ଏମିତି ଭୟଙ୍କର ପ୍ଲେନ କ୍ରାସ୍, ଖାଉ ଖାଉ ଚାଲିଗଲେ ଡାକ୍ତରୀ ଛାତ୍ର

ସବୁଦିନ ପରି ଗୁରୁବାର ମଧ୍ୟାହ୍ନରେ ବି କଲେଜ କ୍ୟାଣ୍ଟିନରେ ଲଞ୍ଚ କରୁଥିଲେ ଡାକ୍ତରୀ ଛାତ୍ର । ଅଚାନକ ଏୟାର ଇଣ୍ଡିଆ ବିମାନ ଦୁର୍ଘଟଣାଗ୍ରସ୍ତ ହୋଇ କଲେଜ୍ ହଷ୍ଟେଲ ଉପରେ ପଡ଼ିଥିଲା । ଦୁର୍ଘଟଣା ଏତେ ଭୟଙ୍କର ଥିଲା ଯେ ବିଶାଳକାୟ କୋଠାର କାନ୍ଥ ଭାଙ୍ଗି ପଶିଯାଇଥିଲା ବିମାନ । ଚାରିଆଡ଼େ ଭାଙ୍ଗିରୁଜି ଛିନଛତ୍ର । ଖବର ଲେଖା ହେବା ସୁଦ୍ଧା 5 ଜଣ ଡାକ୍ତରୀ ଛାତ୍ରଙ୍କ ମୃତ୍ୟୁ ଘଟିଥିବା ବେଳେ 40ରୁ ଊର୍ଦ୍ଧ୍ୱ ଆହତ ହୋଇଥିଲେ । ସେହିପରି ଭୟରେ କିଛି ଛାତ୍ର ଦୁଇ ମହଲା ଉପରୁ ଡେଇଁ ପଡ଼ିଥିବା ରିପୋର୍ଟ ପ୍ରକାଶ ପାଇଥିଲା ।