Vastu Tips: ଘରେ ରଖନ୍ତୁ ନାହିଁ ଏହି ଗ୍ରନ୍ଥ; ପରିବାରରେ ଲାଗିପାରେ ଝଗଡା

‘ମହାଭାରତ’ ହେଉଛି ହିନ୍ଦୁ ଧର୍ମର ଏକ ବିଶାଳ ଗ୍ରନ୍ଥ ଯେଉଁଥିରେ ଧର୍ମ-ଅଧର୍ମ, ନ୍ୟାୟ-ଅନ୍ୟାୟ, ପ୍ରେମ-ଘୃଣା ଏବଂ ଜୀବନର ଅନେକ ରଙ୍ଗ ବର୍ଣ୍ଣନା କରାଯାଇଛି। ଏହାକୁ ପଢିବା ଏବଂ ଶୁଣିବା ଖୁବ ପୂଣ୍ୟ ବୋଲି ବିବେଚନା କରାଯାଉଥିବା ବେଳେ ଏହା ଜୀବନକୁ ପରିବର୍ତ୍ତନ ମଧ୍ୟ କରିଦିଏ।

ଏମିତି କିଛି ଲୋକ ଅଛନ୍ତି ଯେଉଁମାନେ ଏହାକୁ ଘରେ ରଖିବା ଏବଂ ଏହାକୁ ପଢିବା ଠାରୁ ଦୂରେଇ ରୁହନ୍ତି। ସେମାନେ ଏମିତି କାହିଁକି କରନ୍ତି, ଏହା ପଛର କାରଣ କ’ଣ? ତେବେ ଆସନ୍ତୁ ଜାଣିବା ବାସ୍ତୁଶାସ୍ତ୍ରରେ ଏହାକୁ ନେଇ କ’ଣ କୁହାଯାଏ?

କୁରୁକ୍ଷେତ୍ର ଯୁଦ୍ଧର ବର୍ଣ୍ଣନା:

ମହାଭାରତରେ କୁରୁକ୍ଷେତ୍ର ଯୁଦ୍ଧର ବର୍ଣ୍ଣନା ଅଛି, ଯେଉଁଠାରେ ପ୍ରବଳ ରକ୍ତପାତ ହୋଇଥିଲା। ବିଶ୍ୱାସ କରାଯାଏ ଯେ ‘ମହାଭାରତ’ ଗ୍ରନ୍ଥକୁ ଘରେ ରଖିବା ଦ୍ୱାରା ନକାରାତ୍ମକ ଶକ୍ତିର ପ୍ରଭାବ ପଡିଥାଏ। ଏହା ଦ୍ୱାରା ପରିବାରରେ ମତଭେଦ ସୃଷ୍ଟି ହୁଏ।

ନକାରାତ୍ମକ ପ୍ରଭାବ:

ମହାଭାରତର ଦୁର୍ଯ୍ୟୋଧନ ପରି କିଛି ଚରିତ୍ର ନକାରାତ୍ମକ ଚରିତ୍ରର ପ୍ରତୀକ। ବିଶ୍ୱାସ କରାଯାଏ ଯେ ଏହି ଚରିତ୍ରଗୁଡ଼ିକର ପ୍ରଭାବ ଘରେ ନକାରାତ୍ମକତା ଆଣିପାରେ।

ବିଶାଳ ଗ୍ରନ୍ଥ:

‘ମହାଭାରତ’ ହେଉଛି ଏକ ବିଶାଳ ଗ୍ରନ୍ଥ ଯେଉଁଥିରେ ୧୮ଟି ପର୍ବ ଅଛି। ଏହାକୁ ନିୟମିତ ଭାବେ ପଢିବା ଏବଂ ବୁଝିବା କଷ୍ଟକର। ବିଶ୍ୱାସ କରାଯାଏ ଯେ ଯଦି ମହାଭାରତର ପାଠ ଅସମ୍ପୂର୍ଣ୍ଣ ରହିଯାଏ ତେବେ ଏହାର ନକାରାତ୍ମକ ପ୍ରଭାବ ପକାଏ।

କ’ଣ କୁହେ ବାସ୍ତୁ:

ବାସ୍ତୁଶାସ୍ତ୍ର ଅନୁଯାୟୀ, ‘ମହାଭାରତ’କୁ ଘରେ ରଖିବା ଉଚିତ ନୁହେଁ। ବାସ୍ତୁଶାସ୍ତ୍ରରେ ‘ମହାଭାରତ’କୁ “ବିବାଦୀୟ ଗ୍ରନ୍ଥ” ଭାବରେ ବିବେଚନା କରାଯାଏ। ଏହି ଶାସ୍ତ୍ରକୁ ଘରେ ରଖିବା ଦ୍ୱାରା ପରିବାର ସଦସ୍ୟଙ୍କ ମଧ୍ୟରେ ତିକ୍ତତା ଏବଂ ଝଗଡା ବଢେ ବୋଲି ବିଶ୍ୱାସ କରାଯାଏ।

‘ମହାଭାରତ’ ପଢିବା କ’ଣ ଅଶୁଭ କି:

ମହାଭାରତ ପଢିବା ଅଶୁଭ ନୁହେଁ। ଏହାକୁ ପଢିବା ଏବଂ ଶୁଣିବା ପୁଣ୍ୟ ବୋଲି ବିବେଚନା କରାଯାଏ। କିନ୍ତୁ କିଛି ଲୋକ ଏହାକୁ ଘରେ ରଖି ପଢିବାଠାରୁ ଦୂରେଇ ରୁହନ୍ତି। ଯଦି ଆପଣ ‘ମହାଭାରତ’ ପାଠ କରିବାକୁ ଚାହାଁନ୍ତି ତେବେ ଜଣେ ଉପଯୁକ୍ତ ପଣ୍ଡିତଙ୍କଠାରୁ ପରାମର୍ଶ ନେଇ ପଢିପାରିବେ।