Vastu Tips: ପିଲାଙ୍କ ପଢାରେ ମନ ଲାଗୁନି କି… ଜାଣନ୍ତୁ ୪ କାରଣ, ନିଜେ କରନ୍ତୁ ସମାଧାନ

ପ୍ରାୟତଃ ଦେଖାଯାଏ ଯେ ଅନେକ ପିଲାଙ୍କର ପାଠ ପଢିବାରେ ମନ ଲାଗେ ନାହିଁ। ପାଠ ସହିତ ଜଡିତ ଜିନିଷଗୁଡ଼ିକୁ ମନେରଖିବାରେ ସେମାନଙ୍କୁ ଅସୁବିଧାର ସମ୍ମୁଖୀନ ହେବାକୁ ପଡେ। ଯେତେ ପଢିଲେ ବି ଭୁଲିହୋଇଯାଏ। ଆହୁରି ମଧ୍ୟ, ବର୍ତ୍ତମାନ ସମୟରେ, ଶିକ୍ଷା କ୍ଷେତ୍ରରେ ପ୍ରତିଯୋଗିତା ବୃଦ୍ଧି ହେତୁ ପିଲାମାନେ ପ୍ରାୟତଃ ଚାପରେ ରହୁଥିବା ଦେଖାଯାଏ।

ପିଲାମାନଙ୍କର ଏହି ସମସ୍ୟାର ଅନେକ କାରଣ ମଧ୍ୟରୁ କେଉଁଠି ନା କେଉଁଠି ନିଶ୍ଚିତ ବାସ୍ତୁ ଦୋଷ ରହିଥାଇ ପାରେ। ବାସ୍ତୁ ଦୋଷ ଯୋଗୁଁ ପିଲାମାନେ ପ୍ରାୟତଃ ଅସୁସ୍ଥ ରୁହନ୍ତି କିମ୍ବା ପାଠ ପଢାରେ ମନ ଲାଗେନି ବା ଅଳସୁଆମି ହେତୁ ପାଠ ପଢିବାରେ ବିରକ୍ତି ଲାଗେ।

ତେବେ ଆଜି ଆମେ ଆପଣଙ୍କୁ ବାସ୍ତୁର ଏପରି କିଛି ପ୍ରତିକାର ବିଷୟରେ କହିବୁ, ଯାହା ପିଲାମାନଙ୍କର ସ୍ମୃତି ଶକ୍ତି ଏବଂ ବୁଦ୍ଧିକୁ ବଢାଇଥାଏ ଏବଂ ମନରେ ଆନନ୍ଦ ଖେଳେଇ ରଖେ। ତେବେ ଆସନ୍ତୁ ଜାଣିବା ପିଲାମାନଙ୍କର ଏହି ଅସୁବିଧାର ସମାଧାନ ପାଇଁ କ’ଣ ରହିଛି ବାସ୍ତୁ ସମାଧାନ।

ପଢା ଘରେ ଦିଅନ୍ତୁ ନି ଏମିତି ରଙ୍ଗ:

ପଢା ଘରେ ଦିଅନ୍ତୁ ନି ଏମିତି ରଙ୍ଗ

ବାସ୍ତୁଶାସ୍ତ୍ର ଅନୁଯାୟୀ, ଯେଉଁଠାରେ ପିଲାମାନେ ପାଠପଢନ୍ତି ସେହି ସ୍ଥାନର କାନ୍ଥ ସବୁବେଳେ ବାଦାମୀ, ଆକାଶ ନୀଳ, ଧଳା କିମ୍ବା ହାଲୁକା ସବୁଜ ମିଶା ନୀଳ ହେବା ଉଚିତ। ପିଲାମାନଙ୍କର ଷ୍ଟଡି ଟେବୁଲ୍ ମଧ୍ୟ ସମାନ ରଙ୍ଗର ହେଲେ ଏହା ଆହୁରି ଭଲ ହେବ। ପିଲାମାନଙ୍କର ଅଧ୍ୟୟନ କକ୍ଷକୁ ନୀଳ, କଳା କିମ୍ବା ନାଲି ରଙ୍ଗ କରାଯିବା ଉଚିତ ନୁହେଁ, ଏହା ପିଲାମାନଙ୍କର ଶିକ୍ଷାକୁ କ୍ଷତି ପହଞ୍ଚାଏ।

ଏହି ଜିନିଷ ରହିବା ଅନୁଚିତ:

ଏହି ଜିନିଷ ରହିବା ଅନୁଚିତ

ପିଲାମାନଙ୍କର ଅଧ୍ୟୟନ କକ୍ଷରେ ପ୍ରଚୁର ଆଲୋକ ରହିବା ଉଚିତ। କମ୍ ଆଲୋକ ନକାରାତ୍ମକ ଶକ୍ତି ବିସ୍ତାର କରେ, ଯେଉଁ କାରଣରୁ ପିଲାମାନଙ୍କର ମନ ସ୍ଥିର ରୁହେ ନାହିଁ ଏବଂ ପାଠ ପଢା ଦୁର୍ବଳ ହୋଇଯାଏ। ଅଧ୍ୟୟନ କକ୍ଷରେ ଟିଭି, ପତ୍ରିକା, ସିଡି ପ୍ଲେୟାର, ଭିଡିଓ ଗେମ୍, ରଦ୍ଦୀ ଇତ୍ୟାଦି ଅଦରକାରୀ ଜିନିଷ ରଖନ୍ତୁ ନାହିଁ, ଏହି ଜିନିଷଗୁଡ଼ିକ ମଧ୍ୟ ନକାରାତ୍ମକ ଶକ୍ତି ବିସ୍ତାର କରିଥାଏ।

ଲାଇଟ୍ ତଳେ ରଖନ୍ତୁନି ଟେବୁଲ୍ ସେଟ୍:

ଲାଇଟ୍ ତଳେ ରଖନ୍ତୁନି ଟେବୁଲ୍ ସେଟ୍

ଶିକ୍ଷାର ଦେବୀ ସରସ୍ୱତୀଙ୍କ ଫଟୋ କିମ୍ବା ପ୍ରତିମୂର୍ତ୍ତି ଏବଂ ଜ୍ଞାନ ପ୍ରଦାନକାରୀ ଭଗବାନ ଗଣେଶଙ୍କୁ ପିଲାମାନଙ୍କର ଅଧ୍ୟୟନ କକ୍ଷରେ ରଖିବା ଉଚିତ। ଆହୁରି ମଧ୍ୟ, ପିଲାମାନଙ୍କର ଅଧ୍ୟୟନ ଟେବୁଲ୍ ବର୍ଗାକାର ହେବା ଉଚିତ ଏବଂ ଏହାକୁ କାନ୍ଥ କିମ୍ବା କବାଟ ପାଖରେ ରଖିବା ଉଚିତ ନୁହେଁ। ଏହା ସହିତ ଲାଇଟ୍ ତଳେ କିମ୍ବା ଏହାର ଛାଇରେ ଟେବୁଲ୍ ସେଟ୍ କରନ୍ତୁ ନାହିଁ, ଏହା ପିଲାମାନଙ୍କର ପାଠପଢାକୁ ପ୍ରଭାବିତ କରେ।

ଅଧ୍ୟୟନ କକ୍ଷ ଏହି ଦିଗରେ ରହିବା ଅନୁଚିତ:

ଅଧ୍ୟୟନ କକ୍ଷ ଏହି ଦିଗରେ ରହିବା ଅନୁଚିତ

ପିଲାମାନଙ୍କର ଅଧ୍ୟୟନ କକ୍ଷ ସର୍ବଦା ଉତ୍ତର-ପୂର୍ବ ଦିଗରେ ରହିବା ଉଚିତ। ଏହି ଦିଗର ପ୍ରଭୁ ହେଉଛନ୍ତି ସୂର୍ଯ୍ୟ ଭଗବାନ ଏବଂ ସୂର୍ଯ୍ୟ ଭଗବାନଙ୍କୁ ଉଜ୍ଜ୍ୱଳତା ଏବଂ ଶକ୍ତିର ପ୍ରତୀକ ଭାବରେ ବିବେଚନା କରାଯାଏ। ଏହି କାରଣରୁ, ଉତ୍ତର-ପୂର୍ବ ଦିଗ ପିଲାମାନଙ୍କର ମନ, ବୁଦ୍ଧି ଏବଂ ବିବେକକୁ ପ୍ରଭାବିତ କରିଥାଏ। ତେବେ ଏଠାରେ ମନେ ରଖିବା ଉଚିତ ଯେ ପିଲାମାନଙ୍କର ଅଧ୍ୟୟନ କକ୍ଷ କେବେବି ଦକ୍ଷିଣ କିମ୍ବା ଦକ୍ଷିଣ-ପୂର୍ବ ଦିଗରେ ରହିବା ଉଚିତ ନୁହେଁ। ଏହି ଦିଗରେ କୋଠରୀ ରହିକେ ପିଲାମାନଙ୍କ ମନ କେବେବି ପାଠପଢରେ ରହିବ ନାହିଁ।