ସତର୍କ ରୁହ ! ୮ ଜିଲ୍ଲାକୁ ମାଡ଼ି ଆସୁଛି ଘନକୁହୁଡ଼ି

ଭୁବନେଶ୍ୱର: ଆଜି ରାତି ଓ ଆସନ୍ତାକାଲି ରାଜ୍ୟର ୮ ଜିଲ୍ଲାରେ ଦେଖାଦେବ ଘନ କୁକୁଡ଼ି। ଏହି ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ ବିଭାଗ। ଆଜି ରାତି ଓ ଆସନ୍ତାକାଲି ସକାଳେ ବଲାଙ୍ଗିର, ସୋନପୁର, ବୌଦ୍ଧ, କନ୍ଧମାଳ, କଳାହାଣ୍ଡି, ଅନୁଗୁଳ, ଢେଙ୍କାନାଳ ଓ କେନ୍ଦୁଝର ଜିଲ୍ଲାରେ ଘନ କୁହୁଡ଼ି ଦେଖାଦେବ। 

ପାଣିପାଗ ବିଭାଗର ଆଲର୍ଟ ପରେ ସମସ୍ତ ଜିଲ୍ଲାପାଳ ଓ ଏସପିଙ୍କୁ ଚିଠି ଲେଖିଛନ୍ତି ଏସଆରସି। କୁହୁଡ଼ି ଯୋଗୁ ଯେଭଳି ଜାତୀୟ ରାଜପଥରେ ଦୁର୍ଘଟଣା ନଘଟେ ଓ ଗାଡ଼ିର ବେଗ ନିୟନ୍ତ୍ରଣ କରିବାକୁ ପୋଲିସ ଓ ପରିବହନ ବିଭାଗକୁ ସୂଚନା ଦିଆଯାଇଛି।

ସେହିପରି ଆସନ୍ତା ୨ ଦିନ ମଧ୍ୟରେ ରାଜ୍ୟରେ ୩ରୁ ୫ ଡିଗ୍ରୀ ପର୍ଯ୍ୟନ୍ତ ତାପମାତ୍ରା ଖସିବ। ଫଳରେ ଆସନ୍ତା ୨୬ରୁ ରାଜ୍ୟରେ ପୁଣି ଶୀତ ଅନୁଭୂତ ହେବ ବୋଲି ପାଣିପାଗ ବିଭାଗ ସୂଚନା ଦେଇଛି। ଏହାଛଡ଼ା ୨୫ ରାତି ଓ ୨୬ ସକାଳ ପାଇଁ ୧୦ ଜିଲ୍ଲା ଓ ୨୬ ରାତି ଓ ୨୭ ସକାଳ ପାଇଁ ୬ ଜିଲ୍ଲାକୁ କୁହୁଡ଼ି ଆଲର୍ଟ ଜାରି ହୋଇଛି।