ବିସ୍ଫୋରକ ଜବତ ଘଟଣାର ତଦନ୍ତ ଆରମ୍ଭ

ଜଳେଶ୍ୱର(ଅଜିତ୍ ଦାସ): ଓଡିଶାରୁ ପଶ୍ଚିମବଙ୍ଗ ଚାଲାଣ ବେଳେ ବିପୁଳ ପରିମାଣର ବିସ୍ପୋରକ ଜବତ ଘଟଣାରେ ତଦନ୍ତ ଆରମ୍ଭ ହୋଇଛି। ଭୁବନେଶ୍ୱରରୁ ୨ ଜଣିଆ ଓ କୋଲକତାରୁ ୩ ଜଣିଆ ଏସ୍‌ଟିଏଫ୍ ଟିମ୍ ବାଲେଶ୍ୱର ରୁପସା ଥାନାରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି।

ବିସ୍ଫୋରକ ଜବତ ହୋଇଥିବା ଗାଡ଼ିର ମାଲିକ ଓ ସହଯୋଗୀଙ୍କୁ ସ୍ୱତନ୍ତ୍ର ଟିମ୍ ପଚରାଉଚରା କରୁଛି। ବସ୍ତା ଏସ୍‌ଡିପିଓ ରଞ୍ଜିତ ପୃଷ୍ଟି ଓ ରୁପସା ଥାନା ଓଆଇସି ସୁଚନ୍ଦ୍ର ମହାଳିକ ତଦନ୍ତରେ ସାମିଲ ହୋଇଛନ୍ତି।

ସୂଚନାଯୋଗ୍ୟ, ଗତ ଶନିବାର ପଶ୍ଚିମବଙ୍ଗର ଚିତପୁର ଅଞ୍ଚଳରୁ ୧୦ କୁଇଣ୍ଟାଲ ବିସ୍ଫୋରକ ପୂର୍ଣ୍ଣ ଗାଡ଼ି ଜବତ କରାଯାଇଥିଲା। ଏହି ଘଟଣାରେ ବାଲେଶ୍ୱର ଜିଲ୍ଲାର ୨ ଅଭିଯୁକ୍ତଙ୍କୁ ଏସଟିଏଫ୍ ଗିରଫ କରିଥିଲା।