Heavy Rain Alert: ଅତିପ୍ରବଳ ବର୍ଷା; ସତର୍କ କଲା ପାଣିପାଗ ବିଭାଗ...

ୱେଲ୍ ମାର୍କଡ୍ ଲୋପ୍ରେସରରେ ପରିଣତ ହେଲା ଲଘୁଚାପ । ଉତ୍ତରପଶ୍ଚିମ ବଙ୍ଗୋପସାଗରରେ ଘନୀଭୂତ ହୋଇ ସ୍ପଷ୍ଟଚିହ୍ନିତ ଲଘୁଚାପ କ୍ଷେତ୍ରରେ ପରିଣତ ହୋଇଛି । ଆଗାମୀ ୨୪ ଘଣ୍ଟାରେ ପଶ୍ଚିମ-ଉତ୍ତରପଶ୍ଚିମ ଦିଗରେ ଓଡିଶା ମଧ୍ୟ ଦେଇ ଗତିକରିବା ସମ୍ଭାବନା ରହିଛି l ପ୍ରଭାବରେ ପଶ୍ଚିମ ଓଡ଼ିଶାରେ ଅତିପ୍ରବଳ ବର୍ଷା ହେବ ।

ଏଥିପାଇଁ ତିନି ଜିଲ୍ଲା ସମ୍ବଲପୁର, ଝାରସୁଗୁଡ଼ା ଓ ସୁନ୍ଦରଗଡ଼କୁ ଜାରି ହୋଇଛି ଅରେଞ୍ଜ ଆଲର୍ଟ । ନୂଆପଡ଼ା, ବଲାଙ୍ଗିର, ସୋନପୁର, ବୌଦ୍ଧ, କୋରାପୁଟ ଓ ବରଗଡ଼ରେ ଭୀଷଣ ବର୍ଷା ହେବ । ବାକି ଜିଲ୍ଲାକୁ ମଧ୍ୟ ଜାରି ହୋଇଛି ୟେଲୋ ଆଲର୍ଟ । ଟୁଇନସିଟି ଭୁବନେଶ୍ବର ଓ କଟକରେ ବର୍ଷା ଜାରି ରହିଛି । ରାଜ୍ୟରେ ଅନ୍ୟ ଜିଲ୍ଲାରେ ମଧ୍ୟ ଲଗାଣ ବର୍ଷା ହେଉଛି । ଆସନ୍ତା ୬ ତାରିଖ ଯାଏ ବର୍ଷା ନେଇ ସତର୍କ କରିଛି ପାଣିପାଗ ବିଭାଗ।