ଜୀବନ କ’ଣ ଜାଣିବା ଆଗରୁ ଏତେ ଯେ ଯନ୍ତ୍ରଣା

ମରଣର ଅନ୍ଧାରୀ ବୋରୱେଲରୁ ଜୀବନ ନେଇ ଫେରିଆସିଥିବା ସେହି ନବଜାତକୁ ଏବେ କିଏ କହୁଛି ବିଜୁଳି କନ୍ୟା ତ ଆଉ କିଏ କହୁଛି ଭାଗ୍ୟବତୀ । ଜନ୍ମ କରିଥିବା ପିଶାଚିନୀ ମା’ ସିନା ପର କରିଦେଲା, ହେଲେ କୋଳେଇ ନେଇଥିବା ଧରିତ୍ରୀ ଜୀବନ୍ତ ଧରାଇଦେଲା ଦେବଦୂତ ସାଜିଥିବା ଉଦ୍ଧାରକାରୀ ଟିମ୍ ହାତରେ । ୨ ଦିନର ଏହି ଶିଶୁକନ୍ୟା ଏବେ ମେଡ଼ିକାଲରେ ଚିକିତ୍ସାଧୀନ । ହେଲେ କିଏ ସେହି ନିର୍ଦ୍ଦୟୀ ମହିଳା, କିଏ ସେହି ନୃଶଂସ ପୁରୁଷ ? ନିଜ ଔରସରୁ ଜନ୍ମଦେବା ପରେ ବି କଅଁଳ ପିଲାର କାହିଁକି ଏଭଳି ଦଶା କଲା ? ମାମଲା ରୁଜୁ କରି ଏବେ ଖୋଳତାଡ଼ କରୁଛି ସମ୍ବଲପୁର ପୋଲିସ ।