/odishatv-khabar/media/media_files/2025/11/28/manmath-routray-2025-11-28-20-21-49.jpg)
Manmath Routray Photograph: (OTV)
ଅକଳରେ ବିଜେଡି ନେତା ମନ୍ମଥ ରାଉତରାୟ। ମହଙ୍ଗା ପଡ଼ିଲା ପ୍ରଧାନମନ୍ତ୍ରୀ ଓ ମୁଖ୍ୟମନ୍ତ୍ରୀଙ୍କ ବିରୋଧରେ ଆପତ୍ତିଜନକ ମନ୍ତବ୍ୟ। ସାଇବର ଥାନାରେ ଏତଲା ପରେ ରୁଜୁ ହେଲା ମାମଲା, ଲାଗିଛି ସଂଗୀନ ଦଫା। ଗତ ନୂଆପଡ଼ା ଉପ-ନିର୍ବାଚନବେଳେ ମନ୍ମଥ କରିଥିବା ତାଚ୍ଛଲ୍ୟ ବିରୋଧରେ ଆଇନର ଆଶ୍ରୟ ନେଇଛି ବିଜେପି ଲିଗାଲ ସେଲ। ମନ୍ମଥଙ୍କ ଉପରେ ଦୃଢ଼ କାର୍ଯ୍ୟାନୁଷ୍ଠାନ ହେଉ ବୋଲି ବିଜେପି ବିଧାୟକ ବାବୁ ସିଂ ଦାବି କରିଥିବାବେଳେ ମନ୍ମଥ କହିଛନ୍ତି ସେ କୋର୍ଟଙ୍କ ଦ୍ୱାରସ୍ଥ ହେବେ।...
ହରଡ଼ ଘଣାରେ ବିଜେଡି ନେତା ମନ୍ମଥ ରାଉତରାୟ । ମହଙ୍ଗା ପଡିଲା ପ୍ରଧାନମନ୍ତ୍ରୀ ଓ ମୁଖ୍ୟମନ୍ତ୍ରୀଙ୍କ ବିରୋଧରେ ଆପତ୍ତିଜନକ ମନ୍ତବ୍ୟ ।
ମନ୍ମଥଙ୍କ ବିରୋଧରେ ସାଇବରେ ଥାନାରେ ଏତଲା । ମାମଲା ରୁଜୁ ହେଲା, ଲାଗିଛି ପାଞ୍ଚ ପାଞ୍ଚଟି ସଂଗୀନ ଦଫା...
ମନ୍ମଥଙ୍କ ଉପରେ ଦୃଢ଼ କାର୍ଯ୍ୟାନୁଷ୍ଠାନ ହେଉ: ବାବୁ ସିଂ
ଗତ ନୂଆପଡ଼ା ଉପନିର୍ବାଚନ ବେଳେ କେମିତି ପ୍ରଧାନମନ୍ତ୍ରୀ ଏବଂ ମୁଖ୍ୟମନ୍ତ୍ରୀଙ୍କ ପ୍ରତି ଅତି ନିଚ୍ଚ ସ୍ତରକୁ ଖସି ଆସି ଆକ୍ଷେପ କରିଥିଲେ ମନ୍ମଥ ।
ଯାହାକୁ ନେଇ ସୋସିଆଲ୍ ମିଡିଆରେ ମନ୍ମଥଙ୍କୁ ଅନେକ ଗାଳିମନ୍ଦ ବି ହୋଇଛି। ଆଉ ଶେଷରେ ଏଭଳି ଆପତ୍ତି ଜନକ ମନ୍ତବ୍ୟକୁ ନେଇ ମନ୍ମଥଙ୍କ ବିରୋଧରେ ସାଇବର ଥାନାର ଦ୍ୱାରସ୍ଥ ହୋଇଥିଲା ବିଜେପି ଲିଗାଲ ସେଲ୍ । ସେହି ଅଭିଯୋଗ ଆଧାରରେ ହୋଇଛି ମାମଲା... । ମନ୍ମଥଙ୍କ ନାଁରେ ଲାଗିଛି ବିଏନଏସ୍ 294(2) ଏବଂ 296 ଅର୍ଥାତ୍ ଆପତ୍ତିଜନକ ମନ୍ତବ୍ୟ ଦେବା, ବିଏନଏସ 353(2) ଅର୍ଥାତ୍ ମିଛ ଗୁଜବ ତିଆରି କରିବା ଓ ବିଏନଏସ 356(2) ସମ୍ମାନହାନି। ଏଥି ସହ ଆଇଟି ଆକ୍ଟ 67 ବି ଲାଗିଛି ମନ୍ମଥଙ୍କ ବିରୋଧରେ। ବିଜେପି ବିଧାୟକ ବାବୁ ସିଂ କହିଛନ୍ତି- ମନ୍ମଥଙ୍କ ଉପରେ ଦୃଢ଼ କାର୍ଯ୍ୟାନୁଷ୍ଠାନ ହେଉ। ତେଣେ ମନ୍ମଥ କହିଛନ୍ତି ସେ କୋର୍ଟଙ୍କ ଦ୍ୱାରସ୍ଥ ହେବେ।...
ଚର୍ଚ୍ଚାରେ ରହିବାକୁ ବିଭିନ୍ନ ସମୟରେ ଗଣମାଧ୍ୟମରେ ତାଚ୍ଛଲ୍ୟ ଓ ଆକ୍ଷେପ କଲା ଭଳି ମତ ଓ ମନ୍ତବ୍ୟ ରଖିଥାନ୍ତି ବିଜେଡି ନେତା ମନ୍ମଥ ରାଉତରାୟ। ଅନେକ ସମୟରେ ବିବାଦୀୟ ମନ୍ତବ୍ୟ ଦେଇ ବି ଚର୍ଚ୍ଚାରେ ଥାଆନ୍ତି ମନ୍ମଥ। ଖାଲି ବିରୋଧୀ ନୁହଁନ୍ତି ନିଜ ଦଳର ପାଣ୍ଡିଆନ ବିରୋଧୀ ଗୋଷ୍ଠୀକୁ ବି କଡା ନିଶାନା କରିବାକୁ ପଛାନ୍ତିନି। ତେବେ ରାଜନୀତିରେ ବିରୋଧୀଙ୍କୁ ଆଟାକ ଓ କାଉଣ୍ଟର କରାଯିବା ସ୍ୱାଭାବିକ କଥା ହୋଇଥିବାବେଳେ ଶାଳୀନତା ଉଲଂଘନ ଠିକ୍ ନୁହେଁ ବୋଲି ଆଇନଜୀବୀ କହିଛନ୍ତି। ଲାଗିଥିବା ଦଫା ମନ୍ମଥଙ୍କ ପାଇଁ ଅଡୁଆ ସୃଷ୍ଟି କରିପାରେ ବୋଲି କହିଛନ୍ତି।...
ଏବେ ଦେଖିବାର କଥା ବିଜେଡି ନେତା ମନ୍ମଥଙ୍କ ବିରୋଧରେ ପୋଲିସର ଆଭିମୁଖ୍ୟ କଣ ରହୁଛି ? କି କାର୍ଯ୍ୟନୁଷ୍ଠାନ ହେଉଛି ?
Bomb Detonated: ଭୁବନେଶ୍ବର କେଭି-3ର ଗେଟ୍ ଆଗରେ ବୋମାମାଡ଼, ସାଇଣ୍ଟିଫିକ୍ ଟିମ୍ ସହାୟତାରେ ଛାନଭିନ୍

Wedding With a Twist: ବାହାଘରରେ ସାକ୍ଷୀ ସମ୍ୱିଧାନ, ଦୁଇ ବିଚାରପତି ସୃଷ୍ଟି କଲେ ଇତିହାସ

Raging Cyclone Before Landfall: ଲ୍ୟାଣ୍ଡଫଲ୍ ପୂର୍ବରୁ ବାତ୍ୟାର ତାଣ୍ଡବ, ଭାସିଲା ଘରଦ୍ୱାର ଓ ଗାଡିମୋଟର...

Adiala Prison Secrets: ଇମ୍ରାନଙ୍କୁ ରଖାଯାଇଥିବା ଆଡିଆଲା ଜେଲର କାହାଣୀ, ପାକ୍ ସେନା କାହିଁକି ଶତ୍ରୁଙ୍କୁ ଏଠାରେ ରଖେ?

Identity Rule Change: ଜନ୍ମ ତାରିଖର ପ୍ରମାଣ ଆଉ ଆଧାର କାର୍ଡ ହେବ ନାହିଁ, ରାଜ୍ୟ ସରକାର ନେଉଛନ୍ତି ନିଷ୍ପତ୍ତି

/odishatv-khabar/media/agency_attachments/2025/07/30/2025-07-30t051037428z-screenshot-2025-07-30-at-104031-am-2025-07-30-10-40-38.png)

/odishatv-khabar/media/media_files/2025/09/22/khabar-advertise-banner-2025-09-22-13-15-01.jpeg)