ରଙ୍ଗବେରଙ୍ଗର କୋବି ଚାଷ କରି ସଫଳ ଆଦିବାସୀ ପୁଅ ବରୁଣ

ପରିବାର ଲୋକଙ୍କ ମୁହଁରେ ଦାନା ମୁଠାଏ ଦେବା ପାଇଁ ଦିନେ ସେ ବାହାର ରାଜ୍ୟକୁ ଦାଦନ ଖଟିବାକୁ ଯାଇଥିଲେ। ଏବେ ସମୟ ବଦଳିଛି ଏବଂ ନିଜ ଉଦ୍ୟମ କ୍ରମେ ଦାଦନରୁ ପାଲଟିଛନ୍ତି ଜଣେ ସଫଳ ଚାଷୀ । ସବୁଠାରୁ ବଡ କଥା ହେଉଛି, ନିଜର ବୋଲି କୌଣସି ଚାଷ ଜମି ନାହିଁ । ଅନ୍ୟର ଜମିକୁ ଲିଜରେ ନେଇ ବିଭିନ୍ନ ପ୍ରକାର ରଙ୍ଗ ବେରଙ୍ଗ ଫୁଲ କୋବି ଓ ବନ୍ଧା କୋବି ଚାଷ କରି ଚର୍ଚ୍ଚାର କେନ୍ଦ୍ର ବିନ୍ଦୁ ପାଲଟିଛନ୍ତି କନ୍ଧମାଳର ବରୁଣ ପ୍ରଧାନ ।