ତୃତୀୟ ପର୍ଯ୍ୟାୟ ପରେ ବଢ଼ିଲା ସିଟ୍ ଦଖଲ ଦମ୍ଭୋକ୍ତି

ସରିଲା ତୃତୀୟ ପର୍ଯ୍ୟାୟ ନିର୍ବାଚନ । ଆରମ୍ଭ ହେଲା ବୟାନବାଜି । ବିଜେଡି ସୁପ୍ରିମୋ, ଗତକାଲି ରାଜ୍ୟରେ ସ୍ଥିର ସରକାର ଗଠନ ନେଇ ମନ୍ତବ୍ୟ ଦେବା ପରେ ତେଜିଲା ରାଜନୀତି । ଅନେକ ବିଦ୍ରୋହ ଓ ବିରୋଧୀ ହାୱା ଥିଲେ ବି ନବୀନ କିନ୍ତୁ ବେଶ୍ କନ୍ଫିଡେଣ୍ଟ । କିନ୍ତୁ ବିଜେପି କହିଛି, ଲୋକେ ମନ ବଦଳାଇ ସାରିଛନ୍ତି । ଦୁଇ ତୃତୀୟାଂଶ ସିଟ୍ ଦଖଲ କରି ରାଜ୍ୟରେ ଗଠନ ହେବ ବିଜେପି ସରକାର । ରାଜ୍ୟରେ ବଢୁଥିବା ମୋଦିଙ୍କ ଲୋକପ୍ରିୟତା ବିଜେପିକୁ ବଳ ଯୋଗାଇଛି। ଖାଲି ସେତିକି ନୁହେଁ ପ୍ରଧାନମନ୍ତ୍ରୀଙ୍କ ସମେତ ଶାହ, ନଡ୍ଡାଙ୍କ ଭଳି ମାଳ ମାଳ କେନ୍ଦ୍ରୀୟ ନେତାଙ୍କ ଗସ୍ତ ଓ ପ୍ରଚାର ଗେମ୍ ଚେଞ୍ଜର ହୋଇପାରେ। ଏପେଟେ ବିଜେପି ଓ ବିଜେଡିର ସରକାର ଗଠନ ପାଇଁ ସଂଖ୍ୟା ବୟାନ ବାଜିକୁ କଡ଼ା ସମାଲୋଚନା କରିଛି କଂଗ୍ରେସ୍ । ଏ ଦୁଇ ଦଳକୁ ଲୋକେ ଜବାବ୍ ଦେବେ ବୋଲି ମତ ରଖିଛି କଂଗ୍ରେସ ।