ଗ୍ରୀଷ୍ମ ଆରମ୍ଭରୁ ଅସହ୍ୟ ହେଲାଣି ଜଳକଷ୍ଟ; ଦେଖାଦେଲାଣି ପିଇବା ପାଣି ସମସ୍ୟା

ଗ୍ରୀଷ୍ମ ଆରମ୍ଭରୁ ରାଜ୍ୟରେ ଅସହ୍ୟ ହେଲାଣି ଜଳକଷ୍ଟ । ଉପକୂଳରୁ ଉପାନ୍ତ ସବୁଠି ଦେଖାଦେଲାଣି ପିଇବା ପାଣିର ସମସ୍ୟା । ଆଗକୁ ଏପ୍ରିଲ ଓ ମେ ମାସ ବାକିଥିବା ବେଳେ ଏବେ ମାର୍ଚ୍ଚ ଆରମ୍ଭରୁ କେଉଁଠି ନଳକୂପର ପାଣି ଆସୁନି, ତ କେଉଁ ମରାମତି ଅଭାବରୁ ବିଶୁଦ୍ଧ ପାଣି ପାଉ ନାହାନ୍ତି ଲୋକେ ।

ଆଉ କେଉଁଠି ପାଣି ଟୋପାଏ ପାଇ ପୋଖରୀ ଓ ଝରଣା ପାଣି ଉପରେ ନିର୍ଭର କରୁଛନ୍ତି ଲୋକେ । ଦେଖିବା, କେନ୍ଦ୍ରାପଡ଼ା, ମାଲକାନଗିରି ଓ ରାୟଗଡ଼ା ଜିଲ୍ଲାରୁ ରିପୋର୍ଟ । ଖରା ଦିନ ଆରମ୍ଭରୁ ଅଥୟ କଲାଣି ଜଳ କଷ୍ଟ । ଗାଁ ଗାଁରେ ପିଇବା ପାଣି ଟୋପେ ପାଇଁ ଏବେଠୁ ହେଲାଣି ସଂଘର୍ଷ ।

ଉପକୂଳ କେନ୍ଦ୍ରାପଡ଼ା ଜିଲ୍ଲା ରାଜନଗର ବ୍ଲକ୍ କାହ୍ନୁଆ ଗାଁରେ ୧୦୦ରୁ ଊର୍ଦ୍ଧ୍ୱ ପରିବାର, ହେଲେ ସେମାନଙ୍କ ପିଇବା ପାଇଁ ମାତ୍ର ୪ଟି ନଳକୂପ । ତା ଭିତରୁ ଗୋଟିଏ ନଳକୂପ ମରାମତି ଅଭାବରୁ ପାଣି ତ ଆସୁଛି, କିନ୍ତୁ ଭିଡ଼ କାହିଁରେ କଣ । ଘଣ୍ଟା ଘଣ୍ଟା ଧରି ଧାଡ଼ିରେ ଅପେକ୍ଷା ନକଲେ ବାଲଟିଏ ପାଣି ପାଇବା ମୁସ୍କିଲ ।

Published: Tanmay Kumar Mahalik

Last updated: 12 March 2023, 09:15 PM IST