Mohan Majhi Interacts with Kids: ପିଲାଙ୍କ ସହ କଥା ହେଲେ ମୁଖ୍ୟମନ୍ତ୍ରୀ ମୋହନ ମାଝୀ, ପଚାରିଲେ ମୁଖ୍ୟମନ୍ତ୍ରୀଙ୍କ ନାଁ କଣ ଜାଣିଛ ?

ରାଷ୍ଟ୍ରପତିଙ୍କ ଘର ସାମ୍ନାରେ ରୋଚକ ଦୃଶ୍ୟ। ରାଷ୍ଟ୍ରପତିଙ୍କୁ ଦେଖିବାକୁ ଆସିଥିବା ପିଲାଙ୍କ ସହ କଥାହେଲେ ମୁଖ୍ୟମନ୍ତ୍ରୀ ମୋହନ ମାଝୀ। ସ୍କୁଲ ଛାତ୍ରଛାତ୍ରୀଙ୍କୁ ଦେଖି ହଠାତ୍ ଅଟକି ଗଲେ ସିଏମ୍। ଗାଡିରୁ ଓହ୍ଲାଇ ବାରିକେଡ୍ ପାଖରେ ଛିଡା ହୋଇଥିବା ପିଲାମାନଙ୍କୁ ମୁଖ୍ୟମନ୍ତ୍ରୀ ହାତ ହଲାଇବା ସହ କଥା ହୋଇଥିଲେ।

ଏତିକି ବେଳେ ଉପସ୍ଥିତ ପିଲାଙ୍କୁ ବିଭିନ୍ନ ପ୍ରଶ୍ନ ବି ପଚାରିଥିଲେ। ରାଷ୍ଟ୍ରପତିଙ୍କ ଘରକୁ ଦେଖାଇ, ଏ ଘର କାହାର? ବଡ଼ ହେଲେ କଣ ହେବ , ଓଡ଼ିଶାର ମୁଖ୍ୟମନ୍ତ୍ରୀଙ୍କ ନାମ କଣ ବୋଲି ପଚାରିଥିଲେ। ପିଲାମାନେ ମଧ୍ୟ ମୁଖ୍ୟମନ୍ତ୍ରୀଙ୍କୁ ପାଖରୁ ଦେଖି ହସ ହସ ମୁହଁରେ ଉତ୍ତର ଦେଇଥିଲେ।