Tribute in Cuttack: ହ୍ୟୁମାନଙ୍କ ପାଇଁ ସମର୍ପିତ, ଆଉ କେହି ଗାଇବେନି ଗୀତ

ନିର୍ଜୀବ ‍‍‍ବସ୍ତୁଟା, ଯାହାର ମୃତ୍ୟୁ ନାହିଁ । ଭଗବାନ କିନ୍ତୁ ଏହା ଉପରେ ଭଲପାଇବାର ଆଶୀର୍ବାଦ ଗୁଡାକୁ ଓଜାଡ଼ି ଦେଇଛନ୍ତି । ତେଣୁ ତାକୁ ଆଜି ମିଳୁଛି ଏତେ ଭଲ ପାଇବା । କଣ୍ଠଶିଳ୍ପୀ ହ୍ୟୁମାନ ସାଗରଙ୍କ ଦେହାନ୍ତ ପରେ ସେ ବି ଗୁମୁରି ଗୁମୁରି କାନ୍ଦୁଛି । ଏ ନିର୍ଜୀବ ବସ୍ତୁଟାକୁ ଯେମିତି ସ୍ବାନ୍ତନା ଦେବାକୁ ସମସ୍ତେ ଭିଡ଼ ଜମାଇଛନ୍ତି । ତା’ ପାଖରେ ନିଜେ ଅଛନ୍ତି ସଂଗୀତ ନିର୍ଦ୍ଦେଶକ ପ୍ରେମାନନ୍ଦ । ଆଉ ଷ୍ଟୁଡିଓର ପୂରା ପରିବାର ତାକୁ ସମ୍ମାନ ଜଣାଉଛି । 

କଥା ଥିଲା ଭଲ ପାଇବାର… କଥା ଥିଲା ସମ୍ମାନର, ଆଉ ସମର୍ପଣର ।  ଯେଉଁ ମାଇକ୍ରୋଫୋନରେ ଓଡ଼ିଶାର ସଂଗୀତ ବାଦଶାହା, ହ୍ୟୁମାନ ସାଗର ଗୀତ ଗାଉଥିଲେ ତାକୁ ସବୁ ଦିନ ପାଇଁ ସାଇତି ରଖି ଦିଆଯାଇଛି । ହ୍ୟୁମାନଙ୍କ ଉଦ୍ଦେଶ୍ୟରେ ତାକୁ ସମପର୍ଣ କରିଛି କଟକର ଏକ ଷ୍ଟିଡିଓ । ଆଉ କୌଣସି କଂଣ୍ଠଶିଳ୍ପୀ ଏହି ମାଇକ୍ରୋଫୋନରେ ଗୀତ ଗାଇବେ ନାହିଁ ବୋଲି ନିଷ୍ପତ୍ତି ନିଆଯାଇଛି । ଏହା କେବଳ ହ୍ୟୁମାନଙ୍କ ସ୍ମୃତି ଭାବେ ଷ୍ଟୁଡିଓରେ ରହିବ, ଆଉ ପରର୍ବତ୍ତୀ ପିଢ଼ିର ଗାୟକ ମାନେ ଏହାକୁ ଦେଖିବେ ବୋଲି କହିଛନ୍ତି ଷ୍ଟୁଡିଓ ମାଲିକ । 
୨୦୧୨ରେ ହ୍ୟୁମାନ ନିଜର ପ୍ରଥମ ସିନେମାର ସଂଗୀତ ରେକର୍ଡିଂ ଏଇଠି କରିଥିଲେ । ପରେ ପରେ ଏହାଥିଲା ତାଙ୍କର ପ୍ରିୟ ଷ୍ଟୁଡିଓ । ଆଉ ଏଥି ପାଇଁ ଷ୍ଟୁଡିଓରେ ସଂଗୀତ ନିର୍ଦ୍ଦେଶକ ପ୍ରେମାନନ୍ଦଙ୍କ ସମେତ ବହୁ କଳାକାର ନୀରବ ପ୍ରାର୍ଥନା କରିବା ସହ ତାଙ୍କ ପାଇଁ ଶ୍ରଦ୍ଧାସୁମନ ଅର୍ପଣ କରିଛନ୍ତି  ।