ସଙ୍କଟରେ କିଆଫୁଲ ଶିଳ୍ପ; ବାହାର ରାଜ୍ୟ ବେପାରୀଙ୍କ ହାତମୁଠାରେ 'କିଆ' ବଜାର

କିଆଫୁଲ ଉତ୍ପାଦନରେ ସାରା ଦେଶରେ ଗଞ୍ଜାମ ଜିଲ୍ଲାର ବେଶ୍ ନାଁ ଡାକ । କୁହାଯାଏ ଦେଶର ପ୍ରାୟ ୮୦ ପ୍ରତିଶତ କିଆଫୁଲ କେବଳ ଗଞ୍ଜାମ ଜିଲ୍ଲାର ୪ଟି ବ୍ଲକରୁ ମିଳେ । ହେଲେ ଦୁର୍ଭାଗ୍ୟ, ସୁବାସିତ ଅତରଠୁ ନେଇ ବିଭିନ୍ନ ଔଷଧ ପ୍ରସ୍ତୁତିରେ ବ୍ୟବହାର ହେଉଥିବା ଗଞ୍ଜାମର କିଆଫୁଲର ବଜାରଟି ବାହାର ରାଜ୍ୟର ବେପାରୀଙ୍କ ହାତରେ ନିୟନ୍ତ୍ରିତ । ତେବେ ନିକଟରେ କିଆଫୁଲ ଚାଷୀଙ୍କ ପାଇଁ ସରକାର ସ୍ୱତନ୍ତ୍ର ଆର୍ଥିକ ସହାୟତା ସାଙ୍ଗକୁ ପ୍ରକ୍ରିୟାକରଣ ୟୁନିଟ୍ କରିବାକୁ ଯୋଜନା କରିଥିଲେ ବି ଏ ଘୋଷଣା ବି ସମୁଦ୍ରକୁ ଶଙ୍ଖେ ବୋଲି ଅଭିଯୋଗ କରିଛି କିଆଫୁଲ ଚାଷୀ ସଂଘ ।