ଗୁଣି ଗାରେଡ଼ି ଡବଲ ମର୍ଡର ଘଟଣାରେ ଦୋଷୀକୁ ଆଜୀବନ କାରାଦଣ୍ଡାଦେଶ

କେନ୍ଦୁଝର: ଗୁଣି ଗାରେଡ଼ି ସନ୍ଦେହରେ କେନ୍ଦୁଝର ଜଜାଙ୍ଗରାଜନ ବସ୍ତି ଡବଲ ମର୍ଡର ଘଟଣାରେ ଦୋଷୀକୁ ଆଜୀବନ କାରାଦଣ୍ଡାଦେଶ। ମାମଲାର ଶୁଣାଣି କରି ଏହି ଦଣ୍ଡାଦେଶ ଶୁଣାଇଛନ୍ତି ଚମ୍ପୁଆ ଅତିରିକ୍ତ ଜିଲ୍ଲା ଦୌରାଜଜ।

ଦୋଷୀକୁ ୫ ହଜାର ଟଙ୍କା ଜରିମାନା ସହ ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି। ୧୭ ଜଣ ସାକ୍ଷୀଙ୍କ ବୟାନ, ଡାକ୍ତରୀ ମାଇନା ରିପୋର୍ଟକୁ ଭିତ୍ତିକରି ଏହି ଦଣ୍ଡାଦେଶ ଶୁଣାଇଛନ୍ତି ଜିଲ୍ଲା ଦୌରାଜଜ।

୨୦୧୭ରେ ଘଟିଥିଲା ଏ ହତ୍ୟାକାଣ୍ଡ। ଜଜାଙ୍ଗରାଜନ ବସ୍ତିର ଦିବାଇ ନାଗରର ପୁଅ ହତ୍ୟା ଘଟଣାର ପାଂଚ ମାସ ପୂର୍ବରୁ ମୃତ୍ୟୁ ହୋଇଥିଲା। ଦିବାଇ ଗୁଣିଆ ପରାମର୍ଶ ନେବାରୁ ଛୁଆକୁ ଗୁଣି କରି ମାରିଦିଆଯାଇଥିବା ସନ୍ଦେହ କରିଥିଲା। ସେହି ଗାଁର ଲକ୍ଷ୍ମୀ ନାଏକ ଉପରେ ସନ୍ଦେହ ବଢିବାରୁ ଲକ୍ଷ୍ମୀ ଓ ତାର ପୁଅକୁ ଆକ୍ରମଣ କରି ହତ୍ୟା କରିଥିଲା ଦିବାଇ। ଘଟଣାରେ ଦୁଇ ଜଣଙ୍କ ମୃତ୍ୟୁ ଘଟିଥିଲା।