Ramesh Panda Humanity: ଗରିବଙ୍କ ପାଇଁ ଇଏ ମାଗଣା ହୋଟେଲ୍, ଖାଇଲେ ଦେବାକୁ ପଡ଼େନି ଟଙ୍କା

ମା’ ଯେମିତି ତା’ ପିଲାର ଭୋକକୁ ବୁଝିପାରେ ଏ ହୋଟେଲର ମାଲିକ ବି ଠିକ୍ ସେଇମିତି ଗରିବ ଅସହାୟକଙ୍କ ପେଟ କଥା ବୁଝିପା’ରନ୍ତି । ହୋଟେଲର ନାଁ ମା’ । ପ୍ରତିଦିନ ମାଗଣାରେ ଗରିବ ଲୋକଙ୍କ ପାଇଁ ଖାଇବା ଖୁସିରେ ଖୁସିରେ ବାଢ଼ିଦିଏ ଏ ହୋଟେଲ୍ ।

ଗତ ୩୦ ବର୍ଷ ହେଲା ଅସହାୟଙ୍କ ଭୋକ ମେଣ୍ଟାଇବା ମଣିଷ ପାଲଟିଛନ୍ତି ମା’ ହୋଟେଲର ମାଲିକ ରମେଶ ପଣ୍ଡା । ପାଖରେ ଟଙ୍କା ଥାଉ ବା ନଥାଉ କେହି ତାଙ୍କ ପାଖରୁ ଭୋକରେ ଫେରିନାହାନ୍ତି । 

ବାଲେଶ୍ୱର ସହରରେ ରହିଛି ଏହି ଛୋଟିଆ ହୋଟେଲ । ହେଲେ ଦୀର୍ଘ ୩୦ ବର୍ଷ ହେବ ହୋଟେଲର ମାଲିକ ରମେଶ ପଣ୍ଡା ଗରିବ ମାନଙ୍କୁ ମାଗଣାରେ ଖାଇବା ଯୋଗାନ୍ତି ।  ପ୍ରତ୍ୟେକ ଦିନ ଗରିବ ଲୋକଙ୍କ ପାଇଁ ତାଙ୍କ ହାଣ୍ଡିରେ ୨୦ରୁ ୩୦ ଜଣଙ୍କ ପାଇଁ ଚାଉଳ ପଡ଼େ ।

ହେଲେ ଶନିବାର ୫୦ରୁ ୧୦୦ ଲୋକ ମାଗଣାରେ ଖାଆନ୍ତି । ରିକ୍ସା ଚାଳକ ଟିଏ ହେଉ ବା ଭିକ୍ଷୁକ, ଅସହାୟଙ୍କ ପାଇଁ ତାଙ୍କ ଆହାର କେନ୍ଦ୍ର ସବୁବେଳେ ଖୋଲା ରହିଥାଏ । ଏମିତିକି କିଛି ଗରିବ ଲୋକଙ୍କ ପାଇଁ ଖାଦ୍ୟ ପ୍ୟାକେଟ୍ କରି ବଣ୍ଟନ କରନ୍ତି । 

ବଡ଼କଥା ହେଉଛି, କେବଳ ଅସହାୟଙ୍କୁ ମାଗଣା ଖାଦ୍ୟ ନୁହେଁ ଯଦି କେହି ହୋଟେଲରେ ଖାଆନ୍ତି କିନ୍ତୁ ତାଙ୍କ ପାଖରେ ଟଙ୍କା ନଥାଏ ତାଙ୍କୁ ମଧ୍ୟ ସାହାଯ୍ୟ କରିଥା’ନ୍ତି ରମେଶ ।  ତେବେ ଏପରି ଏକ ସୁନ୍ଦର ପ୍ରାୟସ ପାଇଁ ରମେଶଙ୍କୁ ସବୁଠି ଭୁଳି ଭୁରି ପ୍ରଶଂସା କରାଯାଇଛି । ଆଙ୍କର ଏଭଳି ପ୍ରାୟସ ସମାଜ ପାଇଁ ଉଦାହରଣ ସାଜିଛି ।