Two Girl Students Missing: ବିଦ୍ୟାଳୟ ହଷ୍ଟେଲରୁ ୨ ଛାତ୍ରୀ ନିଖୋଜ, ୧୪ ଘଣ୍ଟା ହେବ ମିଳୁନି ପତ୍ତା

ବିଦ୍ୟାଳୟ ହଷ୍ଟେଲରୁ ୨ ଛାତ୍ରୀ ନିଖୋଜ। ୧୪ ଘଣ୍ଟା ହେବ ନିଖୋଜ ଅଛନ୍ତି ୨ ଛାତ୍ରୀ। ଏଭଳି ଘଟଣା ଘଟିଛି ଉଦଳା ବ୍ଲକ ରାଢୋ କେଜିବିଭି ବିଦ୍ୟାଳୟରେ। ଗତକାଲି ରାତିରୁ ଷଷ୍ଠ ଶ୍ରେଣୀର ୨ ଛାତ୍ରୀ ଗାଏବ ଅଛନ୍ତି।

ଖବର ପାଇ ପରିବାର ଲୋକେ ବିଦ୍ୟାଳୟରେ ପହଞ୍ଚିଥିଲେ। ବିଭିନ୍ନ ସ୍ଥାନରେ ଖୋଜାଖୋଜି ପରେ ବି ମିଳୁନି ନିଖୋଜ ଛାତ୍ରୀଙ୍କ ପତ୍ତା। ଘଟଣା ବାବଦରେ ପ୍ରଧାନ ଶିକ୍ଷୟିତ୍ରୀ ମାଳତୀ ବେହେରା ମଧ୍ୟ କୌଣସି ପ୍ରତିକ୍ରିୟା ରଖିନାହାନ୍ତି।

ଖବର ପାଇ ଏବିଇଓ ବିଦ୍ୟାଳୟରେ ପହଞ୍ଚି ତଦନ୍ତ ଆରମ୍ଭ କରିଥିବା ବେଳେ ଛାତ୍ରୀ ମାନଙ୍କୁ ଶୀଘ୍ର ଖୋଜି ବାହାର କରାଯିବା ନେଇ ଚେଷ୍ଟା କରାଯାଉଥିବା କହିଛନ୍ତି।