କଂଗ୍ରେସ ରଖିପାରିବ ତ ଜଟଣୀ ସିଟ୍ ?

ସୁରଙ୍କ ପରେ ଜଟଣୀରେ କିଏ ? କଂଗ୍ରେସ ରଖିପାରିବ ତ ଜଟଣୀ ସିଟ୍ ? ନା ଦାଦା-ପୁତୁରା କଳିରେ ହାତ ହାତରୁ ଖସିଯିବ ଜଟଣୀ ? କାରଣ କଂଗ୍ରେସର ଜଟଣୀ ଅଙ୍କ ଏବେ ଭାରି ଜଟିଳ । ଗତକାଲି ସୁରଙ୍କ ବଡ଼ ପୁଅ ସିଦ୍ଧାର୍ଥ ରାଉତରାୟ, କିଛିଦିନ ତଳେ ବିଜେପିରେ ସାମିଲ ହୋଇଥିବା ସନ୍ତୋଷ ଜେନାଙ୍କୁ ନେଇ କଂଗ୍ରେସ ଭବନରେ ପହଞ୍ଚିଥିଲେ । ସନ୍ତୋଷଙ୍କୁ କଂଗ୍ରେସରେ ସାମିଲ୍ କରିବାକୁ ମିଶ୍ରଣ ପର୍ବର ଆୟୋଜନ ହୋଇଥିଲା । ଜଟଣୀରୁ ଆଶାୟୀ ଥିବା ସନ୍ତୋଷ, ବିଜେପି ଟିକେଟ ପାଇ ନ ଥିବାରୁ କଂଗ୍ରେସରୁ ଟିକେଟ ନେଇ ଲଢିବାକୁ ପ୍ରୟାସ କରିଥିଲେ। ସୁରଙ୍କ ବଡ଼ ପୁଅ ସିଦ୍ଧାର୍ଥଙ୍କ ଏଥିରେ ସମର୍ଥନ ରହିଥିଲା । ମାତ୍ର କଂଗ୍ରେସ ଭବନରେ ହଙ୍ଗାମା କରି ମିଶ୍ରଣ ପର୍ବକୁ ଭଣ୍ଡୁର କରିଦେଇଥିଲେ ସୁରଙ୍କ ପୁତୁରା ତଥା ଟିକେଟ ଆଶାୟୀ ସଂଗ୍ରାମ ରାଉତରାୟ । ଏପରିକି ସୁରଙ୍କ ପୁଅ ଓ ପୁତୁରା ମୁହାଁମୁହିଁ ହେଇଯାଇଥିଲେ ।

Published By: Santosh Kumar Sahoo

Last updated: 09 April 2024, 10:17 PM IST