ଆରବ ସାଗରରେ ଦାନା ବାନ୍ଧୁଛି ବାତ୍ୟା !

ଆରବ ସାଗରରେ ସୃଷ୍ଟ ଲଘୁଚାପ ବାତ୍ୟାରେ ପରିଣତ ସମ୍ଭାବନା। ସୃଷ୍ଟି ହୋଇଥିବା ଲଘୁଚାପଟି ଆଜି ସକାଳେ ଅବପାତର ରୂପ ନେଇଛି। କାଳକ୍ରମେ ଏହା ଘନୀଭୂତ ହୋଇ ୨୪ ଘଣ୍ଟାରେ ବାତ୍ୟା ରୂପ ନେବ। ବାତ୍ୟା ରୂପ ନେଇ ଉତ୍ତର ଦିଗକୁ ଗତି କରିବା ସମ୍ଭାବନା ରହିଛି। ତେବେ ବାତ୍ୟାଟି କେଉଁଠି ସ୍ଥଳଭାଗ ଛୁଇଁବ, ଏଯାଏ ସ୍ପଷ୍ଟ ହୋଇନି। ତେବେ ଏହା ଗୋଆଠୁ ୯୨୦ କିମି ଓ ମହାରାଷ୍ଟ୍ରଠୁ ୧୦୨୦ କିମି ଦୂରରେ ରହିଛି। 

ଯଦି ଲଘୁଚାପ ବାତ୍ୟାର ରୂପ ନିଏ ତେବେ ଏହି ବାତ୍ୟାର ନାଁ ରହିବ ବିପର୍ଯ୍ୟୟ। ଏହା ବାଂଲାଦେଶ ଦ୍ୱାରା ନାମକରଣ କରାଯାଇଛି।  ତେବେ ଅନେକ ମଡେଲରେ ଦେଶର ପଶ୍ଚିମ ଉପକୂଳ ଯିବା ନେଇ ସୂଚନା ଦେଉଛି। ସ୍କାଏ ମେଟ୍‌ ସମେତ କିଛି ପାଣିପାଗ ସଂସ୍ଥାର ମଡେଲ ପ୍ରଥମେ ଉତ୍ତର ଓ କ୍ରମଶଃ ରିକର୍ଭ ହୋଇ ଉତ୍ତର-ଉତ୍ତରପୂର୍ବ ଆଡ଼କୁ ଗତି କରି ଓମାନ ଓ ୟେମେନ୍‌କୁ ଯିବାର ସମ୍ଭାବନା ରହିଛି।  ତେବେ ଲ୍ୟାଣ୍ଡଫଲ୍‌ ନେଇ ଭାରତୀୟ ପାଣିପାଗ ବିଭାଗ କିଛି କହିନି।  

Depression has formed over southeast Arabian Sea and lay centered at 0530 IST near Lat 11.3 and Lon 66.0 about 920km WSW of Goa, 1120km SSW of Mumbai. Likely to move nearly northwards and intensify into a CS during next 24 hours. pic.twitter.com/GDEGgwtrcT

— India Meteorological Department (@Indiametdept) June 6, 2023

ତେବେ ବାତ୍ୟା ଦ୍ୱାରା ମୌସୁମୀ ମୁମ୍ବାଇରେ ପହଞ୍ଚିବା ପାଇଁ ସହଜ ହେବ। ତେବେ ଆସନ୍ତା ୮ରୁ ୧୦ ପର୍ଯ୍ୟନ୍ତ କର୍ଣ୍ଣାଟକରୁ ମହାରାଷ୍ଟ୍ର ପର୍ଯ୍ୟନ୍ତ ବ୍ୟାପିଥିବା ସମୁଦ୍ର ଅଶାନ୍ତ ରହିବ। ସେହିପରି ୯ରୁ ୧୧ ପର୍ଯ୍ୟନ୍ତ ଗୁଜରାଟ ନିକଟବର୍ତ୍ତୀ ସମୁଦ୍ର ଅଶାନ୍ତ ରହିବ।