ୍ଷ୍ମୀପୁରରେ ମଧ୍ୟ ସମାନ ସ୍ଥିତି ।

ସେପଟେ ଆସନ୍ତା ୭ ଦିନ ପର୍ଯ୍ୟନ୍ତ ରାଜ୍ୟରେ ବର୍ଷା ସମ୍ଭାବନା ନ ଥିବା ବେଳେ ପୁଣି ଥରେ ଶୀତ ଫେରିଛି ।  ୧୦ ଡିଗ୍ରୀ ତଳେ ୬ ସ୍ଥାନ ରହିଛି । ଭୁବନେଶ୍ବର ପାଣିପାଗ ବିଭାଗର ସୂଚନା ଅନୁସାରେ, ଆସନ୍ତା ୨ ଦିନ ପର୍ଯ୍ୟନ୍ତ ରାଜ୍ୟର ରାତିର ସର୍ବନିମ୍ନ ତାପମାତ୍ରା ୨ରୁ ୩ ଡିଗ୍ରୀ ହ୍ରାସ ପାଇବ ।