ଓଟିଭି ଫୋରସାଇଟ-2024ରେ ହେଲା ଘମାଘୋଟ୍ ବିତର୍କ

ଏଥର ସାଧାରଣ ନିର୍ବାଚନରେ କ’ଣ ରହିଛି ମୁଦ୍ଦା । କେଉଁ ପ୍ରସଙ୍ଗ ଭୋଟ୍ ଉପରେ ପ୍ରଭାବ ପକାଇବ, ଏହା ଉପରେ ଓଟିଭି ଫୋରସାଇଟରେ ହୋଇଛି ଘମାଘୋଟ ବିତର୍କ । ପ୍ରମୁଖ ରାଜନୈତିକ ଦଳର ନେତା ନିଜ ମତ ରଖିଛନ୍ତି । ଏଥିସହ ଗଣତନ୍ତ୍ରରେ ମିଡିଆର ଭୂମିକା ଏବଂ ନ୍ୟୁଜର ଭବିଷ୍ୟତ ଉପରେ ମତ ରଖିଛନ୍ତି ଦେଶର ପ୍ରମୁଖ ଗଣମାଧ୍ୟମ ସଂସ୍ଥା ମୁଖ୍ୟ ।

ମୁଣ୍ଡ ଉପରେ ସାଧାରଣ ନିର୍ବାଚନ। ଏଥର ପ୍ରମୁଖ ମୁଦ୍ଦା କଣ ରହିଛି ନିର୍ବାଚନରେ ? ଗ୍ରାମୀଣ ଭାରତର କେଉଁ କେଉଁ ପ୍ରସଙ୍ଗ ଆଗାମୀ ନିର୍ବାଚନରେ ପ୍ରଭାବ ପକାଇବ ? ଗାଁ ଗହଳିରେ ଭୋଟରଙ୍କ ପ୍ରସଙ୍ଗ ଓ ପ୍ରାଥମିକତା ବଦଳିଛି କି ? ସାଧାରଣ ନିର୍ବାଚନ ପୂର୍ବରୁ ଗ୍ରାମାଂଚଳର ବିଭିନ୍ନ ପ୍ରସଙ୍ଗ ଉପରେ ମତ ରଖିଛନ୍ତି କଂଗ୍ରେସ ସାଂସଦ ସପ୍ତଗିରି ଉଲ୍ଲାକା ଏବଂ ରାଜ୍ୟସଭା ସାଂସଦ ତଥା ଶିବସେନା ମୁଖପାତ୍ର ପ୍ରିୟଙ୍କା ଚତୁର୍ବେଦୀ ।