ଦୁର୍ଗ ପତନ ପରେ ବିଜେଡିରେ ଘମାସାନ୍ !

ସତ୍ତାରୁ ହଟିଲା ବିଜେଡି । ବରିଷ୍ଠ ଓଗାଳିଲେ ବିଷ । ନିଶାନା ସାଧିଲେ ଶୀର୍ଷ ନେତୃତ୍ୱକୁ । କହିଲେ ନିର୍ବାଚନ ପରିଚାଳନାରେ ତ୍ରୁଟି ପାଇଁ ଆଜି ଏଭଳି ଅବସ୍ଥା। ବରିଷ୍ଠ ନେତା ତଥା ପୂର୍ବତନ ମନ୍ତ୍ରୀ ଶଶିଭୂଷଣ ବେହେରା କହିଛନ୍ତି, ନିର୍ବାଚନ ପରିଚାଳନାରେ ବରିଷ୍ଠମାନଙ୍କୁ ଦୂରେଇ ରଖାଗଲା । ଯାହାକି ସାଧାରଣରେ ଗ୍ରହଣ ଯୋଗ୍ୟ ହେଲାନି । ଯେଉଁଥିପାଇଁ ବିଜେଡି ପରାଜିତ ହୋଇଛି । ସେହିପରି ବରିଷ୍ଠ ବିଜେଡି ନେତା ତଥା ରେଢାଖୋଲରୁ ନିର୍ବାଚିତ ହୋଇଥିବା ପ୍ରସନ୍ନ ଆଚାର୍ଯ୍ୟ ମଧ୍ୟ ପରୋକ୍ଷରେ ବାଣ ମାରିଛନ୍ତି । କହିଛନ୍ତି, ଦଳର ପରାଜୟର ସମୀକ୍ଷା ହେବ, ଆତ୍ମ ସମୀକ୍ଷା ବି ହେବ । ଆମେ ଏକଛତ୍ରବାଦ ଶାସନରେ ନାହୁଁ । ଗଣତନ୍ତ୍ରରେ ଲୋକେ ହିଁ ସବୁଠୁ ବଡ଼ ।

Published By: Santosh Kumar Sahoo

Last updated: 06 June 2024, 10:24 PM IST