ପରିବା ଦର ଶୁଣିଲେ ମୁଣ୍ଡ ଝାଇଁ ମାରିଯାଉଛି ! ଯାହା କିଣିବ ୮୦ ଉପରେ...

ଅମୂଲ ମୂଲ ପନିପରିବା। ବଜାର କରିବାକୁ ଗଲେ ଦର ଶୁଣି ଝାଇଁ ମାରିଯାଉଛି ଖାଉଟି ମୁଣ୍ଡ। ରାଜ୍ୟ ତମାମ୍ ଏହି ଅବସ୍ଥା। ପାଇକାରୀ ଠାରୁ ଆରମ୍ଭ କରି ଖୁଚୁରା ବଜାର ଯାଏଁ, ସବୁଠି ପରିବା ଦର ଉଚ୍ଚା। ବ୍ୟବସାୟୀ ବି ନାଚାର। କଞ୍ଚା ପରିବା ଯୋଗାଣରେ ନିଅଣ୍ଟିଆ ପରିସ୍ଥିତି ପାଇଁ ଏବେ ଦର ଉପର ମୁହାଁ ହୋଇଛି। ବ୍ୟବସାୟୀମାନେ ବି ମୁଣ୍ଡରେ ହାତ ଦେଇ ବସିଲେଣି । କାରଣ ଜୀବନ କାଳରେ କେବେ ଏଭଳି ଦର ଶୁଣି ନଥିଲେ ।