ବୋଲ ମାନୁନି ବନାଗ୍ନି; ଏ ଜଙ୍ଗଲରୁ ସେ ଜଙ୍ଗଲକୁ ମାଡ଼ି ଚାଲିଛି ନିଆଁ

ଦେଶର ବିଭିନ୍ନ ସ୍ଥାନରେ କେଉଁଠି ନା କେଉଁଠି ଜଙ୍ଗଲରେ ନିଆଁ ଲାଗୁଛି । ଆଜି ୫୭୦ଟି ସ୍ଥାନରେ ଜଳୁଛି ଜଙ୍ଗଲ(Forest fire) । ଯେଉଁଥିରୁ ସର୍ବାଧିକ ୧୪୨ଟି ଅର୍ଥାତ୍ ପ୍ରାୟ ୨୫ ପ୍ରତିଶତ କେବଳ ଓଡ଼ିଶାରେ । ଏଣେ ଜଙ୍ଗଲ ନିଆଁ ରୋକିବାକୁ ପିସିସିଏଫ୍ ବି ହାତ ଟେକିଦେଲେଣି, କହିଛନ୍ତି କେବଳ ବର୍ଷା ହିଁ ଭରସା । ତେବେ ୯୩ ପ୍ରତିଶତ ଜଙ୍ଗଲ ନିଆଁ ଆୟତ୍ତ କରାଯାଇଥିବା କହୁଛନ୍ତି । ପରିବେଶବିତଙ୍କ ଉଦବେଗ ନିଆଁ ଲିଭାଇବା ନୁହେଁ ନିଆଁ କେମିତି ନଲାଗିବ ତାକୁ ପ୍ରାଥମିକତା ଦିଅନ୍ତୁ ସରକାର ।