From Darkness to Light: ଖବର ପ୍ରସାରଣ ପରେ ସମସ୍ୟାର ହେଲା ସମାଧାନ, ସାହିରେ ଲାଗିଲା ଷ୍ଟ୍ରିଟ୍ ଲାଇଟ

ଖବର ପ୍ରସାରଣ ପରେ ଚେତିଲା ପ୍ରଶାସନ। ସାହିରେ ଲାଗିଲା ଷ୍ଟ୍ରିଟ୍ ଲାଇଟ। ଖବର ବାଜିଲା, ପ୍ରଶାସନ ଚେତିଲା ଆଉ ଲାଇଟ ଲାଗିଲା | ବଲାଙ୍ଗିର ଜିଲ୍ଲା ତୁରେକେଲା ବ୍ଲକ ଡ଼ୁମେରଚୁଆଁ ଗାଁର ଦଳିତ ପଡ଼ାକୁ ସାମାଜିକ ବାସନ୍ଦ କରାଯାଇଥିବା ନେଇ ଓଟିଭିରେ ଖବର ପ୍ରସାରଣ ହୋଇଥିଲା |

ପଡ଼ାକୁ ଷ୍ଟ୍ରିଟ ଲାଇଟ ଦିଆଯାଇନଥିବା, ପିଇବା ପାଣି ଦିଆଯାଉନଥିବା ନେଇ ଅଭିଯୋଗ କରିଥିଲେ ପଡ଼ାବାସୀ | ଖବର ପ୍ରସାରଣ ହେବା ପରେ ବ୍ଲକ ପ୍ରଶାସନ ତରଫରୁ ରାତାରାତି ଦଳିତ ପଡାରେ ତିନୋଟି ଷ୍ଟ୍ରିଟ ଲାଇଟ ଲଗାଯାଇଛି | ସେପଟେ ପାଇପ ଯୋଗେ ଦେଢ଼ ବର୍ଷ ହେଲା ପାଣି ଆସୁନାହିଁ | ନଳକୂପ ଅଚଳ ହୋଇପଡିଛି | ତାର ସମାଧାନ ପାଇଁ ମଧ୍ୟ ଉଦ୍ୟମ ଆରମ୍ଭ କରିଛି ପ୍ରଶାସନ | 

ଚେତିଲା ପ୍ରଶାସନ, ତୁଟିଲା ସମସ୍ୟା 

ଖବର ପ୍ରସାରଣ ପରେ ସମସ୍ୟାର ହେଲା ସମାଧାନ 
ସାହିରେ ଲାଗିଲା ଷ୍ଟ୍ରିଟ୍ ଲାଇଟ 
ସାମାଜିକ ବାସନ୍ଦ କରି ବିଦ୍ୟୁତ ଲାଇଟ୍ କାଟି ଦେଇଥିଲେ ଗ୍ରାମବାସୀ 
ଖବର ପ୍ରସାରଣ ପରେ ଲାଗିଲା ଲାଇଟ୍ 
ଲାଇଟ ଓ ପାଣି ସମସ୍ୟା ନେଇ ଅଭିଯୋଗ କରିଥିଲେ ଗ୍ରାମବାସୀ 
ଏବେବି ପାଣି ସମସ୍ୟାର ହୋଇନି ସମାଧାନ 
ପାଇପଲାଇନରେ ଆସୁନି ପିଇବା ପାଣି 
ପିଇବା ପାଣି ସମସ୍ୟାର ସମାଧାନ ଦାବି