NIT Rourkela Scientists: ରାଉରକେଲା NIT ତିଆରି କଲା କ୍ୟାନସର ମେଡିସିନ , ସଫଳ ହେଲା ଦୁଇ ବର୍ଷର ଗବେଷଣା

ସଫଳ ହେଲା ଦୁଇ ବର୍ଷର ଗବେଷଣା । ବାହାରିଲା କ୍ୟାନସର ମେଡିସିନ ! ରାଉରକେଲା NIT ତିଆରି କଲା କର୍କଟ ରୋଗର ଔଷଧ । ମାରାତ୍ମକ ରୋଗ କ୍ୟାନସରକୁ ନେଇ ବଡ଼ ଖୁସି ଖବର ଦେଇଛି ଓଡ଼ିଶାର ରାଉରକେଲା NIT । ମସଲା ଜାତୀୟ ପିପଳିରୁ ପ୍ରସ୍ତୁତ ହୋଇଛି କର୍କଟ ରୋଗର ମେଡିସିନ୍ l କୋଲୋନ୍ କର୍କଟ ଏମିତି ଏକ ରୋଗ ଯେଉଁଥିରେ ଶରୀରର ବଡ଼ ଅନ୍ତଃନଳୀରେ କୋଷ ବୃଦ୍ଧି କରି ଟ୍ୟୁମର କରିଥାଏ l ଯାହାକି କର୍କଟ ରୋଗର ଏକ ବଡ଼ କାରଣ l NITର ଏହି ମେଡିସିନ୍ ପେସେଣ୍ଟଙ୍କ ଆକ୍ଟିଭ୍ କ୍ୟାନ୍ସର କୋଷ ଗୁଡିକୁ ନଷ୍ଟ କରିଥାଏ ଏବଂ ସୁସ୍ଥ ସେଲ୍ ଗୁଡିକୁ ସୁରକ୍ଷିତ ରଖିଥାଏ ବୋଲି କୁହାଯାଇଛି।

ଲାଇଫ ସାଇନ୍ସ ବିଭାଗରେ କର୍କଟ ରୋଗର ପରୀକ୍ଷଣ ପାଇଁ ଏକ ସ୍ଵତନ୍ତ୍ର ପ୍ରକୋଷ୍ଠ ହୋଇଛି l ସେଠାରେ NITର ଟିମ୍ ଦୁଇ ବର୍ଷରୁ ଅଧିକ ପିପଳିକୁ ନେଇ ଗବେଷଣା କରିଥିଲେ l ଯାହାଦ୍ବାରା ଏବେ ଗବେଶକମାନଙ୍କୁ ସଫଳତା ମିଳିଛି । ଖୁବ୍ ଶୀଘ୍ର ଏହି ମେଡିସିନ୍ ବଜାରକୁ ଆସିବ ବୋଲି କହିଛନ୍ତି NIT ନିର୍ଦ୍ଦେଶକ l ଅନେକ କର୍କଟ ରୋଗୀ କେମୋଥେରାପି ନେଇ ବହୁତ କଷ୍ଟ ପାଇବା ସହ ଖର୍ଚ୍ଚାନ୍ତ ହେଉଛନ୍ତି । କିନ୍ତୁ ଏହି ମେଡ଼ିସିନ୍ ସେ ସବୁରୁ ମୁକ୍ତି ଦେବ ବୋଲି କୁହାଯାଉଛି ।

ସଫଳ ହୋଇଛି ଦୁଇ ବର୍ଷର ଗବେଷଣା । ରାଉରକେଲା NIT ଦେଇଛି ଖୁସିର ଖବର । କୋଲୋନ୍ କର୍କଟ ପାଇଁ ଏହି ମେଡିସିନ୍ କ୍ୟାନସର ପାଇଁ ରାମ ବାଣ ହେବ ବୋଲି କୁହାଯାଉଛି ।