ସଂରକ୍ଷିତ ଅଜଗର ଅଣ୍ଡାରୁ ବାହାରିଲା ଛୁଆ, ଦେଖନ୍ତୁ ଭିଡିଓ..

ଖୋର୍ଦ୍ଧା: ସୁରକ୍ଷା ଦିଆଯାଇଥିବା ଅଣ୍ଡାରୁ ଫୁଟିଲେ ଅଜଗର ଛୁଆ । ଆଜି ରାତି ସୁଦ୍ଧା ପ୍ରାୟ ସମସ୍ତ ଅଣ୍ଡାରୁ ଛୁଆ ଫୁଟିଯିବେ ବୋଲି କହିଛନ୍ତି ବନ କର୍ତ୍ତୃପକ୍ଷ । ଖୋର୍ଦ୍ଧା ଜିଲ୍ଲା ଗଡ଼ନିଆଳ ଗାଁ ନିକଟ ଏକ ଜଙ୍ଗଲରେ ଥିବା ପଥର କୋରଡ଼ରେ ଅଜଗର ସାପର ୩୦ଟି ଅଣ୍ଡା ଠାବ କରାଯାଇଥିଲା ।

ମା’ ଅଜଗର ସାପ ଛାଡି ଚାଲିଯିବାରୁ, ସାପକୁ ଖୋଜି ବାହାର କରି ନନ୍ଦନକାନନରେ ଆଣି ଛଡାଯାଇଥିଲା । ପରେ ପଥର କୋରଡ଼ରୁ ଏହି ସବୁ ଅଣ୍ଡା ଗୁଡିକୁ ନିଆଳ ପ୍ରାଥମିକ ସ୍କୁଲରେ ଆଣି ରଖାଯାଇଥିଲା । କିନ୍ତୁ ସେଠାରେ ଅଣ୍ଡାଗୁଡିକ ପିମ୍ପୁଡି ଲାଗିବା ଫଳରେ ବନବିଭାଗର ମିଞ୍ଚିନିପାଟଣା ରେଂଜ୍ କାର୍ଯ୍ୟାଳୟରେ କୃତ୍ରିମ ଉପାୟରେ ଅଣ୍ଡାରୁ ଛୁଆ ଫୁଟିବାକୁ ବ୍ୟବସ୍ଥା କରାଯାଇଥିଲା ।

ଗତ ୨୯ ତାରିଖରେ ୪ଟି ଅଣ୍ଡାରୁ ଛୁଆ ଫୁଟିଥିବାବେଳେ ଆଜି ବାକି ସମସ୍ତ ଅଣ୍ଡାରୁ ଛୁଆ ଅଜଗର ବାହାରିଥିବା ଜଣାପଡିଛି । ବନ କର୍ତ୍ତୃପକ୍ଷ ଅବୈତନିକ ଓ୍ୱାଇଲ୍ଡଲାଇଫ ଓ୍ୱାର୍ଡେନ୍ ଶୁଭେନ୍ଦୁ ମଲ୍ଲିକଙ୍କ ତତ୍ୱାବଧାନରେ ଏହି ସବୁ ଅଣ୍ଡାଗୁଡିକୁ ଜଙ୍ଗଲରୁ ଆଣି ବନବିଭାଗର ରେଂଜ୍ କାର୍ଯ୍ୟାଳୟରେ ରଖାଯାଇଛି ।

ଖୋର୍ଦ୍ଧା ଜିଲ୍ଲା ଗଡ଼ନିଆଳ ଗାଁ ନିକଟ ଜଙ୍ଗଲର ଏକ ପଥର କୋରଡରୁ ଉଦ୍ଧାର ଅଜଗର ଅଣ୍ଡା ଫୁଟି ଛୁଆ ବାହାରିବା ଆରମ୍ଭ କରିଛନ୍ତି। ଗତକାଲି ୪ଟି ଛୁଆ ଅଣ୍ଡାରୁ ଫୁଟିଥିବା ବେଳେ ଆଜି ୧୫ଟି ଫୁଟିଛନ୍ତି। ବାକି ୧୧ ଅଣ୍ଡାରୁ ଶୀଘ୍ର ଛୁଆ ବାହାରିବେ ବୋଲି କହିଛି ବନ ବିଭାଗ। #Khordha#Odisha#Python#otvpic.twitter.com/QUcp6fd6UX

— ଓଟିଭି (@otvkhabar) June 30, 2021