Arabind vs BJD: ବିଜେଡିକୁ ଖୋଲା ଚାଲେଞ୍ଜ କଲେ ଅରବିନ୍ଦ, କହିଲେ ଗଣମାଧ୍ୟମ ସାମ୍ନାରେ ଖୋଲା ବିତର୍କକୁ ଆସ

ବିଜେଡିରୁ ନିଲମ୍ବନ ସମ୍ପର୍କିତ ଅଭିଯୋଗକୁ ଚ୍ୟାଲେଞ୍ଜ୍ କଲେ ଅରବିନ୍ଦ ମହାପାତ୍ର । ଭିନ୍ନ ଭିନ୍ନ ଆରୋପକୁ ନେଇ ସେ ଖୋଲା ଚ୍ୟାଲେଞ୍ଜ କରିଛନ୍ତି । କେତେବେଳେ ଆଣ୍ଟିପାର୍ଟି, କେତେବେଳେ ମିଡ୍ ଡେ ଅପରେସନ ଆରୋପ, ସାଂସଦ ପ୍ରାର୍ଥୀଙ୍କୁ ହରାଇବା ଓ ପାଟକୁରାବାସୀଙ୍କୁ ହଇରାଣ ଆରୋପ -ଏହା ଭିତରୁ କେଉଁଠି ଠିକ୍, ନା ତାଲିକା ଆଗକୁ ବଢ଼ିବ ତାଚ୍ଛଲ୍ୟ କରିଛନ୍ତି ବିଧାୟକ ଅରବିନ୍ଦ ମହାପାତ୍ର ।

କେଉଁମାନେ ଏନେଇ ତଥ୍ୟ ଦେଉଛନ୍ତି ଜାଣିବାକୁ ଚାହୁଁଛି କହିଲେ ଅରବିନ୍ଦ । ନବୀନ ବାବୁ ଶେଷ ଦେଖାରେ ବାପା କିପରି ଅଛନ୍ତି ପଚାରିଥିଲେ - ଯଦି ମୁଁ କିଛି ଭୁଲ କରୁଥିଲି, ସେତେବେଳେ କହିପାରି ଥାନ୍ତେ ବୋଲି ସେ ପ୍ରଶ୍ନ ପଚାରିଛନ୍ତି । କୌଣସି ଆରୋପର କାହା ସହ କାହାର ତାଳମେଳ ରହୁନି । MLA ପାଣ୍ଠି ଖର୍ଚ୍ଚକୁ ହେରଫେର ଅଭିଯୋଗର ଖୋଲା ବିତର୍କ ଚାହୁଁଛି ବୋଲି କହି ବିଜେଡିକୁ ଚାଲେଞ୍ଜ କରିଛନ୍ତି ଅରବିନ୍ଦ ।

ଯଦି ତ୍ରୁଟି କରିଛି, ଗଣମାଧ୍ୟମ ସାମ୍ନାରେ ଖୋଲା ବିତର୍କକୁ ଆସନ୍ତୁ । ନବୀନ ବାବୁଙ୍କୁ ଦେଖା କରିବାକୁ ଭାବିଥିଲି ବୋଲି ଅରବିନ୍ଦ କହିବା ସହ ନବୀନ ବାବୁ ଗତକାଲି କହି ସାରିବା ପରେ ଆଉ କାହିଁକି ଦେଖା କରିବି ଜାଣିପାରୁନି ବୋଲି ମତ ରଖିଛନ୍ତି । ନବୀନ ବାବୁଙ୍କୁ ଡାଟା କିଏ ଦେଉଛି ଜାଣିନି ବୋଲି ପ୍ରଶ୍ନ କରିଛନ୍ତି ।  ସେ କହିଛନ୍ତି, ସାଂସଦଙ୍କୁ ହରାଇବା ପାଇଁ କାର୍ଯ୍ୟ କରିବା ଅଭିଯୋଗକୁ ମୁଁ ଖଣ୍ଡନ କରୁଛି  । ଯିଏ ସାଂସଦ ପ୍ରାର୍ଥୀ ହୋଇଥିଲେ ତାଙ୍କ ସହ ପାରିବାରିକ ସମ୍ପର୍କ ରହିଛି ।

୨୦ ପ୍ରାର୍ଥୀଙ୍କୁ କିଏ ହରାଇଲା ?

ମହାକାଳପଡ଼ାରେ ସାଂସଦ ପ୍ରାର୍ଥୀ ସବୁଠୁ କମ୍ ଭୋଟ ପାଇଥିଲେ ।  ତାହେଲେ ମହାକାଳପଡ଼ାରେ କିଏ ଷଡ଼ଯନ୍ତ୍ର କରିଥିଲା ? ସେ ପଚାରିଛନ୍ତି, ମୁଁ ଯଦି କେନ୍ଦ୍ରାପଡ଼ା ଲୋକସଭା ପ୍ରାର୍ଥୀଙ୍କୁ ହରାଇଲି, ଅନ୍ୟ ୨୦ ପ୍ରାର୍ଥୀଙ୍କୁ କିଏ ହରାଇଲା । ବିଜେଡିରେ ମିଶିବା ପ୍ରସ୍ତାବ ନବୀନ ବାବୁଙ୍କ ପାଖରୁ ଆସିଥିଲା । ପାଟକୁରାବାସୀଙ୍କ ମତାମତ ନେବା ପରେ ବିଜେଡିରେ ମିଶିଥିଲି । ମୋ ବିରୋଧରେ ଆସିଥିବା ସମସ୍ତ ଅଭିଯୋଗ ମିଥ୍ୟା ଓ ମୁଁ ଅଭିଯୋଗକୁ ଖଣ୍ଡନ କରୁଛି ବୋଲି ଅରବିନ୍ଦ କହିଛନ୍ତି ।